རབ་བྱུང་ནི་བསླུ་མེད་ཀྱིི་སྐྱབས་གནས་ཡིན།

ཡང་མི་འགའ་རེ་ཡིས་རབ་བྱུང་རེ་ཟུང་གིས་ཀུན་སྤྱོད་སྟོན་སྟངས་རྒྱུ་མཚན་དུ་བཀོད་ནས། སྤྱིར་རབ་བྱུང་གི་སྤྱོད་ཚུལ་ལ་འགྲིག་མིན་སྐོར་སྣ་ཚོགས་པ་བཤད་པ་ནི། གཙོ་བོ་རང་ཉིད་ཁ་གཏོང་ཡུལ་དེ་ལས་ཁྱད་པར་དུ་འཕགས་ཡོད་མེད་དང་རང་གི་གནས་སྟངས་ལ་ཞུ་དག་ཡང་དག་པ་མ་བྱུང་བའི་དབང་གིས་ཡིན་པས། སོ་སྐྱེས་རང་གི་སྣང་བ་ལ་ངེས་པ་མེད་པའི་མཐོང་ཚུལ་ཙམ་གྱིས་འཆར་སྣང་དུ་བཤད་པ་ལྟར། དཔེར་ན། ལེགས་པར་སྨིན་པའི་ཤིང་ཏོག་ཀུ་ཤུ་ལ་དེ་ཟ་བ་པོ་གང་ཟག་གི་ཁའི་ནང་བྲོ་བ་ཞིམ་མ་ཞིམ་སྣ་ཚོགས་སུ་ཡོད་པ་བཞིན། དོན་དུ་ཀུ་ཤུའི་ཁ་དོག་དྲི་རོ་ཕུན་སུམ་ཚོགས་པར་སྐྱོན་མེད་པར་བརྟེན། རབ་ཏུ་བྱུང་བ་རྣམས་ནི་རྟགས་ཆ་ལུགས་བརྗེ་ཐུབ་པ་ཙམ་མིན་པར། འཇིག་རྟེན་གྱི་འགྲོ་བ་རྣམས་ལ་མིག་དཔེ་ཡར་ལྟ་བྱེད་ས་ཞིག་དང། ཚེ་འདི་དང་ཕྱི་མ་ཀུན་ཏུ་སྐྱབས་འཇུག་ཞུ་ཡུལ་དང། ཕྱག་དང་ཐལ་མོ་སྦྱར་བའི་འོས་སུ་གྱུར་པ་ཁོང་རྣམ་པས་བདག་ཅག་རྣམས་ལ་བརྩེ་བས་སྐྱོང་བ། གནོད་པ་མི་སྐྱེལ་བར་ཡིད་ཆེས་དང་བློ་འགེལ་བྱེད་ཆོག་པའི་མི་བསླུ་བ་ཞིག་ཡིན་པས། རབ་བྱུང་རྣམས་ཀྱི་སྐུ་གསུང་ཐུགས་ཀྱི་ཡོན་ཏན་ནི། ང་ཚོ་ཁྱིམ་པ་མི་ནག་པའི་སྒོ་གསུམ་སྤྱོད་པ་ལས་ཆེ། རབ་བམ་ཕུལ་དུ་བྱུང་བ་ཞིག་གི་མཚན་དང་དོན་ཤིན་ཏུ་མཐུན་པ་ལ་སོང། དེ་བས་ན་གང་བྱུང་གིས་རབ་བྱུང་རྣམས་ལ་ལྟ་ཞོག། གང་ཟག་གཞན་ལ་འཕྱ་སྨོད་བྱེད་པ་མི་འོས་པ། ཐལ་བས་གཡོགས་པའི་མེ་དོང་བཞིན་དུ་གཟབ་དགོས་གསུངས་པ་ལྟར། རང་རང་གི་སྒོ་གསུམ་སྤྱི་དང་ལྷག་པར་ངག་སྡིག་མི་བསགས་པ་ནི་གལ་གནད་ཆེ་ལ། དེ་ལྟར་གནང་ཐུབ་ན་སྤྱི་ཚོགས་ཀྱི་མི་རིགས་ནང་གི་གུས་བརྩི་དང་མཐུན་འབྲེལ་གང་ཐད་ནས་ལེགས་ཚོགས་དང་བསོད་ནམས་གསོག་པའི་གཞིར་གྱུར་པ་ཞིག་གོ།

{jcomments on}