ཛ་དྲག་གསལ་བསྒྲགས།

ཀྲུང་གོའི་བོད་ལྗོངས་ཆ་འཕྲིན་ལྟེ་གནས་ཁང་ནས་སྡེ་དྲུག་སྐུ་ཕྲེང་ལྔ་པའི་ཡང་སྲིད་གསེར་བུམ་དཀྲུག་འདོན་བྱས་ནས་ངོས་འཛིན་ཞུས་པའི་མཛད་སྒོ་བདེ་བླག་ངང་ལེགས་འགྲུབ་བྱུང་བའི་སྐོར་དུ་མ་ཞིག་སྤེལ་འདུག་པ། གོང་གསལ་རིན་པོ་ཆེའི་ཡང་སྲིད་སྐོར་གསེར་བུམ་དཀྲུག་འདོན་གྱིས་ངོས་འཛིན་བྱས་སྐད་འདུག་པ་དེ་ནི་ཆོས་དང་མི་མཐུན་ཞིང། སྲིད་དོན་གྱི་དམིགས་ཡུལ་བཟུང་བའི་བྱ་བ་ཞིག་ཡིན་པས། བསྒྲགས་གཏམ་དང་གྲོས་ཆོད་གཞིར་བཟུང་བོད་མི་རྣམས་ཀྱིས་ངོས་ལེན་བྱ་ཐབས་མེད་སྐོར་ཕྱི་ལོ་༢༠༡༠ ཟླ་བ་༧ ཚེས་༥ ཉིན་གཞུང་འབྲེལ་གསལ་བསྒྲགས་བསྐྱངས་པ་ནང་བཞིན་འདི་གར་དཔལ་ལྡན་འབྲས་དཀར་སྤུངས་པའི་མཁན་ལས་ཟུར་བླ་སྤྲུལ་དགེ་བཤེས་འདུས་མང་ཡོངས་ནས་ཀྱང་སྡེ་དྲུག་རིན་པོ་ཆེའི་ཡང་སྲིད་གསེར་བུམ་དཀྲུག་འདོན་བྱས་སྐོར་ལ་ངོས་ལེན་མེད་པ་མ་ཟད། མཐའ་གཅིག་ཏུ་ངོ་རྒོལ་བྱེད་ཀྱི་ཡོད་ལ་བོད་རྒྱལ་གཅེས་མང་ཚོགས་ནས་ཀྱང་མཐའ་གཅིག་ཏུ་ངོ་རྒོལ་ཡོད་པ་མཁྱེན་མཁྱེན་བཅས།

དཔལ་ལྡན་འབྲས་དཀར་སྤུངས་པའི་བླ་སྤྱི་ལྷན་ཁང་ནས། ཕྱི་ལོ་༢༠༡༠ ཟླ་༧ ཚེས་༩ ཉིན།