བོད་རིགས་སེར་སྐྱ་ཡོངས་ལ་གསལ་བསྒྲགས།

༄༅།། གཞིས་བྱེས་གཉིས་སུ་གནས་པའི་བོད་རིགས་སེར་སྐྱ་ཡོངས་ལ་

ཞུ་རྒྱུར།

དེང་སྐབས་སྐྱེ་བོ་མགོ་བདེ་སྐབས་འཚོལ་བ་མང་བས་སྤྱི་ཚོགས་ཁྲོད་དུ་སྤྲུལ་སྐུ་རྫུན་མ་དང།

བླ་མ་རྫུན་མ་བཟོ་མཁན་མང་པོ་ཡོང་གིན་ཡོད་ཅིང། ལྷག་པར་དུ་ལོ་རྒྱུས་ཡོད་པའི་བླ་ཆེན་དེ་འདྲ་ཡང་རྫུན་བཟོ་བྱེད་མཁན་ཡོང་གིན་ཡོད་སྟབས། རིས་མེད་ཆོས་བརྒྱུད་སྤྱི་ནས་རང་རང་གི་༧སྐྱབས་མགོན་དང་དབུ་ཁྲིད་རྣམ་པའི་ཐག་ཆོད་ལས་ཆོས་བརྒྱུད་གཞན་གིས་ཐེ་ཇུས་གནང་སྲོལ་མེད་པ་ལྟར། སྟག་ལུང་པའི་བླ་སྤྲུལ་ཞིག་ཡིན་ཕྱིན་༧གོང་ས་མཆོག་གིས་ཐད་ཀར་ངོས་འཛིན་གནང་ན་དམིགས་བསལ་ལས། དེ་མིན་སྟག་ལུང་པའི་༧སྐྱབས་མགོན་རྣམ་པའི་བརྒྱུད་གཞིས་བྱེས་གཉིས་སུ་ཡོད་པའི་སྟག་ལུང་པའི་བརྒྱུད་འཛིན་ཚད་ལྡན་ཡོངས་ཀྱིས་ཁས་ལེན་མེད་པར། སྐྱེ་བོ་སུ་ཞིག་གིས་སྟག་ལུང་པའི་བླ་སྤྲུལ་རྫུན་བཟོ་བྱས་ཚེ་སྟག་ལུང་པ་སྤྱི་ནས་ངོས་ལེན་མེད་པའི་དེ་དོན་དགོངས་མངའ་འཚལ།།

བྱེས་ཀྱི་སྟག་ལུང་གདན་ས་ནས་གཞིས་བྱེས་ཐུན་མོང་གི་དགོངས་ཚུལ་ལྟར་སྤེལ།།