ཡོངས་ཁྱབ་གསལ་བསྒྲགས།

༄༅། ། བོད་ཀྱི་རིག་གཞུང་སྲུང་སྐྱོབས་རྒྱུན་འཛིན་དང་དར་སྤེལ་ཆེད་ཤེས་ཡོན་སྡེ་ཚན་དང༌། གཞུང་འབྲེལ་མིན་པའི་ཚོགས་པ་ཁག གང་ཟག་སྒེར་བཅས་ལ་དཔལ་འབྱོར་མཐུན་རྐྱེན་སྦྱར་རྒྱུའི་འཆར་གཞིའི་ཁོངས་ཉམས་ཞིབ་དང༌། དཔེ་དེབ་དཔར་སྐྲུན། དཔེ་མཛོད་དང་འགྲེམས་སྟོན་ཁང་གི་ཕྱག་དཔེ་དང་བཅའ་དངོས་ཉོ་སྒྲུབ། བོད་ཀྱི་རིག་གཞུང་དང་འབྲེལ་བའི་རྒྱལ་སྤྱིའི་ཚོགས་འདུ་ཁག་ཏུ་ཕེབས་ཞུགས། ཧི་མ་ལ་ཡའི་རི་བརྒྱུད་དུ་བོད་ཀྱི་རིག་གཞུང་སློབ་གཉེར་དང་བདག་གཉེར་ལས་གཞི་བཅས་ཀྱི་ཁོངས་སུ་ལས་གཞི་ཚད་ལྡན་ཡོད་ཚེ་བཙན་བྱོལ་བོད་གཞུང་ནས་མཐུན་རྐྱེན་རོགས་སྐྱོར་ཕྲན་བུ་སྦྱར་རྒྱུ་ཡིན་ན་ཚོགས་སྡེ་ཁག་དང༌། སྒེར་པ་སོ་སོ་ནས་མཐུན་འགྱུར་ཞུ་འདོད་ཡོད་རིགས་ལས་གཞི་དང་འགྲོ་གྲོན་འཆར་རྩིས་བཅས་ཕྱི་ལོ་ ༢༠༠༩ ཕྱི་ཟླ་ ༡ ཚེས་༣༡ ནང་ཚུད་བཀའ་དྲུང་ཡིག་ཚང་དུ་འབྱོར་བ་གཏོང་གནང་ཞུ་རྒྱུའི་གསལ་བསྒྲགས་སུ།།