ཧི་མ་ལ་ཡའི་ནང་པའི་སློབ་ཕྲུག་བདེ་དོན་ཚོགས་པའི་གསལ་བསྒྲགས།
ཕྱི་ལོ་༢༠༠༨ ཟླ་༡༡ ཚེས་༢༠ ཉིན་སྔ་དྲོའི་ཆུ་ཚོད་༩ ཐོག་རྒྱ་གར་ཧི་མ་ལ་ཡའི་ནང་པའི་སློབ་ཕྲུག་ཚོགས་པས་འབོད་བསྐུལ་ཞུ་དོན་བཞིན། འདི་ག་ཀར་ཝལ་རྫོང་གི་མི་མང་སྐུ་ཚབ་Amelia Shri V.S. Patil མཆོག་དང་ཧི་མ་ལ་ཡའི་ཚོགས་མི་རྣམས་དང་ལྷན་དུ་དུས་ཚོད་སྐར་མ་༤༥ རིང་གཙོ་བོ་དོན་ཚན་གཉིས་ཐོག་ཚོགས་འདུ་གལ་ཆེན་ཞིག་འཚོགས་པ་རེད། ༡ ཧི་མ་ལ་ཡའི་སློབ་ཕྲུག་རང་ལོ་༡༨ ལོན་པ་རྣམས་ལ་རྒྱ་གར་གྱི་འོས་ཤོག་ས་གནས་འདིར་བླུག་ཆོག་སྐོར་དང༌། Shri Patil མཆོག་ནས་འོས་ཤོག་ཐོབ་ཐང་ངེས་པར་དུ་དགོས་པ་དང༌། དེར་བརྟེན་གཞུང་ངོས་ནས་ཁྱེད་རང་ཚོའི་དཀའ་ངལ་མང་པོ་ཞིག་སེལ་ཐུབ་ཀྱི་རེད་ཅེས་གསུངས་བྱུང༌།
༢ རྒྱ་གར་ས་གནས་ཡུལ་མི་རེ་ཟུང་གི་མགོ་ཁྲིད་འོག་དོན་མེད་བོད་པའི་གཞིས་ཆགས་ནང་རྙོག་གླེང་སློང་རྩིས་ཡོད་སྐོར་ལ་བཀག་འགོག་བྱེད་དགོས་པའི་སྐོར་གྲོས་མོལ་བྱུང༌། Patil མཆོག་གིས་གསུང་དོན། རྙོག་གླེང་དེ་ས་གནས་བདེ་སྲུང་དང་འབྲེལ་ཡོད་སོགས་ལ་བཀའ་བཏང་སྟེ། དེའི་སྐོར་ངེས་པར་དུ་ཞི་འཇམ་བྱེད་དགོས་གསུངས་སོང༌། འདི་ག་འབྲས་སྤུངས་སྒོ་མང་དང་བློ་གླིང་གྲྭ་ཚང་གཉིས་ཀྱི་ཕྱག་ཁང་དུ་ཡང་ཕེབས་ཡོད་རེད། ས་གནས་ཡུལ་མི་རེ་ཟུང་གིས་མགོ་ཁྲིད་འོག་དོན་མེད་རྙོག་གླེང་དེ་རིགས་ཞི་འཇམ་ཡོང་ཆེད་འདི་ག་ཧི་མ་ལ་ཡའི་སློབ་ཕྲུག་ཚོགས་པའི་འབྲེལ་ཡོད་མི་སྣ་དང་ཧིན་དྷུའི་ཆོས་ཚོགས་སོགས་ལ་ཡང་འབྲེལ་གཏུག་བྱས་དང་བྱེད་བཞིན་པ་ཡིན།
ཧི་མ་ལ་ཡའི་ནང་པའི་སློབ་ཕྲུག་བདེ་དོན་ཚོགས་པ་ནས་༢༠༠༨ ཟླ་༡༡ ཚེས་༢༢ ཉིན་ཕུལ།
