ལྡི་ལི་ནས་བོད་མི་ངོ་རྒོལ་ཁྲོམ་སྐོར་བ་རྒྱ་གར་ཉེན་རྟོག་པས་བཀག་འགོག
དེ་རིང་རྒྱ་ནག་གི་ཕྱི་སྲིད་བློན་ཆེན་རྒྱ་གར་ལྡི་ལི་ལ་འཚམས་གཟིགས་སུ་སླེབས་ཡོད་པས། བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག བོད་པ་དང་བོད་དོན་རྒྱབ་སྐྱོར་བ་ངོ་རྒོལ་ཁྲོམ་སྐོར་བྱེད་མཁན་རྣམས་རྒྱ་གར་ཉེན་རྟོག་པས་ལམ་བར་ནས་བཀག་འགོག་བྱེད་ཀྱི་ཡོད་པ་རེད།
དེ་རིང་རྒྱ་ནག་ཕྱི་སྲིད་བློན་ཆེན་རྒྱ་གར་ལྡི་ལི་ལ་འཚམས་གཟིགས་སུ་སླེབས་ཡོད་པས། བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག བོད་པ་དང་བོད་དོན་རྒྱབ་སྐྱོར་བ་རྣམས་ཀྱིས་ངོ་རྒོལ་ཁྲོམ་སྐོར་བྱེད་ཀྱི་ཡོད་ནའང་། རྒྱ་གར་ཉེན་རྟོག་པས་ལམ་བར་ནས་བཀག་འགོག་བྱེད་ཀྱི་ཡོད་པ་རེད།
དེ་ཡང་ཟླ་འདིའི་ཚེས་༨ ཉིན་ངོ་རྒོལ་ཁྲོམ་སྐོར་བ་རྣམས་ཀྱིས་བོད་ལ་རང་དགོས་པའི་འབོད་ཚིགས་པ་དང་། བོད་རང་བཙན་ནི་རྒྱ་གར་གྱི་བདེ་འཇགས་ཡིན་ཞེས་པའི་འཕྲེད་དར་སྣ་ཚོགས་འཕྱར་ཏེ། རྒྱ་ནག་གཞུང་ཚབ་སྒོ་རུ་བསྐྱོར་འཆར་ཡོད་ནའང་། རྒྱ་གར་གྱི་སྐོར་སྲུང་ཉེན་རྟོག་པ་ཧ་ཅང་མང་པོ་འཛོམས་སྟེ། བོད་མི་གནས་སྡོད་བྱེད་ཡུལ་ལྡི་ལིའི་མན་ཇིན་ཊི་ལ་ནས་བཀག་འགོག་བྱེད་ཀྱི་ཡོད་པ་རེད།
ཉིན་དེར་བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་ནག་གིས་བོད་དབང་བསྒྱུར་བྱས་ཏེ། ད་ལྟའི་བར་མི་མང་དམར་གསོད་དང་མནར་གཅོད་ཚད་མེད་གཏོང་གི་ཡོད་སྐོར་གྱི་གསལ་བསྒྲགས་སྤེལ་ཡོད་པ་རེད།།
