རྒྱ་གར་ལྷོ་ཁུལ་གྱི་བོད་མིའི་རྐང་སྤོར་རྩེད་འགྲན།

ཟླ་འདིའི་ཚེས་༡༢ ནས་༡༩ བར་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་ས་གནས་ན་གཞོན་རྩེད་རིགས་མཐུན་ཚོགས་ཀྱི་གོ་སྒྲིག་འོག ལྷོ་ཕྱོགས་ཁུལ་གྱི་རྐང་སྤོར་རྩེད་འགྲན་ཐེངས་གཉིས་པ་མོན་གྷོ་གཞིས་སྤྱིའི་རྩེད་ཐང་བརྩེས་ཡོད་པ་རེད།

མཇུག་བསྡོམས་མཛད་སྒོ་གཉིས་ཀྱི་ཐོག མོན་གྷོ་ས་གནས་འགོ་འཛིན་ཕུན་ཚོགས་ཚེ་རིང་། ས་འཐུས་ཚོགས་གཙོ་བསོད་ནམས་རྡོ་རྗེ་གཉིས་ཀྱི་གཙོས་ས་འཐུས་རྣམ་པ་དང་སྤྱི་མི་དང་ཕྱག་མཛོད་རྣམ་པ། གཞན་ཡང་ས་གནས་ཀྱི་གནད་ཡོད་ལས་ཀྱི་སྣེ་མོ་བ་དང་སེར་སྐྱ་མི་མཉམ་ཞུགས་བྱས་ཡོད་པ་རེད།

ཕྱི་ཚེས་༡༩ ཉིན་གྱི་ཉིན་རྒྱབ་ཆུ་ཚོད་༣ པ་ཙམ་ལ་རྐང་སྤོར་རྩེད་འགྲན་པ་ཨང་རིམ་རྩེར་སོན་སྦེལ་ཀོབ་བདེ་སྐྱིད་སླར་གསོ་གཞིས་ཆགས་ཀྱི་རྐང་སྤོར་རུ་ཁག་དང་། སྦེལ་ཀོབ་གྷོ་ལ་ཐ་ལ་རྐང་སྤོར་རུ་ཁག་གཉིས་ཀྱིས་ཐ་མའི་འགྲན་སྡུར་བྱས་ཡོད་པ་དང་།  ཐེངས་འདིའི་རྐང་སྤོར་འགྲན་སྡུར་གྱི་བྱ་དགའ་ཨང་དང་པོ་སྦེལ་ཀོབདེ་སྐྱིད་སླར་གསོའི་རྐང་སྤོར་རུ་ཁག་དང་ཨང་གཉིས་པ་སྦེལ་ཀོབ་གྷོ་ལ་ཐ་ལ་རྐང་སྤོར་རུ་ཁག་ལ་ཐོབ་ཡོད་པ་རེད།

ཐེངས་འདིའི་ལྷོ་ཁུལ་རྐང་སྤོར་རྩེད་འདྲན་ནང་མཉམ་ཞུགས་བྱེད་མཁན་རུ་ཁག་བརྒྱད་ཡོད་པ་དང་། རྐང་སྤོར་རྩེད་འགྲན་པ་དང་གོ་སྒྲིག་པ་སོགས་ཕྱོགས་ཡོངས་ཀྱི་ངོས་ནས་ཚགས་ཚུད་མཐུས་ཚང་བྱས་ཡོད་པ་རེད།།

ལྷོ་ཕྱོགས་གསར་འགོད་པ་ཐུབ་བསྟན་བཀྲ་ཤིས།