སེམས་འཕྲིན་དཀར་པོ།
དཀར་མཛེས་འགྱུར་མེད་རབ་བརྟན་གྱིས་བརྩམས་པའི་སྙན་ངག་ཕྱོགས་བསྒྲིགས་ཀྱི་དཔེ་དེབ་<<སེམས་འཕྲིན་དཀར་པོ་>>ཞེས་པར་སྐྲུན་བྱས་ཡོད་པ་དང། དེབ་དེའི་ནང་རྩོམ་ཡིག་ཚན་པ་བཅུ་ཕྲག་ཁ་ཤས་སུ་དབྱེ་འདུག་ལ། བོད་རང་ཉིད་ཀྱི་སྐད་ཡིག་གི་ལེགས་སྐྱེས་དང་། རིག་གཞུང་གི་ཞབས་འདེགས། མི་རིགས་ཀྱི་ལ་རྒྱ། ཆོས་རིག་གི་ལྟ་གྲུབ། ཡུལ་སྲོལ་གོམས་གཤིས་དེ་བཞིན་ད་ལྟའི་བོད་ཕྱི་ནང་གི་དངོས་ཡོད་གནས་སྟངས་སོགས་ཚིགས་བཅད་སྙན་ངག་དང་རང་མོས་སྙན་ངག་གཉིས་ཀྱི་ལམ་ནས་ཡིག་ཐོག་ཏུ་བཀོད་དེ་ཕྱོགས་བསྒྲིགས་བྱས་ཡོད་པ་ཞིག་རེད།།
