བཀླགས་ལུང་བཀའ་དྲིན་བསྐྱངས་པ།

མཚུངས་མེད་བསྟན་པའི་གསལ་བྱེད་དམ་པ་ྋསྐྱབས་རྗེ་ལྡན་མ་བློ་ཆོས་རིན་པོ་ཆེ་དོན་གྱི་སླད་དུ་མཚན་ནས་སྨོས་ན་བློ་བཟང་འོད་ཟེར་ཆོས་དབྱིངས་རྒྱ་མཚོ་དཔལ་བཟང་པོ་མཆོག་གི་ཞལ་སྔ་ནས། ཆོས་ཞུ་བ་བླ་སྤྲུལ་དགེ་འདུན་ཞལ་གྲངས་༥༥༠ བརྒལ་བར་ཨ་ཁུ་ཤེས་རབ་རྒྱ་མཚོའི་གསུང་འབུམ་པོད་བདུན་གྱི་ལུང་རྒྱུན་ཆེ་ཤོས་བློ་བཟང་བྱང་ཆུབ་བསྟན་པའི་སྒྲོན་མེའི་གསན་ཡིག་ལྟར་གང་ཡོད་པ་ཡོངས་རྫོགས་ཀྱི་ལྗགས་ལུང་ཟབ་མོ་ཐུགས་བརྩེས་བཀའ་དྲིན་བསྐྱངས་པར། འདི་གར་དཔལ་ལྡན་སྟོད་རྒྱུད་གྲྭ་ཚང་དང་དགེ་ལྡན་ཕ་ཆོས་བུ་ཆོས་གཅེས་སྐྱོང་ཁང་ནས་སྐྱབས་རྗེ་རིན་པོ་ཆེ་མཆོག་ལ་སྙིང་ཐག་པ་ནས་ཐུགས་རྗེ་ཆེ་ཞུ་བཞིན་ཡོད། སྤྱི་ཟླ་༤ ཚེས་༣ ཉིན་གོང་གསལ་སྡེ་མཚན་གཉིས་ཟུང་འབྲེལ་ཐོག་ནས་མགོན་པོ་གང་ཉིད་སྤྱི་སྒོས་བསྟན་འགྲོའི་མགོན་དཔུང་དམ་པར་ྋསྐུ་ཚེ་ཞབས་པད་ཡུན་རིང་བརྟན་པར་བརྟན་བཞུགས་གསོལ་འདེབས་འདེགས་འབུལ་དང་བཅས་ལེགས་པར་གྲུབ་པའི་གནས་བསྡུས་སུ།  །  དགེ་ལྡན་ཕ་ཆོས་བུ་ཆོས་གཅེས་སྐྱོང་ཁང་ནས་སྤྱི་ལོ་༢༠༡༠ཟླ་༥ ཚེས་༧ ལ།