ཕྱི་ལོ་༢༠༠༩ ནང་རྒྱ་ནག་དང་འབྲེལ་བའི་ཚེས་གྲངས་གལ་ཆེན་བདུན།

༡༽ ཕྱི་ཟླ་༣ ཚེས་༡༠ ཉིན།
ལྷ་སར་༡༩༥༩ ལོར་བོད་མིའི་ཞི་རྒོལ་ཆེན་པོ་དང་ྋགོང་ས་ྋསྐྱབས་མགོན་ཆེན་པོ་མཆོག་རྒྱ་གར་དུ་བཙན་བྱོལ་ལ་ཕེབས་པ་བཅས་ཀྱི་ལོ་ངོ་༥༠ ཧྲིལ་པོ་འཁོར་བའི་དུས་དྲན་ཡིན། འོན་ཀྱང་ལྷ་སར་རྒྱ་གཞུང་གི་དབང་བསྒྱུར་ལ་བོད་མིས་ལོ་ངོ་ལྔའི་རིང་དམག་འཐབ་ཆུང་ཙག་བརྒྱབ་པའི་རྗེས་ལ་བོད་ཀྱི་རྒྱལ་ས་ལྷ་སའི་ནང་དྲག་སྤྱོད་ཤུགས་ཆེན་བྱུང་ཡོད།ཕྱི་ཟླ་༣ ཚེས་༡ ཉིན་ྋགོང་ས་མཆོག་ལ་རྒྱ་གཞུང་གི་ཟློས་གར་འཁྲབ་སྟོན་ཆེད་མགྲོན་འབོད་བྱས་ཀྱང་ཁོང་གི་མཉམ་དུ་སྐུ་སྲུང་བ་འཁྲིད་མ་ཡོང་ཞེས་བརྗོད་པ་རེད།
    ཕྱི་ཟླ་༣ ཚེས་༡༠ ཉིན་རྒྱལ་ས་ལྷ་སར་བོད་མི་འབུམ་གསུམ་ཙམ་གྱིས་ྋགོང་ས་མཆོག་གི་ཕོ་བྲང་ནོར་བུ་གླིང་གའི་མཐའ་བསྐོར་ནས་ཁོང་རྒྱ་གཞུང་གི་འཁྲབ་སྟོན་གཟིགས་པར་ཕེབས་བཅུག་མེད་པ་རེད། ཕྱི་ཟླ་༣ ཚེས་༡༧ ཉིན་རྒྱ་གཞུང་གི་མེ་སྒྱོགས་མང་པོ་ཕོ་བྲང་པོ་ཏཱ་ལའི་ཉེ་འགྲམ་དུ་འཇོག་སྐབསྋགོང་ས་མཆོག་རྒྱ་གར་འཕགས་པའི་ཡུལ་དུ་བྲོས་བྱོལ་དུ་ཕེབས། རྒྱ་གཞུང་གི་བཙན་འཛུལ་ལ་བོད་མི་ཚོས་ཞི་རྒོལ་རྒྱུན་རིང་ཙམ་ལ་མུ་མཐུད། བཙན་བྱོལ་བོད་གཞུང་གིས་བོད་མི་༨༦༠༠༠ ཙམ་ཞི་རྒོལ་དེའི་སྐབས་རྒྱ་དམག་གིས་བསད་ཡོད་ལུགས་བརྗོད་ཀྱི་ཡོད།
༢༽ ཕྱི་ཟླ་༤ ཚེས་༢༥ ཉིན།
ཧཕ་ལུང་ཀུང་གིས་ངོ་རྒོལ་བྱས་ཏེ་ལོ་ངོ་བཅུ་ཧྲིལ་པོ་འཁོར་བའི་དུས་དྲན་ཡིན། དེ་ནི་ཕྱི་ལོ་༡༩༩༩ ཟླ་༤ ཚེས་༢༥ ཉིན་ཆོས་ཕྱོགས་ཀྱི་ལས་འགུལ་གྱི་ཚོགས་མི་༡༠༠༠༠ ཙམ་རྒྱ་ནག་དམར་ཤོག་ཚོགས་པའི་སྤྱི་ཁྱབ་ལས་ཁུངས་ཀྱི་ཕྱི་ལོགས་ལ་འཛོམས་ནས། རྒྱ་གཞུང་ཉེན་རྟོག་པས་ཉེས་རྡུང་དང་འཛིན་བཟུང་མང་པོ་བྱས་པར་ཞི་འཇམ་གྱིས་ངོ་རྒོལ་བྱས་ཡོད། དེ་ནས་རྒྱ་ནག་དམར་ཤོག་ཚོགས་པས་ཕྱི་ཟླ་༧ ནང་ཧཕ་ལུང་ཀུང་བཀག་སྡོམ་བྱས་ཤིང༌། ཆོས་ལུགས་དེ་ཉིད་ཀྱི་ཁ་གཏད་དུ་ལས་འགུལ་འདྲ་མིན་སྤེལ་ཡོད། དེ་བཞིན་ཧཕ་ལུང་ཀུང་གི་ཚོགས་མི་སྟོང་ཕྲག་ལྷག་འཛིན་བཟུང་བྱས། མནར་གཅོད་ཀྱི་སྐོར་མཉམ་འབྲེལ་རྒྱལ་ཚོགས་ཀྱི་དམིགས་བསལ་གསར་འགོད་པ་སྐུ་ཞབས་མཱེན་ཕཱི་རེཌ་ ནཱོ་ཝག་རྒྱཎརྣཐཔྱྟརྟ སྒྱྣསྤྲཎཐྲགིས་གསུངས་དོན་ལྟར་ན། རྒྱ་ནག་གི་བཙོན་ཁང་ཚང་མའི་ནང་དུ་ཡོད་པའི་བཙོན་པ་ཆ་ཚང་གི་ཕྱེད་ཀ་ཏག་ཏག་ནི་ཧཕ་ལུང་ཀུང་གི་ཚོགས་མི་ཡིན།
༣༽ ཕྱི་ཟླ་༥ ཚེས་༤ ཉིན།
ལྔ་བཞིའི་ལས་འགུལ་སྤེལ་ནས་ལོ་ངོ་དགུ་བཅུ་ཧྲིལ་པོ་འཁོར་བའི་དུས་དྲན་ཡིན། དེ་ནི་རྒྱ་ནག་གི་དེང་རབས་ཀྱི་ཡར་རྒྱས་དང་འབྲེལ་བའི་གལ་གནད་ཆེ་བའི་དུས་ཤིག་ཡིན་ལ། ཕྱི་ལོ་༡༩༡༩ ཟླ་༥ ཚེས་༤ ཉིན་རྒྱ་ནག་གི་སློབ་ཕྲུག་༣༠༠༠ ཙམ་གྱི་གནམ་བདེ་སྒོ་མོ་ཆེའི་ཐང་ཆེན་དུ་རྒྱ་ནག་བཙན་རྒྱལ་རིང་ལུགས་ཀྱི་མངའ་བདག་གི་གདུག་རྩུབ་དང་རྒྱ་གཞུང་གིས་ཝར་སེའལ་ཆྟཔྱཔྲཎདྲརྡརྡྟཔྲཆིངས་ཡིག་ནང་ཡ་ལན་ཐབས་སྐྱོ་པོ་སྤྲད་པར་སན་ཏུང་ཞིང་ཆེན་ཉི་ཧོང་དུ་ཤོར་བའི་རྒྱུ་མཚན་ལ་བརྟེན་ནས་ངོ་རྒོལ་ཤུགས་ཆེན་བྱས་པ་རེད། ཝར་སེའལ་ཆིངས་ཡིག་ནི་ཕྱི་ལོ་༡༩༡༩ ཟླ་༦ ཚེས་༢༨ ཉིན་དམག་ཆེན་དང་པོ་མཚམས་འཇོག་བྱས་པའི་རྗེས་ལ་བཞག་པའི་ཆིངས་ཡིག་དེ་ཡིན། ལྔ་བཞིའི་ལས་འགུལ་གྱིས་རྒྱ་མི་རིགས་ལ་རང་གི་རྒྱལ་ཁབ་ལ་རྒྱལ་ཞེན་ཤུགས་ཆེར་སླེབས་པར་ཤུགས་རྐྱེན་སྤྲད་པ་དང༌། དེ་བཞིན་མི་མང་རྣམས་རྒྱལ་ཁབ་ཀྱི་ཆབ་སྲིད་ལས་དོན་ཐོག་མཉམ་ཞུགས་བྱེད་རྒྱུར་སེམས་ཤུགས་སྤར་ཡོད། དེ་དང་ཆབས་ཅིག་སློབ་ཕྲུག་གི་དཔོན་རིགས་ཚོར་ཁ་གཏད་གཅོག་ཐུབ་པའི་དཔེ་མཚོན་བཞག་ཡོད།
༤༽ ཕྱི་ཟླ་༦ ཚེས་༤ ཉིན།
ཕྱི་ལོ་༡༩༨༩ ཟླ་༦ ཚེས་༤ ཉིན་གྱི་གནམ་བདེ་སྒོ་མོ་ཆེའི་ཐང་ཆེན་དུ་དོན་རྐྱེན་བྱུང་ནས་ལོ་ངོ་ཉི་ཤུ་ཧྲིལ་པོ་འཁོར་བའི་དུས་དྲན་ཡིན།
༥༽ ཕྱི་ཟླ་༧།
ཕྱི་ལོ་༡༩༥༩ ཟླ་༧ ནང་རྒྱ་ནག་ཏུ་རྨ་ཆུའི་ཆུ་ལོག་ཆེན་པོ་བྱུང་བ་དེས་ཡུལ་མི་ས་ཡ་གཉིས་ཙམ་བསད་པ་དང༌། དེའི་རྐྱེན་གྱིས་ཡུལ་ལ་མུ་གེ་ཤུགས་ཆེ་བྱུང་སྟེ་བསྐྱར་དུ་ཡུལ་མི་ས་ཡ་སུམ་བཅུ་ཙམ་འདས་གྲོངས་སུ་གྱུར་ནས་ལོ་ངོ་ལྔ་བཅུ་ཧྲིལ་པོ་འཁོར་བའི་དུས་དྲན་ཡིན།
༦༽ ཕྱི་ཟླ་༡༠ ཚེས་༡ ཉིན།
 མའོ་ཙེ་ཏུང་གིས་རྒྱ་ནག་མི་དམངས་སྤྱི་མཐུན་རྒྱལ་ཁབ་གསར་དུ་བཙུགས་ནས་ལོ་ངོ་དྲུག་ཅུ་ཧྲིལ་པོ་འཁོར་བའི་དུས་དྲན་གྱི་ཉིན་མོ་ཡིན།
༧༽ ཕྱི་ཟླ་༡༡ ཚེས་༣ ཉིན།
དབྱིན་ཡུལ་དང་རྒྱ་ནག་བར་ཨོ་པི་ཡམ་དམག་འཁྲུག་དང་པོ་བརྒྱབ་ནས་ལོ་ངོ་༡༧༠ འཁོར་བའི་དུས་དྲན་ཡིན།