བལ་ཡུལ་དུ་ཨ་རིའི་བུད་མེད་ཅིག་ལ་བཙན་གཡེམ།

བལ་ཡུལ་གྱི་རྒྱལ་ས་ཀ་ཐི་མན་ཀྲུ་ཡི་མགྲོན་ཁང་ཞིག་ཏུ་ཨ་རིའི་མི་སེར་ཡིན་པའི་བུད་མེད་ཅིག་ལ་བཙན་གཡེམ་བཏང་འདུག

བལ་ཡུལ་ཉེན་རྟོག་པས་རྟོག་ཞིབ་བརྒྱུད་ར་སྤྲོད་བྱས་པ་ལྟར་ན། རང་ལོ་༤༠ ཡིན་པའི་ཨ་རིའི་བུད་མེད་དེར་མགྲོན་ཁང་ཞིག་ཏུ་མཉམ་རུབ་ཀྱིས་བཙན་གཡེམ་བཏང་ཡོད་པ་མ་ཟད། བཙན་གཡེམ་གཏོང་མཁན་ཡིན་པའི་དོགས་གཞིའི་འོག་མི་གཉིས་འཇུ་བཟུང་བྱས་ཡོད་འདུག་ཀྱང་། ཉེས་འཛུགས་ལ་ཁས་ལེན་གཏན་ནས་བྱས་མེད་པ་རེད། བལ་ཡུལ་གྱི་ཉེན་རྟོག་པས་ད་དུང་དོགས་གཞིའི་ཉེས་ཅན་གྱི་མི་གཉིས་རྗེས་འདེད་གཏོང་བཞིན་ཡོད་འདུག

དེ་བཞིན་གནས་ཚུལ་ནང་ཐོན་པ་ལྟར་ན། བཙན་གཡེམ་གྱི་དོན་རྐྱེན་དེ་ནི་བལ་ཡུལ་གྱི་རྒྱལ་ས་ཀ་ཐི་མན་ཀྲུ་ཡི་ཏཱ་མིལ་ཁུལ་གྱི་མགྲོན་ཁང་ཞིག་ཏུ་བྱུང་ཡོད་པ་དང་། ཨ་རིའི་མི་སེར་ཡིན་པའི་བུད་མེད་དེ་ལོ་གཅིག་གི་ཚོང་ལས་མཐོང་མཆན་ཐོག་བལ་ཡུལ་སླེབས་པ་ཞིག་ཡིན་འདུག།