ལྟ་བའི་གཅེས་བཏུས།

རྒྱལ་ཚབ་རིན་པོ་ཆེའི་དཀའ་གནད་བརྒྱད་ཀྱི་ཟིན་བྲིས་རྗེའི་གསུང་བཞིན་བརྗེད་བྱང་དུ་བཀོད་པ། རྗེ་མཙུན་གྲགས་པ་རྒྱལ་མཚན་གྱི་ཞེན་པ་བཞི་བྲལ་གྱི་གདམས་ངག དགེ་བཤེས་དགྲ་འདུལ་རྣམ་རྒྱལ་གྱི་ཚེ་འཕོ་བ་ཇི་ལྟར་འགྱུར་བ་ཞུས་པའི་མདོ་སྡེ་གླེང་བ་བཅས་ཕྱོགས་སྒྲིག་ཞུས་ཡོད་པ་དང། མཇུག་ཏུ་ྋགོང་ས་མཆོག་དང། རྒྱལ་ཚབ་དར་མ་རིན་ཆེན། རྗེ་བཙུན་གྲགས་པ་རྒྱལ་མཚན། ས་སྐྱ་པཎ་ཆེན་བཅས་ཀྱི་རྣམ་ཐར་མདོར་བསྡུས་རེ་བཀོད་ཡོད་པ་རེད།
དེབ་དེའི་མགོ་རུ་ྋགོང་ས་མཆོག་གི་གསུང་འཕྲིན་ཞིག་གནང་བའི་ནང་འཁོད་དོན། “སྔར་སངས་རྒྱས་ཀྱི་བསྟན་པ་དེ་ཙམ་མ་དར་བའི་ས་ཁུལ་འཛམ་གླིང་ནུབ་ཕྱོགས་པའི་མི་མང་པོ་ཞིག་ནས་ནང་པའི་ཆོས་ཀྱི་རྣམ་གཞག་སྤྱི་དང། ལྷག་པར་ཟབ་མོ་དབུ་མའི་ལྟ་བའི་སྐོར་ཤེ་འདོད་ཆེན་པོ་བྱེད་པ་ལ་བརྟེན་ནས་ཕྱི་ལོ་༡༩༧༤ ལོར་ཕྱི་རྒྱལ་སྐད་ཡིག་ཐོག་ཕབ་བསྒྱུར་དཔར་འགྲེམས་བྱས་པས་དབྱིན་ཡིག་སྤྱོད་མཁན་ཚོར་ཕྲན་བུ་ཕན་ཐོགས་བྱུང་སོང་སྙམ་ཞིང། བོད་ཡིག་སྤྱོད་མཁན་རྣམས་ལ་ནི། སློབ་གཉེར་བྱེད་མིས་ཕོངས་པ་མ་གཏོགས། སློབ་གཉེར་བྱ་ཡུལ་དཔེ་ཆས་ཕོངས་པ་གང་ཡང་མེད་སྟབས། བོད་ཡིག་ཐོག་དཔར་སྐྲུན་བྱ་རྒྱུ་བཏང་སྙོམས་སུ་བཞག་པ་ཡིན། འོན་ཀྱང་དགའ་ཤར་མཁན་པོ་བླ་ཏི་སྤྲུལ་སྐུ་བྱང་ཆུབ་ཚུལ་ཁྲིམས་སོགས་དོན་གཉེར་ཅན་འགའ་ཤས་ནས་བོད་ཡིག་དེ་ཡང་དཔར་འགྲེམས་དགོས་ཚུལ་རེ་འཆར་བྱུང་བ་བཞིན། སེམས་ཅན་མོས་པ་སྣ་ཚོགས་པའི་དབང་གིས་འགའ་ཞིག་ལ་ཕན་ཐོགས་བྱུང་ནའང་ཧ་ཅང་ཡིད་སྤྲོའི་རང་བཞིན་ལ་བརྟེན། ད་ལམ་དབུ་མའི་ལྡེ་མིག་འདི་བཞིན་ཚིག་རེ་ཟུང་བཅོས་དགོས་བཅོས་ཏེ་བོད་ཡིག་ཐོག་དཔར་འགྲེམས་བགྱིས་པའི་ངོ་སྤྲོད་ཀྱི་ཚུལ་ཏུ་”ཞེས་འཁོད་ཡོད་པ་རེད།།