ཇོ་བྷ་ཌན་ཨ་རིའི་སྲིད་འཛིན་འོས་མིར་ལང་ཐུབ་རྒྱུ་ཁག་པོ་ཡིན་འདུག
ཉིན་འགའ་ཤས་ཀྱི་སྔོན་དུ་ཨ་རིའི་སྲིད་འཛིན་འོས་མི་གཉིས་བར་དངོས་སུ་གདོང་ཐུག་གིས་བགྲོ་གླེང་བྱས་ཡོད་པ་དང་། སྐབས་དེ་དུས་མི་མང་གི་ཁྲོད་ནས་ཇོ་བྷ་ཌན་ལོ་ན་མཐོ་དྲགས་པའི་རྐྱེན་གྱིས་མ་འོངས་པར་ཨ་རིའི་སྲིད་འཛིན་བྱེད་ཐུབ་རྒྱུ་ཁག་པོ་ཡིན་པའི་བསམ་ཚུལ་ཡོད་མཁན་ཇེ་མང་དུ་ཕྱིན་ཡོད་འདུག
ཕྱི་ཚེས་༣ ཉིན་རྒྱལ་སྤྱིའི་གསར་ཁང་ཆེ་ཁག་གིས་གནས་ཚུལ་སྤེལ་གསལ་ལྟར་ན། ཨ་རིའི་སྲིད་འཛིན་འོས་བསྡུ་དེ་ཡོང་རྒྱུའི་ཕྱི་ཟླ་༡༡ ནང་ཡིན་འདུག་པར་བརྟེན། ཉེ་ཆར་ཕྱི་ཟླ་༦ པའི་ཚེས་༢༧ ཉིན་ཨ་རིའི་སྲིད་འཛིན་འོས་མི་གཉིས་བར་དངོས་སུ་གདོང་ཐུག་གིས་བགྲོ་གླེང་བྱས་ཡོད་པ་དང་། བགྲོ་གླེང་དེ་ཚར་རྗེས་ཨ་རིའི་མང་གཙོ་ཚོགས་པའི་ནང་ཇོ་བྷ་ཌན་སྲིད་འཛིན་གྱི་འོས་མིར་མི་འོས་པའི་བསམ་ཚུལ་ཇེ་མང་དུ་ཕྱིན་འདུག་པ་དང་། རྒྱུ་མཚན་ནི་ཇོ་བྷ་ཌན་ལོ་ན་མཐོ་དྲགས་པ་དང་གཏམ་བཤད་བྱེད་དུས་ཁ་གསལ་པོའི་ཐོག་ནས་བཤད་མི་ཐུབ་པའི་རྐྱེན་གྱིས་ཡིན་འདུག ཨ་རིའི་(Texas)མངའ་སྡེ་ནས་ཡིན་པའི་ཨ་རིའི་མང་གཙོ་ཚོགས་པའི་གྲོས་ཚོགས་འཐུས་མི(Lloyd Doggett)ཟེར་བ་ཞིག་གིས་ཇོ་བྷ་ཌན་སྲིད་འཛིན་འོས་མི་ནས་ཕྱིར་འཐེན་བྱེད་དགོས་པར་བརྗོད་ཡོད་འདུག
གྲོས་ཚོགས་འཐུས་མི་དེས་དེ་སྔོན་བགྲོ་གླེང་སྐབས་ཇོ་བྷ་ཌན་མཐོང་དུས་ཁོང་ཧ་ཅང་དཀའ་ལས་ཁག་པོ་རེད་འདུག ངའི་རེ་བ་ལ་བྷ་ཌན་ཁོང་རང་ཉིད་ཀྱིས་ཐག་གཅོད་བྱས་ནས་འདི་ལོའི་སྲིད་འཛིན་འོས་མི་ནས་ཕྱིར་འཐེན་བྱེད་རྒྱུའི་རེ་བ་རྒྱག་བཞིན་ཡོད་ཅེས་བརྗོད་འདུག ཟླ་བ་སྔོན་མར་སྲིད་འཛིན་འོས་མི་གཉིས་བར་བགྲོ་གླེང་མ་འཚོགས་པའི་སྔོན་དུ་ཇོ་བྷ་ཌན་ཡུ་རོབ་ཁུལ་དུ་ལྟ་སྐོར་ཕྱིན་ཡོད་འདུག་པ་དང་། སྐབས་དེར་ཕྱིར་ཕོ་བྲང་དཀར་པོར་ལོག་ཡོང་དུས་ཆམ་ནད་ཕོག་ནས་དཀའ་ངལ་ཆེན་པོ་འཕྲད་ཡོད་པ་ཨ་རིའི་ཕོ་བྲང་དཀར་པོའི་ལས་བྱེད་གཅིག་གིས་བརྗོད་འདུག
(New York Times)གསར་ཁང་གིས་བརྗོད་དོན་ལ། མིང་བརྗོད་འདོད་མེད་པའི་མི་ཞིག་གིས། ཇོ་བྷ་ཌན་གྱིས་ཉིན་ལྟར་ཞོགས་པའི་ཆུ་ཚོད་༡༡ ཐོག་ལས་ཀ་འགོ་འཛུགས་བྱེད་ཀྱི་ཡོད་པས། ཆུ་ཚོད་༡༡ སྔོན་དུ་ཇོ་བྷ་ཌན་ངལ་གསོའི་ཆེད་དུ་གཉིད་ཀྱི་ཡོད་པར་བརྗོད་འདུག་པ་དང་། ཁོང་ཡུ་རོབ་ཁུལ་དུ་ལྟ་སྐོར་ཕྱིན་ཏེ་ཕྱིར་ལོག་དུས་གཟུགས་པོ་ཧ་ཅང་ཐང་ཆད་ནས་སྲིད་འཛིན་གཉིས་ཀྱི་བགྲོ་གླེང་ཆེད་དུ་གྲ་སྒྲིག་བྱེད་དགོས་ཀྱང་། གྲ་སྒྲིག་བྱེད་རྒྱུའི་ཉིན་མོ་ཉུང་དུ་བཏང་ནས་ཁོ་རང་གི་སྡོད་གནས་སུ་(Delaware)་ངལ་གསོ་བརྒྱབས་ཡོད་པར་བརྗོད་ཡོད་འདུག་ལ། ད་ཆར་ས་ཁུལ་མང་པོ་ཞིག་ནས་ཁོང་ལོ་ན་མཐོ་དྲགས་པའི་རྐྱེན་གྱིས་འོས་མི་ལང་རྒྱུ་ཁག་པོ་ཡིན་པའི་བསམ་ཚུལ་ཡོད་མཁན་མང་པོ་འབྱུང་བཞིན་ཡོད་པར་རྗོད་ཀྱི་ཡོད་འདུག
(Rep Doggett)ཟེར་བ་ཞིག་གིས་བརྗོད་དོན་ལ། ཇོ་བྷ་ཌན་ཕྱིར་འཐེན་བྱས་ནས་འོས་མི་གཞན་ཞིག་ཡོང་རྒྱུའི་རེ་བ་བྱེད་ཀྱི་ཡོད། དེ་སྔོན་བགྲོ་གླེང་སྐབས་སུ་བྷ་ཌན་ཁོང་རང་ཉིད་ཀྱིས་བྱས་པའི་གྲུབ་འབྲས་མང་པོ་ཡོད་ཀྱང་དེ་དག་ཕྱི་གསལ་ནང་གསལ་འདོན་མ་ཐུབ་པ་དང་། སྲིད་འཛིན་ཟུར་པ་ཌོ་ནལ་ཊམ་གྱིས་རྫུན་གཏམ་མང་པོ་བཤད་ཀྱང་དེ་དག་ལ་ཁ་གཏད་གཅོག་པའི་ནུས་པ་མི་འདུག་ཅེས་རྗོད་ཀྱི་ཡོད་འདུག དེ་བཞིན་མང་གཙོ་ཚོགས་པའི་གྲོས་ཚོགས་འཐུས་མི་མང་པོ་ཞིག་གིས་ཇོ་བྷ་ཌན་གྱིས་ཌོ་ནལ་ཊམ་ལ་ཁ་གཏད་གཅོག་ཐུབ་རྒྱུ་ཁག་པོ་ཡིན་པའི་བསམ་ཚུལ་ཡོང་གི་ཡོད་འདུག
ཇོ་བྷ་ཌན་ལ་ཧ་ཅང་རྒྱབ་སྐྱོར་བྱེད་མཁན་གྲོས་ཚོགས་འཐུས་མི་(Jim Clyburn)ཟེར་བ་ཞིག་གིས་བྷ་ཌན་ཕྱིར་འཐེན་བྱས་ན་སྲིད་འཛིན་གཞོན་པ་(Kamala Harris)་ལ་རྒྱབ་སྐྱོར་བྱེད་རྒྱུ་ཡིན་ཞེས་བརྗོད་ཡོད་འདུག ཉིན་ཤས་སྔོན་མི་མང་ཁྲོད་དུ་ཞིབ་མཇུག་བྱས་ཡོད་འདུག་པ་དང་། ཞིབ་མཇུག་ལ་བལྟས་ན་ཇོ་བྷ་ཌན་འོས་མིར་མི་འོས་ཚུལ་བརྗོད་མཁན་༧༢ དང་འོས་མི་ལངས་ན་འོས་ཚུལ་རྗོད་མཁན་བརྒྱ་ཆ་༢༧ ལས་ཡོད་མི་འདུག ཨ་རིའི་ནང་ཡོད་པའི་གསར་ཁང་ཆེ་ཁག་མང་པོ་ཞིག་ནས་ཇོ་བྷ་ཌན་འོས་མིར་མི་འོས་ཚུལ་རྗོད་མཁན་མང་པོ་བྱུང་ཡོད་པ་དང་། ཇོ་བྷ་ཌན་ལས་གཞན་པ་མང་གཙོ་ཚོགས་པའི་འོས་མི་ཡོད་ཚུལ་རྗོད་མཁན་ཡོད་འདུག དཔེར་ན། སྲིད་འཛིན་གཞོན་པ (Kamala Harris)་དང་། (Califorinia )མངའ་སྡེའི་སྲིད་སྐྱོང་(Gavin NewSom) (Michigan)མངའ་སྡེའི་སྲིད་སྐྱོང་(Gretchen Whitmer)་སོགས་ཡོད་པར་རྗོད་ཀྱི་ཡོད་འདུག
གསར་འགོད་པ། བསོད་ནམས་ཕུན་ཚོགས།
