ཨ་རིའི་ལྕམ་སྐུ་maura moynihanལགས་བོད་ཐོག་དཀར་གཙང་ཞིག་ཨེ་ཡིན།

ནམ་མཁའ།
ཨ་རིའི་བུད་མེད་maura Moynihan ལགས་ཀྱིས་ཨ་རིའི་དམངས་གཙོའི་སྨྲ་བརྗོད་རང་དབང་བེད་སྤྱད་དེ། སྲིད་སྐྱོང་མཁས་བློ་བཟང་སེང་གེ་མཆོག་གིས་ཚིག་བེད་སྤྱོད་བྱེད་སྟངས་ནས་བཟུང་། ཁང་པ་སྟབས་བདེ་ཞིག་ཉོས་པའི་རིམ་པ་སོགས་ལ་དོགས་དཔྱོད་དང་འབྲེལ། སྐྱོན་བརྗོད་ཀྱི་རྩོམ་ཡིག་མང་པོ་ཞིག་ཝ་ཞིན་ཊོན་དུས་བབ་སྟེང་the washingtion times བྲིས་སོང་། མ་ཟད་ཨ་རིའི་དོན་གཅོད་དབུ་དཀར་ཚང་གིས་མོའི་རྩོམ་ཐུང་དེར་ལན་འདེབས་གནང་། དེའི་ལན་ལ་ཡང་བསྐྱར་མྰོ་ར་ལགས་ཀྱིས་རྩོམ་ཐུང་ཞིག the tibetan political review ཐོག་སྤེལ་འདུག ཚིག་བེད་སྤྱོད་བྱེད་སྟངས་ཅིག་ལ་ཕྲན་རང་ཉིད་ཡང་བློ་ཕམ་བྱུང་སྟེ།༼ང་ཚོས་བོད་ནང་གི་བོད་མི་ཚོའི་ཆེད་དུ་དམངས་གཙོ་རྩོད་ཀྱི་མེད༽ཟེར་བའི་ཚིག་གྲུབ་འདི་རྩོམ་བྱང་བྱས་ཏེ། བོད་རྩོམ་ཞིག་བྲིས་ནས་བསམ་འཆར་བཤད་མྱོང་ཡོད། ཡིན་ཡང་དེ་རིང་འདིའི་སྐོར་གླེང་འདོད་མེད།
དེ་རིང་འདིར་གླེང་འདོད་པ་ནི། ཨ་རིའི་ལྕམ་སྐུ་མྰོ་ར་ལགས་ཀྱིས་གསུངས་པའི་ཚིག་འགའ་ལ་དོགས་དཔྱོད་ཕྲན་བུ་ཞིག་བྱེད་འདོད་སྐྱེས། ཐོག་མར་ཨ་རིའི་ལྕམ་སྐུ་མྰོ་ར་ལགས་འདིར་གདན་འདྲེན་ཞུ་དགོས། ལྕམ་སྐུ་མྰོ་ར་ལགས་ཀྱིས་འདི་ལྟར་གསུངས་འདུག ལོ་བཅུའི་ཡར་སྔོན་གྱི་གནས་ཚུལ་ཞིག་སྟེ། སྲིད་སྐྱོང་མཆོག་ཨ་རིའི་ཧ་ཝ་ཊར་ཡོད་སྐབས། རྒྱ་ནག་གི་ཕྱི་སྡོད་མི་སེར་ལག་ཁྱེར་གྱི་ངོས་ནས་རྒྱ་ནག་ལ་ཕྱིན་པའི་གནས་ཚུལ་ལ་སྐྱོན་བརྗོད་བྱས་ཡོད། སྤྱིར་བཏང་ཕྱི་སྡོད་རྒྱ་ནག་གི་མི་སེར་ལག་ཁྱེར་གྱི་ཐོག་ནས་རྒྱ་ནང་ལ་ཕྱིན་པ་ཙམ་གྱིས་གནད་འགག་དེ་ཙམ་མེད། རྒྱུ་མཚན་ནི། མཁས་དབང་བློ་སེང་གཅིག་པོ་མ་ཡིན་པར་རྒྱ་གར་དང་ཨ་རི་ཡོ་རུབ་སོགས་སུ་ཡང་རྒྱལ་ཁབ་ག་གེ་མོ་དེའི་མི་སེར་ལག་ཁྱེར་མེད་ཚེ་། ནང་མི་གཉེན་འཕྲད་ལ་འགྲོ་སྐབས། རྒྱ་ནག་མི་སེར་གྱི་ཕྱི་སྡོད་ལག་ཁྱེར་དེའི་ཐོག་ནས་འགྲོ་གི་ཡོད་པ་རེད།
ཡིན་ཡང་ལྕམ་སྐུ་མྰོ་ར་ལགས་ཀྱིས་སྐྱོན་བརྗོད་བྱེད་སྟངས་ནི། མཁས་དབང་བློ་བཟང་སེང་གེ་མཆོག་གིས་རྒྱ་ནག་གི་ཕྱི་སྡོད་མི་སེར་གྱི་ལག་ཁྱེར་ཞུས་པ་དེ་རེད། དེ་ཡང་བློ་སེང་གེ་མཆོག་སྲིད་སྐྱོང་གི་འོས་གཞི་ལངས་སྐབས་བོད་མི་ཚོས་དྲི་བ་དྲིས་ལན་བོད་སྐད་ཀྱི་ཐོག་ལན་འདེབས་གནང་བའི་དྲ་ཐག་ཞིག་གི་ཁ་བྱང་དང་བཅས་བཀོད་འདུག་པས་དེར་བལྟས་པ་ཡིན། དེ་གར་བློ་སེང་མཆོག་གིས་བོད་སྐད་ཀྱིས་ལན་འདེབས་གནང་སྟེ། ང་རང་གིས་རྒྱ་ནག་གི་མི་སེར་ཕྱི་སྡོད་ལག་ཁྱེར་དེ་ཞུས་ནས་ཕྱིན་པ་ཡིན།ལག་ཁྱེར་དེའི་ཐོག་མ་སོང་སྔོན་ལ་ཨ་རིའི་སྐུ་ཚབ་དོན་གཅོད་དང་བཀའ་ཤག་ལ་བཀའ་འདྲི་ཞུས་པ་ཡིན། ཁོང་ཚོས་ཀྱང་འགྲིག་གི་རེད་ཅེས་བཀའ་གནང་སོང་ཟེར། གང་ལྟར་ཡང་བཀའ་འདྲི་ཞུས་ཡོད་མེད་དང་། བཀའ་འཕྲོད་བྱུང་ཡོད་མེད་སྐབས་དེའི་མི་སྣར་སྐད་ཆ་འདྲི་ཡ་ལས་གཞན་ལྷག་མེད། མ་ཟད་སྐབས་དེར་བློ་སེང་མཆོག་སྲིད་སྐྱོང་ལ་བཞེངས་འཆར་ཡོད་མེད་ཡང་ཁོ་རང་ཉིད་ཀྱིས་ཀྱང་ཤེས་ཀྱི་མ་རེད་སྙམ།
འོན་ཏེ། དེ་རིང་འདིར་ལྕམ་སྐུ་མྰོ་ར་ལགས་འདིར་གདན་དྲངས་ཏེ་དྲི་བ་ཞིག་ཡོད་པ་ནི། ལྕམ་སྐུ་ལགས་ཀྱིས་བོད་སྐད་མཁྱེན་གྱི་ཡོད་ན་དྲི་བ་གཏོང་ཡ་མི་འདུག་མོད། འོན་ཀྱང་བོད་སྐད་མཁྱེན་གྱི་མེད་ཚེ། ལྕམ་སྐུ་ལགས་ལ་སྐད་བསྒྱུར་བོད་པ་ཞིག་དགོས་བའི་བོད་པ་དེ་སུ་ཡིན་ནམ། འདི་ནི་རྩོམ་དེའི་ནང་གི་དྲི་བ་དང་པོ་དེ་ཡིན།
གོང་གི་སྐྱོན་བརྗོད་དེས་བཙན་བྱོལ་སྤྱི་ཚོགས་ནང་གླེང་སློང་ཆེན་པོ་བྱུང་མེད། ཡིན་ཡང་དྲ་ལམ་བརྒྱུད་དེ། ཆབ་སྲིད་ཀྱི་རི་སྒང་ཆུང་ཆུང་རྡ་སའི་རི་ངོགས་ཀྱི་རྐང་ལམ་ཕྲ་མོ་དེའི་ནང་ཤོངས་དཀའ་བའི་གནས་ཚུལ་གཉིས་ཡོད། དེ་གཉིས་ནི། སྲིད་སྐྱོང་མཆོག་གིས་ཨ་རིར་བུ་ལོན་ལོ་སུམ་བཅུའི་ནང་སྤྲོད་དགོས་བའི་ཁང་པ་ཞིག་ཉོས་ཏེ། སྲིད་སྐྱོང་གི་དམ་འབུལ་མ་བྱས་པའི་སྔོན་ཉིན་བདུན་ནང་དངུལ་བུན་ཆ་ཚང་སྤྲད་ཐུབ་པ་བྱུང་བ་དེ་རེད། ལྕམ་སྐུ་མྰོ་ར་ལགས་ཀྱིས་དངུལ་དེ་གང་ནས་བྱུང་བ་རེད་ཅེས་དོགས་འདྲི་བྱས་ཡོད་པ་རེད། དོགས་འདྲི་འདི་ནི། གླེང་སློང་བྱུང་རྐྱེན་གྱི་རྒྱུ་རྐྱེན་གཙོ་བོ་གཅིག་རེད། ལྕམ་སྐུ་མྰོ་ར་ལགས་ཀྱི་དོགས་འདྲི་འདི་འགྲིག་གི་ཡོད་པ་རེད། ཡིན་ཡང་།
ཕྲན་གྱིས་ལྕམ་སྐུ་མྰོ་ར་ལགས་འདིར་ཡང་བསྐྱར་གདན་འདྲེན་ཞུས་ཏེ། དྲི་བ་ཞིག་འདྲི་གི་ཡིན། བློ་བཟང་སེང་གེ་མཆོག་གིས་སྲིད་སྐྱོང་དམ་འབུལ་གྱི་ཉིན་བདུན་སྔོན་བུ་ལོན་ཆ་ཚང་སྤྲད་ཟིན་པའི་གནས་ཚུལ་དེ། ཁྱེད་རང་གིས་ཅི་ལྟར་ཤེས་པ་རེད་དམ། ཁྱེད་རང་དངུལ་ཁང་ལ་སོང་ནས་སྐད་ཆ་དྲིས་པ་ཡིན་ནམ། ཡང་ན་སྲིད་སྐྱོང་གི་སྐུ་ཟླ་ལགས་ཀྱིས་ཁྱེད་ལ་གནས་ཚུལ་དེ་བཤད་པ་རེད། ཡང་ན། སྲིད་སྐྱོང་མཆོག་ལ་དངུལ་གང་ནས་རག་པའི་དོགས་སློང་བྱེད་སའི་ཡུལ་དེ་ནས་གནས་ཚུལ་དེ་བཤད་པ་རེད། དྲི་བ་འདི་དག་ནི་ཁ་གསལ་བཟོ་རྒྱུ་ལྷག་ཡོད་པ་རེད།

གླེང་སློང་གི་གནས་ཚུལ་གཞན་ཞིག་ནི། ཨ་རིའི་དོན་གཅོད་དབུ་དཀར་ཚང་བརྒྱུད་ནས་བྱུང་བའི་གནས་ཚུལ་ཞིག་རེད། དེ་ནི་༢༠༡༢ ལོར་བོད་ནང་གི་རང་ལུས་མེ་སྲེག་གི་གནས་ཚུལ། ཨ་རིའི་གྲོས་ཚོགས་ནང་ཞུ་འབུལ་ཞུ་སྟངས་ཞིག་གི་སྟེང་ནས་རེད། ཨ་རིའི་དོན་གཅོད་དབུ་དཀར་ཚང་བསྐོ་བཞག་གནང་སྟངས་ལ། བཙན་བྱོལ་གྲོས་ཚོགས་ནས་ཀྱང་གླེང་སློང་བྱུང་ཟིན་པས། བཀའ་སྤྱི་གཉིས་ཀྱིས་ཐག་གཅོད་དགོས་པ་ལས་ང་ཚོས་ཐག་གཅོད་བྱེད་ཐུབ་པ་ཞིག་མ་རེད།
འོན་ཀྱང་གླེང་སློང་གི་གནས་ཚུལ་བྱུང་སྟངས་ནི། ཨ་རིའི་དོན་གཅོད་སྐལ་རྡོར་དབུ་དཀར་ཚང་གིས་ཨ་རིའི་གྲོས་ཚོགས་ལ་ཞུ་འབུལ་བྱེད་མཁན་གྱི་མི་གླ་སྒྲིགས་སྟངས་རེད། ལྕམ་སྐུ་མྰོ་ར་ལགས་ཀྱིས་གསུངས་ཚུལ་ལ། ཨ་རིའི་གཞུང་ལ་ཞུ་སྐུལ་བྱེད་མཁན་མི་གླ་རྒྱ་ནག་ནང་སྐྱེས་ཏེ། ཨ་རིར་གནས་སྡོད་བྱེད་བཞིན་པའི་རྒྱ་རིགས་ཞིག་ལ་ཨ་སྒོར་༢༠༠༠༠ ཉིས་ཁྲི་སྤྲད་དེ་གླས་པ་དེའི་སྐོར་རེད། རྒྱ་རིགས་དེའི་མིང་ལ་བྷན་ཟེར་བ་དང་རྒྱ་རིགས་དེ་ཨ་རིའི་གསང་བའི་ལས་ཁུང་fbiབརྟག་དཔྱད་འོག་ཡོད་། རྒྱུ་མཚན་ནི། རྒྱ་རིགས་བྷན་ནི་རྒྱ་ནག་གི་དམར་ཤོག་ལ་སེམས་ཤུགས་ཡོད་མཁན་ཞིག་ཡིན་པས་རེད་ཟེར། མ་ཟད་ད་རུང་ཁོ་རང་གི་པ་ལགས་ཡང་རྒྱ་ནག་གི་བདེ་སྲུང་ལས་ཁུངས་ཀྱི་མི་སྣ་ཞིག་ཡིན་ཚུལ་གསུངས་ཡོད་ལ། དེ་ལས་ཀྱང་ང་རང་ཡ་མཚན་ཞིག་གིས་དྲི་བ་བསླངས་རྐྱེན་ནི། ལྕམ་སྐུ་མྰོ་ར་ལགས་ཀྱིས་རྒྱ་རིགས་དེ་ཞུ་སྐུལ་གྱི་དངུལ་ག་ཚོད་སྤྲད་ཡོད་མེད་ཀྱི་བྱུང་འཛིན་རག་ཡོད་པ་དེ་རེད། ལྕམ་སྐུ་ལགས་ལ། དངུལ་གྱི་བྱུང་འཛིན་དེ་ག་བ་ནས་རག་པ་ཡིན་ནམ། བྱུང་འཛིན་དེ་བོད་ཀྱི་དོན་གཅོད་ཁང་གིས་སྤྲད་པ་ཡིན་ནམ། ཡང་ན། རྒྱ་རིགས་བྷན་གྱིས་སྤྲད་པ་རེད། གལ་ཏེ་དོན་གཅོད་ཁང་གིས་སྤྲད་ཡོད་ཚེ། དོན་གཅོད་སྐལ་རྡོར་དབུ་དཀར་ཚང་གིས་སྤྲད་ཡོད་ཀྱི་རེད། དེ་མིན་རྒྱ་རིགས་དེས་སྤྲད་ཡོད་ཚེ། ཁྱེད་ཀྱིས་ཀྱང་ཨ་རིའི་གསང་བའི་ལས་ཁུངས་ཀྱི་བརྟག་དཔྱད་འོག་ཡོད་པའི་རྒྱ་རིགས་བྷན་ཟེར་བ་དེ་ལ་འབྲེལ་འདྲིས་བྱེད་ཀྱི་ཡོད་པ་ར་སྤྲོད་བྱེད་ཐུབ་པ་མ་ཟད། ཁྱེད་གཉིས་ཀྱིས་དམིགས་ཡུལ་ཅི་ཡིན་ཡང་རིམ་གྱིས་གསལ་བོར་ཤེས་ཐུབ་ཀྱི་རེད་འདོད། དེ་མིན་མི་གླས་དངུལ་གྱི་བྱུང་འཛིན་དེ་ཨ་རིའི་གསར་ཤོག་ཐོག་བཏོན་མེད་པ་གསལ་བོ་རེད།
ཡིན་ཡང་ལྕམ་སྐུ་ལགས་ལ། མཁས་དབང་བློ་སེང་མཆོག་གིས་ཁང་པའི་བུ་ལོན་སྲིད་སྐྱོང་དམ་འབུལ་གྱི་ཉིན་བདུན་སྔོན་སྤྲད་ཐུབ་པའི་དོགས་འདྲི་ཡོང་རྐྱེན་གཙོ་བོ་ནི། ཨ་རིའི་དོན་གཅོད་སྐལ་རྡོར་ལགས་ཀྱིས་བོད་དོན་ཞུ་སྐུལ་གྱི་མི་གླ་སྒྲིགས་སྟངས་ཐོག་ནས་བྱུང་འདུག་སྙམ།
གང་ལྟར་ཡང་ཕྲན་གྱིས་འདིར་གསལ་བཤད་ཞུ་འདོད་པ་ཞིག་ལ། ངས་བསམ་ཚུལ་འདི་བྲིས་ཏེ་ཉིན་འགའ་སོང་མོད། འོན་ཀྱང་དེ་རིང་བར་དུ་དྲ་ཐོག་ཏུ་བཞག་མེད། རྒྱུ་མཚན་ནི། མི་གཞན་གྱིས་དོགས་འདྲིའི་རྩོམ་ཐུང་རེ་འབྲི་རྒྱུ་དང་། གཅིག་བྱས་ན་སྲིད་སྐྱོང་མཆོག་གིས་གསལ་བཤད་གནང་སྲིད་པ་རེད་སྙམ་ནས་སྒུགས་པ་ཡིན། ཡིན་ཡང་གཅིག་ཀྱང་མ་བྱུང་བར་དྲ་ལམ་དང་རྡ་སའི་རི་སྒང་དེར་ཤོངས་དཀའ་བའི་གླེང་སློང་བྱུང་བས་དེ་རིང་འདིར་འཇོག་འདོད་བྱུང་།ཨ་རིའི་ལྕམ་སྐུ་ལགས་ཀྱིས་གསུངས་བའི་ཚིག་གི་ངོ་གདོང་གཅིག་པོ་ལ་མ་བལྟས་བར་རྒྱབ་ལྗོངས་ལ་གཞིགས་ཏེ་སྐད་ཆ་བཤད་པ་ཡིན།དེ་མིན་ང་ཚོའི་སྲིད་སྐྱོང་མཆོག་གི་ཕྱོགས་ནས་ལངས་ཏེ། ཁོང་དཀར་བོར་བཟོ་ཆེད་གཅིག་པོ་ཡང་མིན་པ་ཀློག་མཁན་ཚོས་ཤེས་དགོས་པ་རེད། ༡༦/༨/༢༠༡༥ལ་བྲིས་ཏེ་༢༣/༨ལ་བསྐྱར་བཅོས་ཕྲན་བུ་བྱས།