སྟོན་པའི་མཛད་རྣམ་གསལ་བའི་མེ་ལོང།
སྟོན་པའི་མཛད་རྣམ་གསལ་བའི་མེ་ལོང་ཞེས་པའི་དཔེ་དེབ་དེ་ངེས་དོན་རྒྱ་མཚོས་དབྱིན་ཡིག་ལས་བསྒྱུར་བ་དང། བོད་ཀྱི་དཔེ་མཛོད་ཁང་གིས་པར་སྐྲུན་བྱས་པ་ཞིག་རེད། དེབ་དེའི་ཐུན་མིན་གྱི་ཁྱད་ཆོས་ནི། རྒྱལ་སྲས་གཞོན་ནུ་དོན་གྲུབ་སྐུ་འཁྲུངས་པ་ནས་བཟུང་མངོན་པར་རྫོགས་པར་སངས་མ་རྒྱས་ཀྱི་བར་དུ། སྤྱིར་བཏང་སྐྱེས་བུ་ཞིག་གི་རྣམ་ཐར་ཇི་བཞིན་བྲིས་ཤིང་ལོ་དུས་ཀྱི་བྱུང་རབས་དང་སྐབས་དེའི་ཡུལ་ལུང་གི་གནས་བབ།
ལྷག་པར་སྲས་སྒྲ་གཅན་འཛིན་ཡུམ་གྱི་མངལ་དུ་ཅི་ཙམ་བཞུགས་མིན་སོགས་ཀྱི་སྐོར། ཐེག་ཆེན་གྱི་གཞུང་ལ་ལྟོས་ཏེ་དངོས་ཡོད་མིའི་བྱུང་རབས་དང་ཧ་ཅང་མཐུན་ཚབ་ཆེ་བའི་སྐོར་སོགས་དེབ་དེའི་སྔོན་གླེང་ནང་དུ་འཁོད་འདུག དེ་བཞིན་དེབ་དེའི་ནང་དུ་བོད་དཔེ་ཁག་ན་ཡོངས་སུ་མ་གསལ་བའི་སྟོན་པའི་མཛད་པ་ཇི་སྙེད་ཅིག་ཡོད་འདུག
