ཕྲུ་གུ་ཆུང་ཆུང་མང་པོར་ལོག་སྤྱོད་ཀྱི་གློག་བརྙན།
རྒྱ་གར་གྱི་ཁྱིམ་མཚེས་རྒྱལ་ཁབ་(Pakisatan)པ་ཀི་སི་ཐན་ནང་དུ་ཕྲུ་གུ་ཆུང་ཆུང་མང་པོར་བཙན་གཡེམ་དང་ལོག་པར་སྤྱད་པའི་ནག་ཉེས་འོག་མི་བདུན་འཛིན་བཟུང་བྱས་ཡོད་འདུག
རྒྱ་གར་གྱི་ཁྱིམ་མཚེས་རྒྱལ་ཁབ་(Pakisatan)པ་ཀི་སི་ཐན་ནང་དུ་ཕྲུ་གུ་ཆུང་ཆུང་མང་པོར་བཙན་གཡེམ་དང་ལོག་པར་སྤྱད་པའི་ནག་ཉེས་འོག་མི་བདུན་འཛིན་བཟུང་བྱས་ཡོད་འདུག
དེ་ཡང་ཟླ་འདིའི་ཚེས་༡༠ ཉིན་གྱི་རྒྱལ་སྤྱིའི་བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། ཉེན་རྟོག་པས་པ་ཀི་སི་ཐན་གྱི་གྲོང་གསེབ་ཞིག་གི་ནང་དུ་ཕྲུ་གུ་ཆུང་ཆུང་ལ་བཙན་གཡེམ་དང། ཚུལ་མིན་གྱི་ལོག་པར་སྤྱད་པའི་གློག་བརྙན་༢༠ ལྷག་ལག་ཏུ་སོན་ཡོད་པ་དང། གནས་ཚུལ་དེ་དང་འབྲེལ་ནས་མི་བདུན་འཛིན་བཟུང་བྱས་ཡོད་འདུག ད་དུང་མི་མང་པོ་ཞིག་འཛིན་བཟུང་བྱ་རྒྱུ་བསྡད་ཡོད་སྐོར་བཤད་འདུག
ས་གནས་བརྒྱུད་ལམ་གྱི་བཤད་ཚུལ་ལྟར་ན། མི་ངན་ཤོག་ཁག་ཅིག་གིས་ཕྲུ་གུ་ཆུང་ཆུང་ལ་ལོག་པར་སྤྱད་པའི་གློག་བརྙན་མང་པོ་ཞིག་བཟོས་ཏེ། ཕ་མ་ཚོར་སྡིག་ར་བསྐུལ་ནས་དངུལ་བཙན་འཕྲོག་བྱས་པ་དང་གློག་བརྙན་དེ་ཚོ་བཙོང་གྱི་ཡོད་འདུག གློག་བརྙན་གྲངས་བརྒྱ་ཕྲག་མང་པོ་དང་ཕྲུ་གུ་༢༨༠ ལས་མང་བར་ལོག་པར་སྤྱད་ཡོད་འདུག གློག་བརྙན་དེ་དག་ནང་དུ་ཕྲུ་གུ་མང་ཆེ་བ་ལོ་༡༤ ལས་ཆུང་བ་ཡིན་པ་དང། ཁོ་ཚོ་ཕན་ཚུན་བཙན་དབང་ཐོག་ནས་ལུས་འབྲེལ་བྱེད་དུ་བཅུག་པ་སོགས་ཚུལ་མིན་ལོག་སྤྱོད་ཀྱི་བྱ་བ་མང་པོ་ཡོད་འདུག
“སྤྱོད་ངན་གྱི་གནས་ཚུལ་དེ་ནི་པ་ཀི་སི་ཐན་གྱི་ལོ་རྒྱུས་ནང་ད་ཕན་བྱུང་མ་མྱོང་བའི་ཚུལ་མིན་གྱི་གནས་ཚུལ་ཆེ་ཤོས་ཤིག་རེད།”ཅེས་པ་ཀི་སི་ཐན་ནང་ཡོད་པན་ཇབ་ཕྲུ་གུའི་སྲུང་སྐྱོབ་ལས་ཁུངས་ཀྱི་འགན་འཛིན་སཱ་བ་ས་རྡིག་(Saba Sadiq)གིས་འགྲེལ་བརྗོད་བྱས་འདུག
བདུན་ཕྲག་སྔོན་མའི་ནང་ཕྲུ་གུ་དེ་ཚོའི་ཕ་མ་དང་ས་གནས་ཉེན་རྟོག་པའི་བར་ལ་གདོང་ཐུག་བྱུང་སྟེ། མི་༢༠ ལས་མང་བར་རྨས་སྐྱོན་ཕོག་ཡོད་པ་དང། ཕ་མ་ཚོས་ཉེན་རྟོག་པར་སྙན་སེང་ཞུས་པ་ལ་ཡ་ལན་མ་བྱས་པར་སྐྱོན་བརྗོད་བྱས་ཡོད་འདུག
གསར་འགོད་པ་སྐལ་བཟང་དོན་གྲུབ་ཀྱིས་སྒྱུར་སྒྲིག་བྱས།
