ཧི་མ་ལའི་ཆོས་ཚོགས་ཀྱི་ཧི་མ་ལའི་སྔོན་འགྲོའི་ཟབ་སྦྱོང༌།
ཧི་མ་ལའི་ཆོས་ཚོགས་ཀྱི་འགན་འཁུར་འོག་རྒྱ་གར་རྒྱལ་ཡོངས་ཨམ་བྷེདྲ་ཀར་ཆོས་ཚོགས། ༧ཀུན་མཁྱེན་ཤེས་རབ་བཟང་པོའི་ཆོས་ཚོགས། ལོ་ཙ་བ་རིན་ཆེན་བཟང་པོའི་ཆོས་ཚོགས་བཅས་མཉམ་རུབ་ཐོག་རྒྱལ་ཡོངས་(Preparatory workshop)སྔོན་འགྲོའི་ཟབ་སྦྱོང་ཉིན་གསུམ་རིང་འཕགས་ཡུལ་རྒྱལ་ས་ལྡི་ལིར་ཚོགས་ཞུགས་གནང་བ་དང༌། ཧི་མ་ལའི་རིགས་རྒྱུད་ལ་དགས། ཁུ་ནུ། སྤི་ཏི། རྡེ་ར་ལྡུན། ཀ་རྡོར། འབྲས་ལྗོངས་དང་མོན་ཡུལ་སོགས་ས་གནས་ཁག་མང་དག་ཅིག་ནས་སྟོན་པ་འཀྲིན་ཅན་གྱི་རྗེས་འཇུག་ཆོས་ཀྱི་དབུ་ཁྲིད་བླ་སྤྲུལ་རྣམ་པ་དང༌།
ཆབ་སྲིད་པ་མི་སྣ་འཛིན་སྐྱོང་པ། གཞུང་ཞབས་པ་དང་སྤྱི་ཚོགས་ཞབས་ཞུ་བ་མི་གྲངས་༢༠༠ཉི་བརྒྱ་ཙམ་འདུས་འཛོམས་ཀྱིས་སྤྱི་ལོ་༢༠༡༡ ཟླ་༠༥ ཚེས་༡༧ ནས་སྤྱི་ལོ་༢༠༡༢ ཟླ་༠༥ ཚེས་༠༦དབར་ལོ་འཁོར་མ་སྟོན་པ་བཀྲིན་ཅན་སངས་རྒྱས་པ་དང་ཆོས་ཀྱི་འཁོར་ལོ་བསྐོར་ནས་མི་ལོ་༢༦༠༠ཉི་སྟོང་འཁོར་བའི་དུས་ཆེན་ཁྱད་པར་ཅན་སྲུང་བརྩི་ཞུ་རྒྱུ་དང༌། དེ་ཡང་ཕྱི་རྒྱལ་ནང་པའི་རྒྱལ་ཁབ་ཁག་དང་གཞུང་འབྲེལ་དང་གཞུང་འབྲེལ་མིན་པའི་ཚོགས་པ་ཁག་བཅས་འཛམ་གླིང་ཁྱོན་ཡོངས་ནས་སྲུང་བརྩི་ཞུ་བ་དང་ཆབས་ཅིག་འཕགས་ཡུལ་དུའང་གཞུང་འབྲེལ་ཐོག་སྲུང་བརྩི་ཞུ་དགོས་པའི་རེ་འདུན་ཞུ་རྒྱུའི་གྲོས་ཆོད་འཇོག་སྟེ་མོན་གྱི་ཆོས་རིག་ཁྲིད་པ་༧སྐྱབས་རྗེ་མཚོ་སྣ་རིན་པོ་ཆེ་མཆོག་གིས་དབུ་འཁྲིད་དེ་འཐུས་མི་༧སྐྱབས་རྗེ་ལོ་ཆེན་རིན་པོ་ཆེ་མཆོག འབྲས་ལྗོངས་བཀྲིས་བདེ་ཚབ་པ་རིན་པོ་ཆེ་མཆོག ལ་དྭགས་བླ་མ་ཆོས་འཕེལ་བཟོད་པ། ཨུ་ཏར་ཁནྡ་མཐུ་སྟོབས། ལ་དྭགས་ནང་པའི་ཆོས་ཚོགས་ནས་སྟོབས། ནུབ་བྷང་གལ་ཀལ་ཡན་ཅོདྷ་རི་བཅས་རྒྱ་གར་དབུས་གཞུང་ལེགས་སྦྱང་དང་གྲོང་ཁྱེར་ཡར་རྒྱས་བློན་ཆེན་ཀུ་མ་རི་ཤེལ་འཇའ་(Kumari Selja)མཆོག་དང་མཇལ་འཕྲད་གནང་སྟེ་གོང་འཁོད་དོན་མཚན་སྐོར་རེ་འདུན་ཞུས། །
