༄༅། །དམ་པའི་ལྷ་ཆོས་ལ་གཅིག་ཏུ་བརྩོན་པའི་དད་ལྡན་སེར་སྐྱ་རྣམ་པའི་སྙན་ལམ་དུ་ཞུ་རྒྱུར།

དེ་མིན་སློབ་མ་ཉུང་ཤས་ཤིག་ལ་རྒྱལ་པོ་སྐུ་ལྔའི་སྲོག་གཏད་སོགས་གནང་རྒྱུ་ཞལ་བཞེས་ལེགས་པར་ཐོབ་དོན་བཞིན། ༢༠༠༨ ཕྱི་ཟླ་གསུམ་པའི་ནང་རྡ་ས་རྣམ་རྒྱལ་གྲྭ་ཚང་གི་དུས་འཁོར་ལྷ་ཁང་ནང་དབུ་འཛུགས་བྱུང་ཡོད་ནའང་སྔ་ལོའི་ནང་མི་མང་སྒེར་ལངས་བོད་ཕྱི་ནང་གཉིས་ཀར་ཤུགས་ཆེན་བྱུང་བར་སྐྱབས་རྗེ་རིན་པོ་ཆེ་མཆོག་དང་ཆོས་ཞུ་བ་ཟུང་གིས་འདི་དོན་ཆེད་དམིགས་ཀྱིས་ཐུགས་སྨོན་རྒྱ་ཆེར་གནང་ཐོག་གསུང་ཆོས་མཚམས་འཇོག་གནང་བ་དང༌། འདི་ལོ་སློབ་མ་མང་དག་ཅིག་གི་གསུང་ཆོས་འཕྲོ་ལྷག་གང་མྱུར་སྐྱབས་འཇུག་ཞུ་དགོས་རེ་འདུན་བཏོན་པ་བཞིན་སླར་གསོལ་བ་བཏབ་པར། འཆར་ལོའི་བོད་ཟླ་དང་པོའི་ཚེས་༡༧ དང་ཕྱི་ཟླ་༣ ཚེས་༡༢ ནས་ཉིན་བརྒྱད་ཡས་མས་རྡ་ས་དཔལ་ལྡན་སྟོད་རྒྱུད་གྲྭ་ཚང་དུ་གནང་རྒྱུའི་ཞལ་བཞེས་གཙང་ཐོབ་བྱུང་བ་ལགས་པས་དེ་དོན་དགོངས་འཇགས་དང༌། དེ་བཞིན་དུ་འདི་ག་ལས་ཁུངས་ནས་སྐྱབས་རྗེ་སེར་སྨད་མཁན་ཟུར་དག་པ་ཁྲི་སྤྲུལ་རིན་པོ་ཆེ་མཆོག་ལའང་ཇི་ལྟར་གསོལ་བ་བཏབ་པ་བཞིན། མཁས་གྲུབ་སངས་རྒྱས་ཡེ་ཤེས། སྒོ་མང་མཁན་ཆེན་བསྟན་པ་ཆོས་འཕེལ། རྒྱལ་པོ་ཆེན་པོ་རྣམ་ཐོས་སྲས་ཀྱི་བེའུ་བུམ་བཅས་ཀྱི་བཀླག་ལུང༌། བོད་ཟླ་༡ ཚེས་༢༥ དང་ཕྱི་ཟླ་༣ ཚེས་༢༡ ནས་བོད་ཟླ་༢ ཚེས་༥ བར་རྡ་ས་དཔལ་ལྡན་རྒྱུད་སྟོད་གྲྭ་ཚང་དུ་གནང་རྒྱུའི་ཞལ་བཞེས་ཀྱང་ལེགས་པར་ཐོབ་ཡོད་པས་དེ་དོན་བཞིན་དགོངས་འཇགས་དང་དོན་གཉེར་ཅན་རྣམས་ཕེབས་ཐུབ་པའི་རེ་འདུན་བཅས། དགེ་ལྡན་ཕ་ཆོས་བུ་ཆོས་གཅེས་སྐྱོང་ཁང་ནས་ཟླ་ཚེས་ལ།
འབྲེལ་བ་བྱེད་ཡུལ་ཁ་བྱང་དང་ལས་ཁུངས་ཀྱི་དྲ་རྒྱ་གཤམ་གསལ།

Geden Pacho Bhucho Preservation Centre
Ganchen Kyishong
Dharamsala Pin-176215
Distt Kangra (H.P) India
Tel:91- 1892-226601 or 228261
E-mail: gedenpb@yahoo.co.in
ww.lelung.org
gedenphachobhucho.org
Gyuto Tantric Monastic University
P.O. Sidhbari-176057, Dharamsala,
Distt Kangra (H.P.) INDIA
Tel: 91 (1892) 236154 or 234608