འཚམས་འདྲིའི་ཤིས་ཚིག

འཛམ་གླིང་དུ་ཆེས་སྙན་གྲགས་ཅན་གྱི་ནོ་སྦེལ་ཞི་བདེའི་གཟེངས་རྟགས་ཕུལ་ནས་བགྲང་བྱ་ཧྲིལ་པོ་ཉི་ཤུ་འཁོར་བའི་བཀྲ་ཤིས་བསྐལ་བཟང་གི་དུས་ཆེན་འདིར། གསར་དུ་དང་བླངས་ཀྱིས་བཙུགས་པའི་རྒྱ་བོད་མཛའ་འབྲེལ་གྱི་རྩོམ་པ་པོའི་མཐུན་ཚོགས་ནས་བཅོས་མིན་སྙིང་ཁོངས་ནས་དགའ་དད་སྤྲོ་གསུམ་གྱིས་འཚམ་འདྲི་བཀྲ་ཤིས་བདེ་ལེགས་གྲངས་མེད་དང། མགོན་པོ་གང་ཉིད་ཞབས་ཟུང་ཚེ་མཐའ་ཡས་པའི་ངོ་བོར་རྟག་ཏུ་བརྟན་ཅིང་རླབས་ཆེན་བཞེད་དགོངས་མཐའ་དག་གེགས་མེད་ལྷུན་གྱིས་འགྲུབ་པ་དང། གཞིས་བྱེས་མཉམ་འཛོམས་ཀྱི་དགའ་སྟོན་ལ་རྟག་ཏུ་རོལ་ཐུབ་པའི་བཀྲ་ཤིས་སྨོན་ཚིག་བཟང་པོས་མཚམས་སྦྱོར་དང་བཅས།

རྒྱ་བོད་མཛའ་འབྲེལ་རྩོམ་པ་པོའི་མཐུན་ཚོགས་ནས།
བོད་རྒྱལ་ལོ་༢༡༣༦ ཕྱི་ལོ་༢༠༠༩ ཚེས་༡༢ ཚེས་༡༠ ལ་ཕུལ།།