ཆོས་བརྡ་གསལ་བསྒྲགས།

ཞབས་འདེགས་ཞུ་འཐུས་ཆོག་པ་ཞེས་དཔལ་ལྡན་སྐུ་སྒེར་ཡིག་ཚང་བརྒྱུད་སྙན་སེང་གསོལ་འདེབས་ཞུས་པའི་བཀའ་ཕེབས་སུ། ཕྱི་ལོ་ ༢༠༡༡ ཟླ་ ༡ ཚེས་ ༡༢ ནས་ ༡༦ བར་གནས་མཆོག་ཝ་ར་ཎ་སིར་ྋགོས་ས་སྐྱབས་མགོན་ཆེན་པོ་མཆོག་གི་སེམས་དཔའ་ཆེན་པོ་རྒྱལ་སྲས་ཞི་བ་ལྷས་མཛད་པའི་སྤྱོད་འཇུག་ཆེན་མོ་དང༌། སློབ་དཔོན་ཀ་མ་ལ་ཤི་ལས་མཛད་པའི་སྒོམ་རིམ་བར་པའི་བཀའ་ཁྲིད་བཀྲིན་བསྐྱང་གཏན་འཁེལ་བའི་སྐལ་བཟང་གོ་སྐབས་དང་སྟབས་བསྟུན། གཙོ་བོ་སྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་གི་དབུས་རིས་མེད་བསྟན་འཛིན་སྐྱེས་ཆེན་དམ་པ་རྣམས་སྐུ་ཚེ་བརྟན་ཅིང་མཛད་འཕྲིན་རྒྱས་ལ་ཐུགས་བཞེད་ལྷུན་གྱིས་འགྲུབ་པ་དང༌། བསྟན་སྲིད་ཀྱི་ཞབས་རིམ། བོད་ནང་ས་ཡོམས་ཀྱི་རྐྱེན་སྐྱེ་འགྲོ་མང་པོ་འདས་གྲོངས་སུ་འགྱུར་བ་སོགས་ལ་དམིགས་ཏེ་འཇམ་མགོན་བླ་མ་ཙོང་ཁ་བ་ཆེན་པོའི་མཛད་ཆེན་བཞིའི་ཡ་གྱལ་ཆོ་འཕྲུལ་སྨོན་ལམ་འཕར་མ་བདུན་ཕྲག་གཅིག་ཚོགས་རྒྱུ་ལགས་ན། དམ་ཆོས་དོན་གཉེར་ཅན་རྣམས་དང༌། འབྲེལ་ཡོད་དད་སྦྱིན་ཁག་ནས་ཐུགས་སྣང་ཡོང་བའི་གལ་ཆེའི་གསལ་བསྒྲགས་སུ།
དགེ་ལྡན་ཆོ་འཕྲུལ་སྨོན་ལམ་ཆེན་མོའི་འཛིན་སྐྱོང་བསྟི་གནས་ཝར་ཎ་བོད་དགོན་བཤད་སྒྲུབ་འདོད་རྒུ་འཁྱིལ་ཡིག་ཚང་ནས་ཕྱི་ལོ་ ༢༠༡༠ ཟླ་ ༧ ཚེས་ ༡༤ ལ།