ཐུན་མོང་གྱི་རྟེན་གཞི་འཚོལ་བ། རྒྱལ་སྤྱིའི་ཆབ་སྲིད་ཀྱི་འགྱུར་ལྡོག་ཁྲོད་ཀྱི་ཐབས་ཇུས་གསར་པ་ཞེས་པའི་ཚོགས་འདུ་ཞིག་ཚོགས་སོང་།

ད་རིང་ཕྱི་ལོ་༢༠༢༤ཟླ་བ ༩ ཚེས ༡༠ ཉིན་བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག་ཐུན་མོང་གྱི་རྟེན་གཞི་འཚོལ་བ། རྒྱལ་སྤྱིའི་ཆབ་སྲིད་ཀྱི་འགྱུར་ལྡོག་ཁྲོད་ཀྱི་ཐབས་ཇུས་གསར་པ་ཞེས་པའི་ཚོགས་འདུ་ཞིག་བོད་ཀྱི་དཔེ་མཛོད་ཁང་དུ་ཚོགས་སོང། ཐེངས་འདིའི་ཚོགས་འདུའི་སྐུ་མགྲོན་དུ་ཐའེ་ཝན་དང་ཧོང་ཀོང་མཐུན་ཚོགས་ཀྱི་ཚོགས་གཙོ་SANG PU་དང་།  བྷར་མའི་རང་དབང་འཐབ་རྩོད་པ། YANG WANGLI། ཐའེ་ཝན་ནས་ཡིན་པའི་བོད་དོན་རྒྱབ་སྐྱོར་བ། yingjun དང་། ཐའེ་ཝན་དང་འབར་མའི་མི་སེར་མཐུན་ཚོགས་ཀྱི་ཚོགས་གཙོ། པེ་ཅིང་གི་དཔྱིད་ཀའི་དུས་དེབ་ཀྱི་སློབ་སྟོན་པ་སོགས་དང་། དེ་བཞིན་བོད་ཀྱི་སྲིད་བྱུས་ཉམས་ཞིབ་ཁང་གི་ཉམས་ཞིབ་པ་དང་གསར་འགོད་པ་སོགས་མང་དག་ཅིག་ཚོགས་བཞུགས་གནང་འདུག  སྐབས་དེར་སྲིད་བྱུས་ཉམས་ཞིབ་ཁང་གི་དབུ་འཛིན་ཟླ་བ་ཚེ་རིང་ནས་འཚམས་འདྲི་དང་འབྲེལ་ཚོགས་འདུ་འདིའི་དམིགས་ཡུལ་སོགས་ངོ་སྤྲོད་གནང་དོན། 

ཚོགས་འདུ་འདི་བཞིན་རྒྱ་ནག་གི་ཁ་གཏད་ལངས་ཕྱོགས་གཅིག་ཡིན་མཁན་ཚོས་ནུས་པ་མཉམ་དུ་སྤུངས་པའི་ཐོག་ནས།  རྒྱ་ནག་ལ་གདོང་ལེན་བྱ་རྒྱུར་གལ་ཆེའི་ངོས་འཛིན་གྱིས་བོད་ཀྱི་སྲིད་བྱུས་ཉམས་ཞིབ་ཁང་ནས་རྒྱལ་སྤྱིའི་ཆབ་སྲིད་ཀྱི་འགྱུར་ལྡོག་ཁྲོད་རྒྱ་ནག་ལ་ཁ་གཏད་གཅོག་པའི་སྲིད་བྱུས་གསར་པ་སྒྲིག་ཐབས་སུ་ཕྱོགས་ཕན་ཚུན་བསམ་ཚུལ་དང་། ཉམས་མྱོང་བརྗེ་ལེན་ཞུ་རྒྱུར་ཐུན་མོང་གི་གཞི་རྟེན་འཚོལ་བ་ཞེས་པའི་ཚོགས་འདུ་འདི་ལྟ་བུ་ཞིག་གོ་སྒྲིག་ཞུ་གི་ཡོད་པར་གསལ་བཤད་གནང་།

དེ་བཞིན་སྤྱིར་རྒྱ་ནག་གཞུང་འོག་ལ་ཡོད་མཁན་གྱི་སྒེར་དང་མི་མང་རྣམས་ཀྱིས་ངོ་རྒོལ་དང་ལས་འགུལ་མང་དག་སྤེལ་ཡང་། ཕན་ཚུན་བསམ་བློ་མཉམ་སྤུངས་ནི་སྐྱོ་བོ་ཡིན་པས་རྒྱ་གཞུང་གིས་མུ་མཐུད་རྩ་མེད་གཏོང་བཞིན་ཡོད་པ་དང་།

རྒྱ་ནག་དམར་ཤོག་གཞུང་གི་བཙན་གནོན་འོག་སྡུག་སྦྱོང་མྱོང་མཁན་ཚོགས་སྒེར་ཕན་ཚུན་འབྲེལ་ལམ་དམ་གཟབ་བཏང་ནས་ཐུན་མོང་གིས་རྒྱ་གཞུང་ལ་གདོང་ལེན་བྱ་རྒྱུར་འབད་རྩོལ་བྱེད་དགོས་པ།  ཐེངས་འདིའི་ཚོགས་འདུའི་ཐོག་ལངས་ཕྱོགས་གཅིག་མཚུངས་ཡིན་པ་རྣམས་ཀྱིས་ནུས་པ་མཉམ་སྦྲེལ་ཐོག རྒྱ་མི་ལ་ངོ་རྒོལ་བྱེད་དགོས་པའི་གལ་གནད་དང་དེ་ཡང་ཚང་མའི་ཁེ་ཕན་དང་ཐུག་ས་གཅིག་པ་ཡིན་ཚུལ་སོགས་གཏམ་བཤད་གནང་ཞིང་། གལ་ཏེ་རྒྱ་གཞུང་གི་བཙན་གནོན་མྱོང་ཚོགས་སྒེར་ཁག་ཕན་ཚུན་འབྲེལ་འདྲིས་ངོ་ཤེས་མེད་ན། རྒྱ་གཞུང་གིས་འཆར་གཞི་ལྡན་པའི་ཐོག་ནས་ཚོགས་པ་དང་མི་སྒེར་རེ་རེ་བཞིན་རྩ་མེད་གཏང་རྒྱུའི་ངན་བྱུས་བསྒྲིགས་ཏེ། དྲང་བདེན་གྱི་འཐབ་རྩོད་ཉམས་ཉེས་སུ་གཏོང་གི་ཡོད་པ་སོགས་སོགས་གཏམ་བཤད་གནང་སོང་། 
དེ་བཞིན་ཧོང་ཀོང་ནང་གི་རང་དབང་འཐབ་རྩོད་པ་དང་གསར་འགོད་པ་དང་ YANG LI ཡིས།  ཧོང་ཀོང་གི་སྤྱི་ཚོགས་ནང་རྒྱ་མིས་དྲག་གནོན་བྱས་ཚུལ་དང་ཧོང་ཀོང་གི་བདེ་འཇགས་དེ་རྩ་མེད་མགྱོགས་པོ་གཏོང་བཞིན་ཡོད་པ། གཞན་ཡང་རྒྱ་མིས་ང་ཚོའི་སྤྱི་ཚོགས་མེད་པ་བཟོ་རྒྱུའི་ཐབས་བྱུས་གཅིག་པ་ཡིན་ཀྱང་། ང་ཚོ་ཚང་མས་སེམས་ཤུགས་ནམ་ཡང་མ་ཆགས་ནས་ནུས་པ་མཉམ་རུབ་དང་ང་ཚོ་ཕན་ཚུན་གནད་དོན་ཁག་མཉམ་རུབ་བྱས་ནས་རྒྱ་མིར་རྒོལ་བ་གལ་གནད་ཡིན་པ་སོགས་གཏམ་བཤད་གནང་བ་དང་།

དེ་བཞིན་ཉམས་ཞིབ་པ་ཚེ་དབང་རྡོ་རྗེས་རང་གི་ཉམས་ཞིབ་ཀྱི་དཔྱད་རྩོམ་དང་འབྲེལ་ནས་གནད་དོན་ཁག་ཅིག་གི་ཐོག་གཏམ་བཤད་གནང་སོང་།

གསར་འགོད་པ། བསྟན་འཛིན་ཆོས་དབྱངས།