ལྡི་ལིའི་ས་འོག་མེ་འཁོར་དང་གཞུང་འབྲེལ་འགྲུལ་སྐྱེལ་རླངས་འཁོར་ནང་བུད་མེད་རིན་མེད་འགྲུལ་བཞུད་བྱེད་ཆོག་འཆར།
དེ་རིང་ཁ་སང་རྒྱ་གར་གྱི་གསར་ལམ་ཁག་ཏུ་གནས་ཚུལ་སྤེལ་བར་གཞིགས་ན། ལྡི་ལིའི་གཞུང་ནས་ས་གནས་དེ་གར་འཚོ་གནས་བྱེད་བཞིན་པའི་བུད་མེད་རྣམས་ས་འོག་མེ་འཁོར་དང་གཞུང་འབྲེལ་འགྲུལ་སྐྱེལ་རླངས་འཁོར་ནང་རིན་མེད་འགྲུལ་བཞུད་བྱེད་ཆོག་པའི་གསལ་བསྒྲགས་གནང་འདུག
དེ་རིང་ཁ་སང་རྒྱ་གར་གྱི་གསར་ལམ་ཁག་ཏུ་གནས་ཚུལ་སྤེལ་བར་གཞིགས་ན། ལྡི་ལིའི་གཞུང་ནས་ས་གནས་དེ་གར་འཚོ་གནས་བྱེད་བཞིན་པའི་བུད་མེད་རྣམས་ས་འོག་མེ་འཁོར་དང་གཞུང་འབྲེལ་འགྲུལ་སྐྱེལ་རླངས་འཁོར་ནང་རིན་མེད་འགྲུལ་བཞུད་བྱེད་ཆོག་པའི་གསལ་བསྒྲགས་གནང་འདུག
དེ་ཡང་ས་འོག་མེ་འཁོར་རྣམས་ལྡི་ལི་གསར་པ་གཅིག་པུ་མ་ཡིན་པར་National Capital Region(NCR)མངའ་ཁོངས་སུ་ཡོད་པའི་ས་གནས་ Faridabad, Gurgaon, Ballabhgarh, Bahadurgarh in Haryana,Noida and Ghaziabad in Uttar Pradesh རྣམས་ལ་ལམ་མཐུད་ཡོད་པས་དེ་དག་གང་དུ་ཕར་འགྲོ་ཚུར་འོང་བྱས་ཀྱང་རིན་མེད་ཡིན་ཞེས་གསུངས་འདུག དེ་བཞིན་ལམ་ལུགས་དེ་ལག་ལེན་བྱེད་དོན་གཙོ་བོ་ནི་བུད་མེད་རྣམས་ལ་བདེ་འཇགས་དང་འགྲོ་གྲོན་ཉུང་རུ་གཏོང་ཆེད་དུ་ཡིན་པ་རེད།
སྤྱིར་བཏང་མི་མང་ནང་ལམ་ལུགས་འདིས་སྐྱེས་པ་རྣམས་ལ་དབྱེ་འབྱེད་བྱེད་པ་རེད་བཅས་སྐྱོན་བརྗོད་བྱེད་ཀྱིས་ཡོད་ཀྱང་། འགྲུལ་བཞུད་བློན་ཆེན་ནས་འདི་བུད་མེད་གཅིག་པུའི་ཆེད་དུ་མ་ཡིན་པར་ནང་ལ་བུད་མེད་ཡོད་པས་ཁྱིམ་ཚང་ཡོངས་ཀྱི་འགྲོ་གྲོན་ཉུང་རུ་འགྲོ་ཡི་ཡོད་པ་མ་ཟད། བུད་མེད་སློབ་མ་རྣམས་ཀྱང་སློབ་གྲྭར་ཕར་འགྲོ་ཚུར་འོང་དང་རང་ཉིད་ཀྱི་འགྲོ་འདོད་ཡོད་པའི་ས་ཆ་རྣམས་ལ་འགྲིམ་འགྲུལ་གྱི་དཀའ་ངལ་མེད་པར་བསྐྱོད་ཐུབ་ཀྱི་རེད་ཅེས་གསུངས་འདུག
དེ་རིང་ཁ་སང་ལམ་ལུགས་འདིའི་ཐོག་མང་ཚོགས་འཁྲོད་བསམ་འཆར་འདྲ་མིན་ཡོད་པའི་དབང་གིས་བསམ་འཆར་བསྡུ་རུབ་ཀྱི་དུས་བཀག་ཚེས་༡༥ བར་ཡིན་ཡང་ད་ཆ་ཟླ་འདིར་ཚེས་༣༠ བར་དུས་འགྱངས་གནང་ཡོད་པ་དང་ལྡི་ལི་གཞུང་ནས་ཀྱང་སྐྱེལ་འདྲེན་ཁང་ལ་རམ་འདེགས་བྱེད་རྒྱུ་ཡིན་ཞེས་གསུངས་འདུག །
གསར་འགོད་སྦྱོང་བརྡར་པ་བཀྲ་ཤིས་ཆོས་སྒྲོན།
