གསལ་བསྒྲགས།
༈ བལ་ཡུལ་ནང་ཆེན་ཉེར་ལྔའི་ཁྱབ་ཁོངས་དགོན་སྡེ་ཁག་གྱི་བླ་སྤྲུལ་མཁན་རྣམས་ཀྱི་སྙན་ལམ་དུ་ཞུ་རྒྱུ།
འདི་ག་ནང་ཆེན་ཉེར་ལྔའི་ཚོགས་པ་ནས་ལོ་ལྟར་ལོ་གསར་སྐབས་བལ་ཡུལ་ནང་ཆེན་ཉེར་ལྔའི་ཁྱབ་ཁོངས་དགོན་སྡེ་ཁག་ལ་རྟེན་འབྲེལ་གྱི་ལོ་གསར་ (Greeting Card) གཤིས་ཤོག་འབུལ་བའི་ལམ་སྲོལ་ཡོད་མོད། བོད་ནང་དུ་སྔ་ལོ་ ཟླ་ ༣ ཚེས་ ༡༠ ནས་ཟུང་བོད་མིའི་ཞི་རྒོལ་ལ་རྒྱ་དམར་གཞུང་གིས་ཆེས་དྲག་གཙུབ་ཀྱི་སྒོ་ནས་གནར་གཅོད་བཏང་བ་ལ་བརྟེན་ནས་རང་རེའི་སྤུན་ཟླ་མང་པོའི་ཚེ་སྲོག་ཤོར་ཡོད་པ་དང་ད་དུང་ཡང་བོད་མི་མང་པོ་འཛིན་ཟུང་དོ་དམ་འོག་ཡོད་མུས་ལ་བློ་ཕམ་གྱི་གནས་ཚུལ་ལ་སོང༌། འདི་གའི་ནང་ཆེན་ཉེར་ལྔའི་ཚོགས་པ་ནས་དཔའ་བོ་དཔའ་མོ་དེ་དག་ལ་གུས་བཏུད་རྗེས་སུ་ཡི་རངས་ཞུ་བ་དང་དྲག་གནོན་འོག་གནས་མུས་བོད་ལུས་མི་མང་ལ་གདུང་སེམས་མཉམ་སྐྱེད་མཚོན་སླད་འདི་ལོའི་གླང་ལོའི་ལོ་གསར་གྱི་རྟེན་འབྲེལ་གཤིས་ཤོག་(Card) འབུལ་རྒྱུ་མིན་པའི་ཐག་གཅོད་གནང་ཡོད་ན་རང་རེའི་དགོན་སྡེ་ཁག་ནས་ཀྱང་དེ་མཚུངས་གནང་ཕྱོགས་ཡོང་བའི་རེ་བསྐུལ་ཞུ་རྒྱུ་བཅས་བལ་ཡུལ་ནང་ཆེན་ཉེར་ལྔའི་ཚོགས་པ་ནས་ཕྱི་ལོ་ ༢༠༠༩ ཟླ་ ༢ ཚེས་ ༡ ལ།
།
