བརྡ་སྤྲོད་རིགས་པའི་གཞུང་ལས་བྱ་ཚིག་གི་རྣམ་གཞག
དོར་ཞི་གདོང་དྲུག་སྙེམས་བློས་མཛད་པའི་<<བོད་ཀྱི་བརྡ་སྤྲོད་རིགས་པའི་གཞུང་ལས་བྱ་ཚིག་གི་རྣམ་གཞག་བཤད་པ་ཤེས་བྱའི་ནམ་འཕང་གཅོད་པའི་རིག་པའི་གྲུ་གཟིངས་>>ཞེས་པ་བོད་ཀྱི་དཔེ་མཛོད་ཁང་གིས་སྐད་ཡིག་དེབ་ཕྲེང་དང་པོའི་ངོ་བོར་པར་སྐྲུན་བྱས་ཡོད་པ་དང། དེབ་དེའི་ནང་དུ་བོད་ཀྱི་བརྡ་སྤྲོད་སྤྱི་དང་བྱེ་བྲག་བྱ་ཚིག་གི་རྣམ་གཞག་ཐད། བྱེད་པ་པོ་གཞན་འབྲེལ་ཡིན་མིན་གྱི་བྱ་ཚིག་རིགས་གཉིས་ཀྱི་དོན་གྱི་ཁྱད་པར་དང།
སྒྲའམ་ཡིག་གཟུགས་གྲུབ་ཚུལ་སྟེང་གི་ཁྱད་པར། བྱ་བྱེད་ལས་གསུམ་གྱི་རྣམ་གཞག་སྟེང་གི་ཕྲ་ཞིབ་ཀྱི་ཁྱད་པར། དེ་བཞིན་དུས་ཀྱི་རྣམ་ལ་བརྗོད་བྱ་དོན་གྱི་དུས་གསུམ་དང། རྗོད་བྱེད་ཚིག་གི་དུས་གསུམ། བྱ་བ་བྱེད་དུས་ཀྱི་དུས་གསུམ།་བྱེད་པ་པོ་གཞན་འབྲེལ་དང། གཞན་འབྲེལ་མ་ཡིན་པའི་དུས་གསུམ་བཅས་ཀྱི་དབྱེ་བ་དང་ཁྱད་པར་སོགས་འཁོད་ཡོད་པ་རེད།།
