ཁམས་པའི་སྨྱུག་ཚོགས་ཀྱི་འབྲི་ཆུ་ཆེད་དེབ་འདོན་ཐེངས་༧ པའི་དབུ་འབྱེད་མཛད་སྒོ་དང་བགྲོ་གླེང་བཅས་འཚོགས།

འདི་གར་ཁམས་པའི་སྨྱུག་ཚོགས་ཀྱི་རྒྱུན་ལས་ནས་གནས་ཚུལ་མཁོ་སྤྲོད་གནང་དོན།

ཕྱི་ལོ ༢༠༢༤ ཟླ་བ་ ༠༧ ཚེས་ ༠༣ རེས་གཟའ་ལྷག་པ་སྐུའི་བླ་གཟའི་ཉིན་རྒྱ་གར་ལྷོ་ཕྱོགས་མོན་གྷོ་འབྲས་སྤུངས་བློ་གསལ་གླིང་དཔེ་མཛོད་ཚོགས་ཁང་དུ་ཁམས་པའི་སྨྱུག་ཚོགས་ཀྱི་འབྲི་ཆུ་ཆེད་དེབ་སྤྱིའི་འདོན་ཐེངས་བདུན་པའི་དབུ་འབྱེད་མཛད་སྒོ་དང་བགྲོ་གླེང་བཅས་འཚོགས།
སྐབས་དེར་ཁམས་པའི་སྨྱུག་ཚོགས་ཀྱི་དྲུང་ཆེ་བློ་བཟང་རིན་ཆེན་ལགས་ནས་ཁམས་པའི་སྨྱུག་ཚོགས་ཀྱི་བྱུང་རབས་དང་ད་བར་བོད་ཀྱི་སྐད་ཡིག་དང་རིག་གཞུང་གི་ཆེད་དུ་ལས་དོན་གང་དང་གང་བྱས་ཡོད་མེད། སྐབས་བབ་ཀྱི་བགྲོ་གླེང་གི་ངོ་སྤྲོད་དང་འབྲེལ་བའི་གཏམ་བཤད་གནངས་ཡོད།

སྐུ་མགྲོན་གཙོ་བོ་ཁམས་པའི་སྨྱུག་ཚོགས་ཀྱི་ཚོགས་མི་མཁས་དབང་དགེ་བཤེས་བེ་རི་འཇིགས་མེད་དབང་རྒྱལ་མཆོག་ནས”འབྲི་ཆུ་”ཆེད་དེབ་སྤྱིའི་འདོན་ཐེངས་བདུན་པ་དབུ་འབྱེད་གནང་བ་དང་།
གཞན་ཡང་སྐུ་མགྲོན་གཙོ་བོ་འབྲས་བློ་གླིང་དཔེ་མཛོད་ཀྱི་དབུ་འཛིན་དགེ་བཤེས་ལྷ་རམས་པ་བློ་བཟང་ཟླ་ལུ་མཆོག་ནས་སྨྱུག་ཚོགས་ཀྱི་རྒྱུན་ལས་ཐོན་ཟིན་པ་དགེ་བཤེས་བེ་རི་འཇིགས་མེད་དབང་རྒྱལ་མཆོག་ལ་རྒྱུན་ལས་ལས་འཁྱུར་ཕྱག་འཁྱེར་གནང་བ་དང་། མཁས་དབང་བེ་རི་དགེ་བཤེས་འཇིགས་མེད་དབང་རྒྱལ་མཆོག་ནས་སྨྱུག་ཚོགས་ཀྱི་རྒྱུན་ལས་ཐོན་ཟིན་གཞན་རྣམས་ལ་ལས་འཁྱུར་ཕྱག་འཁྱེར་བསྩལ་གནང་ཡོད།
དེ་བཞིན་དཔེ་མཛོད་དབུ་འཛིན་མཆོག་ནས་ལག་ལྟར་རྩོམ་སྒྲིག་ཚོགས་མི་རྣམས་ལ་ཐུགས་རྗེ་ལེགས་འབུལ་གནང་བ་དང་།

གདན་ཞུའི་མཁས་དབང་བེ་རི་དགེ་བཤེས་འཇིགས་མེད་དབང་རྒྱལ་མཆོག་ནས་”ནང་བསྟན་གཞུང་ལུགས་སྐོར་གྱི་དཔྱད་རྩོམ་འབྲི་ཐབས་” ཞེས་པའི་བརྗོད་གཞིའི་ཐོག་དུས་ཡུན་སྐར་མ་ལྔ་བཅུ་ཙམ་གཏམ་བཤད་གནང་བ་དང་། དེ་རྗེས་གོང་གསལ་བརྗོད་གཞི་དང་འབྲེལ་དུས་ཡུན་སྐར་མ་ཉི་ཤུ་ཙམ་ལ་དྲི་བ་དྲིས་ལན་བཅས་གནང་ཡོད།

མཇུག་ཏུ་ཁམས་པའི་སྨྱུག་ཚོགས་ཀྱི་དྲུང་ཆེ་བློ་བཟང་རིན་ཆེན་ལགས་ནས་ལས་རིམ་འདི་དང་འབྲེལ་ཡོད་ཡོངས་ནས་སྔ་ཕྱི་བར་གསུམ་དུ་ཁམས་པའི་སྨྱུག་ཚོགས་ལ་རྒྱབ་སྐྱོར་དང་ཐུགས་ཁུར་གནང་ཡོད་མཁན་ཀུན་ལ་ཐུགས་རྗེ་ཆེ་ཞེས་མཇུག་བསྡོམས་བཏམ་བཤད་དང་བཅས་མཛད་སྒོ་རྒྱལ་ཁའི་ངང་ལེགས་པར་གྲུབ་ཡོད་པ་བཅས།