རྒྱ་ནག་གི་མཁའ་རླུང་འབག་བཙོག་འོག་ལོ་རེར་མི་ས་ཡ་༡༌༥ གྲོངས་ཡོད་འདུག
ཟླ་འདིའི་ཚེས་༡༣ ཉིན་གྱི་ནེའུ་ཡོག་དུས་བབ་ཏུ་གནས་ཚུལ་སྤེལ་བ་ལྟར་ན། སྙན་གྲགས་ཆེ་བའི་སྦེར་ཀེ་ལིས་གོ་ལ་(Berkeley Earth)ཞེས་པའི་ཁོར་ཡུག་ཞིབ་འཇུག་ཚོགས་པས་བཏོན་པའི་སྙན་ཐོའི་ནང་དུ་རྒྱ་ནག་གི་མཁའ་རླུང་འབགས་བཙོག་གི་ཤུགས་རྐྱེན་འོག ལོ་རེར་མི་ས་ཡ་༡་༦དང། ཉིན་རེར་མི་༤༤༠༠ཙམ་རྐྱེན་ལམ་དུ་འགྲོ་ཡི་ཡོད་པ་གསལ་ཡོད་འདུག
ཟླ་འདིའི་ཚེས་༡༣ ཉིན་གྱི་ནེའུ་ཡོག་དུས་བབ་ཏུ་གནས་ཚུལ་སྤེལ་བ་ལྟར་ན། སྙན་གྲགས་ཆེ་བའི་སྦེར་ཀེ་ལིས་གོ་ལ་(Berkeley Earth)ཞེས་པའི་ཁོར་ཡུག་ཞིབ་འཇུག་ཚོགས་པས་བཏོན་པའི་སྙན་ཐོའི་ནང་དུ་རྒྱ་ནག་གི་མཁའ་རླུང་འབགས་བཙོག་གི་ཤུགས་རྐྱེན་འོག ལོ་རེར་མི་ས་ཡ་༡་༦དང། ཉིན་རེར་མི་༤༤༠༠ཙམ་རྐྱེན་ལམ་དུ་འགྲོ་ཡི་ཡོད་པ་གསལ་ཡོད་འདུག
དེ་སྔོན་ཟླ་བཞིའི་རིང་རྒྱ་ནག་དང་ཐེ་ཝན། ལྷོ་ཀོ་རི་ཡ་སོགས་ལ་མཁའ་རླུང་ལ་ཞིབ་འཇུག་བྱས་ཏེ། མཐའ་མའི་སྙན་ཐོའི་ནང་དུ་རྒྱ་ནག་གི་དུག་རླུང་ཡོང་ཁུངས་ཀྱི་ས་ཁྲ་བསྟན་ཡོད་པ་དང། དེ་བཞིན་རྒྱལ་ས་པེ་ཅིང་གི་མཁའ་རླུང་ལ་དུ་ཞག་འཁོར་གྱི་ཡོད་པ་དེ་ཡང་ཐག་རིང་གི་བཟོ་གྲྭའི་དུ་བའི་རྐྱེན་གྱིས་ཡིན་པ་གསལ་ཡོད་འདུག་པས། སྙན་ཐོ་དེའི་རྒྱ་ནག་གཞུང་གིས་ཕྱི་ལོ་༢༠༢༢ ལོའི་དགུན་ཁའི་ཨོ་ལིམ་པིག་རྩེད་འགྲན་མ་ཚོགས་པའི་སྔོན་དུ། པེ་ཅིང་གྲོང་ཁྱེར་གྱི་མཁའ་རླུང་གཙང་བཟོའི་འཆར་གཞི་དེ་འགྲུབ་པར་འགོག་རྐྱེན་ཆགས་སྲིད་པ་རེད་འདུག
དེ་བཞིན་སྙན་ཐོའི་ནང་དུ་རྒྱ་ནག་མི་མང་བརྒྱད་ལས་གསུམ་གྱིས་མཁའ་རླུང་གཙང་མ་འབྱིན་རྔུབ་བྱེད་ཐུབ་ཀྱི་མེད་པས། སྙིང་ནད་དང་གློ་བའི་སྐྲན་ནད། དབུགས་གསག་ནད་སོགས་མང་པོ་འབྱུང་གི་ཡོད་སྐོར་བརྗོད་ཡོད་འདུག
སྐལ་བཟང་དོན་གྲུབ་ཀྱིས་སྒྱུར་སྒྲིག་བྱས།།
