༧གོང་ས་མཆོག་གིས་ལག་སྤོལ་རྩེད་འགྲན་པ་ཨེ་ནི་སི་ཁན་ཊར་ལ་དྲ་ཐོག་ནས་མཇལ་ཁ་གནང་།
ཟླ་འདིའི་ཚེས་༢༣ ཉིན་༧གོང་ས་མཆོག་གིས་འགྲོ་བ་མིའི་ཐོབ་ཐང་འཐབ་རྩོད་པ་དང་ལག་སྤོལ་རྩེད་འགྲན་པ་ཨེ་ནི་སི་ཁན་ཊར་ལ་དྲ་ཐོག་ནས་མཇལ་ཁ་གནང་བ་དང་། མཇལ་ཁའི་རྗེས་སུ་རྩེད་འགྲན་པ་ཁོང་གིས་སྤྱི་ཚོགས་དྲ་ལམ་ཐོག་གནས་ཚུལ་ཞིག་སྤེལ་བའི་ནང་། ༧གོང་ས་ཏཱ་ལའི་བླ་མ་མཆོག་ལ་མཇལ་ཁ་བྱུང་བར་ཧ་ཅང་གི་དགའ་སྤོབས་བྱུང་བ་དང་། འཛམ་གླིང་འདི་འཛམ་གླིང་གི་འགྲོ་བ་མིའི་རིགས་ཡོངས་ལ་དབང་བ་ལས། འགོ་ཁྲིད་ཚོར་དབང་བ་ཞིག་མིན་སྐོར་དང་། ༧གོང་ས་སྐྱབས་མགོན་ཆེན་པོ་མཆོག་གིས་ཁོང་ལ་རྒྱབ་སྐྱོར་དང་མཛའ་བརྩེ་ཆེན་པོ་གནང་པར་ཐུགས་རྗེ་ཆེ་ཞེས་བྲིས་འདུག
ཟླ་འདིའི་ཚེས་༢༣ ཉིན་༧གོང་ས་མཆོག་གིས་འགྲོ་བ་མིའི་ཐོབ་ཐང་འཐབ་རྩོད་པ་དང་ལག་སྤོལ་རྩེད་འགྲན་པ་ཨེ་ནི་སི་ཁན་ཊར་ལ་དྲ་ཐོག་ནས་མཇལ་ཁ་གནང་བ་དང་། མཇལ་ཁའི་རྗེས་སུ་རྩེད་འགྲན་པ་ཁོང་གིས་སྤྱི་ཚོགས་དྲ་ལམ་ཐོག་གནས་ཚུལ་ཞིག་སྤེལ་བའི་ནང་། ༧གོང་ས་ཏཱ་ལའི་བླ་མ་མཆོག་ལ་མཇལ་ཁ་བྱུང་བར་ཧ་ཅང་གི་དགའ་སྤོབས་བྱུང་བ་དང་། འཛམ་གླིང་འདི་འཛམ་གླིང་གི་འགྲོ་བ་མིའི་རིགས་ཡོངས་ལ་དབང་བ་ལས། འགོ་ཁྲིད་ཚོར་དབང་བ་ཞིག་མིན་སྐོར་དང་། ༧གོང་ས་སྐྱབས་མགོན་ཆེན་པོ་མཆོག་གིས་ཁོང་ལ་རྒྱབ་སྐྱོར་དང་མཛའ་བརྩེ་ཆེན་པོ་གནང་པར་ཐུགས་རྗེ་ཆེ་ཞེས་བྲིས་འདུག
རྗེ་ནེ་ཝའི་འགྲོ་བ་མིའི་ཐོབ་ཐང་དང་མང་གཙོའི་ལྷན་ཚོགས་ཀྱིས། ལོ་ལྟར་བུད་མེད་ཀྱི་ཐོབ་ཐང་རྩོད་ལེན་དང་འབྲེལ་བའི་བུད་མེད་ཀྱི་གཟེངས་རྟགས་དང་འགྲོ་བ་མིའི་ཐོབ་ཐང་དང་སྒེར་གཅོད་རིང་ལུགས་ཀྱི་དྲག་གནོན་སོགས་ལ་ཁ་གཏད་གཅོག་མཁན་གསར་འགོད་པ་དང་མང་གཙོ་དོན་གཉེར་བ། རྩོམ་པ་པོ་དང་ལས་འགུལ་བ་སོགས་ལ་སྙིང་སྟོབས་གཟེངས་ཕུལ་སྲོལ་ཡོད་པ་ལྟར། ཕྱི་ཟླ་༢ ཚེས་༢༢ ཉིན་བརྒྱུད་ལམ་ཁག་ཏུ་གནས་ཚུལ་སྤེལ་བ་ལྟར་ན། རྒྱལ་སྤྱིའི་འགྲོ་བ་མིའི་ཐོབ་ཐང་གི་མཉམ་འདུས་ཚོགས་སྡེ་ཁག་གིས་སིལ་སྤོལ་རྩེད་མཁན་གྲགས་ཅན་ཁོང་ལ། རང་ཉིད་ཀྱི་མི་ཚེའི་ཕུགས་འདུན་ལ་ཉེན་ཁ་ཡོད་པར་འཛེམས་ཟོན་མེད་པར་རྒྱ་ནག་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནས་སྟངས་ཕྱི་བསྒྲགས་བར་བརྟེན། འགྲོ་བ་མིའི་ཐོབ་ཐང་གི་སྙིང་སྟོབས་གཟེངས་རྟགས་དེ་ཁོང་ལ་སྤྲད་རྒྱུའི་གསལ་བསྒྲགས་བྱས་པ་དང་། ཕྱི་ཟླ་༤ པའི་ཚེས་༦ ཉིན་སུད་སིའི་རྒྱལ་སྤྱིའི་ཐུན་མོང་དུ་ཡོད་པའི་གཞུང་འབྲེལ་མིན་པའི་ཚོགས་པ་༢༥ ཚོགས་འདུའི་ཐོག་མགྲོན་འབོད་བྱས་འདུག
ཨེ་ནི་སི་ཁན་ཊར་གྱིས། “རྒྱ་ནག་གཞུང་གི་ཨོ་རྩལ་ཆེད་ཕྱི་ཡུལ་དུ་དྲིལ་བསྒྲགས་ག་ཚོད་བྱས་ཀྱང་ཁོང་ཚོས་འགོ་ཁྲིད་བྱས་པའི་ཨོ་རྩལ་ལ་རྩི་མཐོང་དང་མཛའ་འབྲེལ་བྱེད་མི་ཐུབ། རྒྱ་ནག་གི་སྲིད་དབང་སྒེར་འཛིན་ལམ་ལུགས་ནི་མི་མང་ལ་གཉའ་གནོན་བྱེད་མཁན་ཞིག་རེད་”ཅེས་དང་། “ངའི་རེ་བར་ང་དང་འདྲ་བའི་རྒྱལ་སྤྱིའི་རྩེད་མོ་བ་མང་དག་ཅིག་གིས་ངའི་བྱ་སྤྱོད་ལ་སྐུལ་མ་ཞིག་ཐེབས་ནས་བདེན་པ་ལ་རྒྱབ་སྐྱོར་བྱེད་རོགས་’’ཅེས་བརྗོད་འདུག
རྩེད་འགྲན་པ་ཨེ་ནེ་སི་ཀན་ཊར་ནི་སུད་སིའི་གྲོང་ཁྱེར་གྱི་རྫི་རིག་ཏུ་སྐྱེས་པའི་ཊོར་ཀེའི་མི་རིགས་ཀྱི་རྒྱུད་པ་ཞིག་ཡིན་ཞིང་། ཁོང་ནི་ཨ་རིའི་རྒྱལ་སྤྱིའི་ཨེན་བྷི་ཨེ་ (NBA) ཡི་རྩེད་མོ་བ་གྲགས་ཅན་ཞིག་ཡིན་པ་དང་། བདུན་ཕྲག་གོང་མར་ད་ལོའི་ནོ་སྦེལ་ཞི་བདེའི་གཟེངས་རྟགས་ཕུལ་ཡུལ་གྱི་འོས་མིའི་ཁོངས་སུ་མིང་འདོན་བྱས་ཡོད་པ་རེད།།
གསར་འགོད་པ་བདེ་སྒྲོན།
