ཨ་རིས་ཐེ་ཝན་ནི་རྒྱ་ནག་གི་ཆ་ཤས་རེད་ཅེས་པ་དེ་བསུབ་འདུག
ཟླ་འདིའི་ཚེས་༡༢ ཉིན་གྱི་རྒྱལ་སྤྱིའི་གསར་ཁང་(wion) གྱིས་གནས་ཚུལ་སྤེལ་གསལ་ལྟར་ན། ཨ་རིའི་ཕྱི་སྲིད་ལས་ཁུངས་ཀྱི་གཞུང་འབྲེལ་དྲ་རྒྱའི་ཐོག་ལ་བཀོད་པའི་ཐེ་ཝན་ནི་རྒྱ་ནག་གི་ཆ་ཤས་རེད་ཅེས་པ་དེ་བསུབ་ཡོད་པའི་གནས་ཚུལ་ཐོན་འདུག་པ་མ་ཟད། ཨ་རིས་ཐེ་ཝན་གྱི་རང་བཙན་ལ་རྒྱབ་སྐྱོར་བྱེད་ཀྱི་མེད་ཅེས་པ་དེ་ཡང་མེད་པ་བཟོས་ཡོད་པར་བརྟེན་ད་ལྟའི་ཆར་ཨ་རིས་ཐེ་ཝན་གྱི་ཐོག་ལ་འཛིན་པའི་སྲིད་བྱུས་ལ་འགྱུར་བ་འགྲོ་བཞིན་ཡོད་པའི་གནས་ཚུལ་ཐོན་འདུག
ཟླ་འདིའི་ཚེས་༡༢ ཉིན་གྱི་རྒྱལ་སྤྱིའི་གསར་ཁང་(wion) གྱིས་གནས་ཚུལ་སྤེལ་གསལ་ལྟར་ན། ཨ་རིའི་ཕྱི་སྲིད་ལས་ཁུངས་ཀྱི་གཞུང་འབྲེལ་དྲ་རྒྱའི་ཐོག་ལ་བཀོད་པའི་ཐེ་ཝན་ནི་རྒྱ་ནག་གི་ཆ་ཤས་རེད་ཅེས་པ་དེ་བསུབ་ཡོད་པའི་གནས་ཚུལ་ཐོན་འདུག་པ་མ་ཟད། ཨ་རིས་ཐེ་ཝན་གྱི་རང་བཙན་ལ་རྒྱབ་སྐྱོར་བྱེད་ཀྱི་མེད་ཅེས་པ་དེ་ཡང་མེད་པ་བཟོས་ཡོད་པར་བརྟེན་ད་ལྟའི་ཆར་ཨ་རིས་ཐེ་ཝན་གྱི་ཐོག་ལ་འཛིན་པའི་སྲིད་བྱུས་ལ་འགྱུར་བ་འགྲོ་བཞིན་ཡོད་པའི་གནས་ཚུལ་ཐོན་འདུག
དེ་བཞིན་རྒྱ་ནག་གིས་ཐེ་ཝན་གྱི་ཉེ་འཁོར་དུ་དམག་གྲུ་དང་གོ་མཚོན་ཕོན་ཆེན་བཀོད་སྒྲིག་བྱས་ནས་ཐེ་ཝན་ལ་ཇི་ལྟར་བཙན་འཛུལ་བྱེད་དགོས་པའི་ཐོག་ལ་དམག་སྦྱོང་བྱེད་ཀྱི་ཡོད་པ་དང་། ཨ་རི་གཙོས་པའི་ནུབ་ཕྱོགས་རྒྱལ་ཁབ་ཁག་གིས་ཐེ་ཝན་ལ་རྒྱབ་སྐྱོར་བྱེད་རྒྱུ་དེ་ཡང་ཤུགས་ཆེ་རུ་འགྲོ་བཞིན་ཡོད་པས་ད་ལྟའི་ཡུག་རེན་ལ་འབྱུང་བཞིན་པའི་གནས་སྟངས་དེ་མ་འོངས་པར་ཨེ་ཤི་ཡའི་ཤར་ཕྱོགས་སུ་འབྱུང་སྲིད་པའི་གནས་ཚུལ་ཐོན་འདུག
རྒྱལ་སྤྱིའི་བརྒྱུད་ལམ་གཞན་གྱིས་གནས་ཚུལ་སྤེལ་གསལ་ལྟར་ན་ད་ལྟའི་ཆར་ནུབ་ཕྱོགས་རྒྱལ་ཁབ་དག་གི་དོ་སྣང་ནི་ཨུ་རུ་སུ་དང་ཡུག་རེན་གྱི་དམག་འཁྲུག་ཐོག་ལ་སྤྲོད་བཞིན་ཡོད་པས་རྒྱ་ནག་གིས་གོ་སྐབས་དམ་འཛིན་ཐོག་ཐེ་ཝན་ལ་བཙན་འཛུལ་བྱེད་སྲིད་པ་དང་། ཨུ་རུ་སུ་དང་རྒྱ་ནག་གཉིས་ཀྱིས་མཉམ་རུབ་ཐོག་ནུབ་ཕྱོགས་པའི་དམག་དོན་ཉེས་ཆད་དག་ལ་གདོང་ལེན་བྱེད་སྲིད་པ། དེ་བཞིན་ཕྱི་ལོ་༡༩༩༡ ནས་ད་ལྟའི་བར་དུ་ཨ་རི་གཙོས་པའི་རྒྱལ་ཁབ་མང་པོས་ཡུག་རེན་ནི་རང་བཙན་རྒྱལ་ཁབ་ཅིག་ཏུ་ངོས་འཛིན་གསལ་བོ་བྱས་ཡོད་ཀྱང་། ད་ལྟའི་ཆ་ཨུ་རུ་སུས་ཡུག་རེན་ལ་བཙན་འཛུལ་བྱེད་བཞིན་ཡོད་པ་དང་། ཐེ་ཝན་གྱི་གནས་ཚུལ་ནི་དེ་ལས་ལྡོག་སྟེ་ད་ལྟའི་བར་ཨ་རི་གཙོས་པའི་རྒྱལ་ཁབ་ཁག་གིས་རང་བཙན་རྒྱལ་ཁབ་ལ་ངོས་འཛིན་བྱེད་མཁན་མེད་པས་རྒྱ་ནག་གིས་བཙན་འཛུལ་བྱེད་སྲིད་པའི་གནས་ཚུལ་སྤེལ་འདུག
གཞན་ཡང་ལོ་སྔོན་མའི་ནང་དུ་འཛམ་གླིང་འཕྲོད་བསྟེན་སྒྲིག་འཛུགས་ཀྱི་ལྷན་ཚོགས་ཐོག་ཐེ་ཝན་མཉམ་ཞུགས་བྱེད་རྒྱུའི་ཐོག་ལ་རྒྱ་ནག་གཞུང་གིས་ངོ་རྒོལ་བྱས་ཡོད་པ་དང་། རྒྱ་ནག་གིས་ཡང་ནས་བསྐྱར་དུ་ཐེ་ཝན་ལ་འཇིགས་བསྐུལ་བྱེད་ཀྱི་ཡོད་པ་ཐེ་ཝན་གཞུང་གིས་བརྗོད་འདུག་ལ། ཟླ་འདིའི་ཚེས་༥ ཉིན་ཉི་ཧོང་གི་སྲིད་བློན་གྱིས་ཐེ་ཝན་གྱི་བདེ་འཇགས་ནི་ཉི་ཧོང་གི་བདེ་འཇགས་ཙམ་མ་ཟད། རྒྱལ་སྤྱིའི་སྤྱི་ཚོགས་ཁྱོན་ཡོངས་ཀྱི་བདེ་འཇགས་དང་འབྲེལ་བ་ཡོད་པས་ཕྱོགས་གཉིས་ཀྱིས་ཞི་མོལ་ཐོག་ཐེ་ཝན་ས་ཁུལ་གྱི་དཀའ་རྙོག་སེལ་དགོས་པའི་སྐོར་དང་། རྒྱ་ནག་གི་འཇིགས་སྐུལ་དང་དམག་སྦྱོང་ལ་ཉི་ཧོང་གིས་སེམས་འཚབ་དང་དོ་སྣང་བྱེད་ཀྱི་ཡོད་ཅེས་བརྗོད་འདུག
ད་ལྟའི་ཆར་ཐེ་ཝན་དུ་མི་མང་ས་ཡ་༢༣.༥ ཡོད་པ་དང་འཛམ་གླིང་གི་དཔལ་འབྱོར་ཨང་༢༢ པ་ཡིན་པ་ཡིན་འདུག ཐེ་ཝན་དུ་ཨ་རིའི་གཞུང་ཚབ་ཁང་མེད་ན་ཡང་ཨ་རི་དང་ཐེ་ཝན་གྱི་བར་དུ་ཚོང་དང་དཔལ་འབྱོར་སོགས་དང་འབྲེལ་བ་ཆེན་པོ་ཡོད་པའི་གནས་ཚུལ་ཐོན་འདུག །
གསར་འགོད་པ་བློ་བཟང་རྒྱ་མཚོ།
