ཀེ་ར་ལ་མངའ་སྡེའི་ནང་ས་རུད་ཀྱིས་མི་རྒྱུ་གཉིས་ལ་གོད་ཆགས་ཚབས་ཆེན་བཟོས་པར་༧གོང་ས་མཆོག་གིས་ཐུགས་གསོ་གནང་འདུག

ཟླ་འདིའི་ཕྱི་ཚེས་༢༦ ནས་རྒྱ་གར་ལྷོ་ཕྱོགས་ཀེ་ར་ལ་མངའ་སྡེའི་ཝ་ཡ་ན་ཊ་ཞེས་པའི་ས་ཁུལ་དུ་ཆར་པ་ཤུགས་ཆེན་བབས་ཏེ་ས་རུད་ཆེན་པོ་བྱུང་རྐྱེན། རྒྱ་གར་གྱི་གསར་ལམ་ཁག་ལྟར་ན་ད་བར་མི་གྲངས་ ༡༨༥ ལྷག་འདས་གྲོངས་སུ་གྱུར་ཡོད་པ་དང་། མི་གྲངས་ ༡༩༦ ཡས་མས་ལ་རྨས་སྐྱོན་ཕོག་པ། དེ་བཞིན་མི་གྲངས་ ༢༢༥ ལྷག་གར་སོང་ཆ་མེད་དུ་གྱུར་ཞིང་། གཞན་མི་བརྒྱ་ཕྲག་མང་པོ་ལམ་བར་དུ་ལུས་པའི་གནས་ཚུལ་བྱུང་འདུག་པས། ཕྱི་ཟླ་༠༧ པའི་ཚེས་ ༣༡ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཀེ་ར་ལ་མངའ་སྡེའི་ཝ་ཡ་ནཊ་ས་ཁུལ་གྱི་མི་རྒྱུ་གཉིས་ཀྱི་གོད་ཆག་ཚབས་ཆེན་བྱུང་བར་མངའ་སྡེའི་སྤྱི་ཁྱབ་བློན་ཆེན་གཙོས་པའི་མངའ་སྡེའི་མི་མང་ལ་ཐུགས་གསོ་གནང་འདུག

ཐུགས་གསོའི་གསུང་འཕྲིན་ནང་དུ། མགོན་པོ་གང་གི་ངོས་ནས་རང་བྱུང་གོད་ཆག་ཁྲོད་རྐྱེན་འདས་སུ་འགྲོ་མཁན་གྱི་ལྟོས་བཅས་ནང་མི་རྣམས་ལ་སེམས་གསོ་དང་། གནོད་སྐྱོན་འཕོག་མཁན་ཚོར་གདུང་སེམས་མཉམ་སྐྱེ་ཞུ་གི་ཡོད་པ། མངའ་སྡེ་གཞུང་དང་འབྲེལ་ཡོད་ཚོགས་པ་ཁག་ནས་གནོད་སྐྱོན་འཕོག་མཁན་ཚོར་དགོས་ངེས་རོགས་སྐྱོར་དང་། ངལ་སེལ་སྐྱོབ་གསོ་གནང་གི་ཡོད་པ་ཤེས་རྟོག་བྱུང་བས་ངོས་རང་བློ་བདེ་བོ་བྱུང་བ། ཀེ་ར་ལ་མངའ་སྡེའི་མི་མང་ལ་གདུང་སེམས་མཉམ་སྐྱེད་མཚོན་ཕྱིར་རིན་པོ་ཆེས་ཏཱ་ལའི་བླ་མའི་ཐེབས་རྩ་ནས་ཛ་དྲག་ངལ་སེལ་ལས་གཞིའི་སླད་ཞལ་འདེབས་འབུལ་རྒྱུར་བཀོད་མངགས་གནང་་ཡོད་པ་བཅས་གསུངས་འདུག