མདོ་སྨད་སྤྱི་འཐུས་འོས་མི་བློ་བཟང་དཔལ་ལྡན་ལགས་སུ་བཅར་འདྲི།

དྲི་བ། ༢ སྐུ་ཉིད་ལ་འོས་ཐོབ་ན་ལས་དོན་གཙོ་བོ་གང་ལ་ཤུགས་སྣོན་རྒྱག་རྩིས་ཡོད་དམ།

ལན།༢ གཞིས་བྱེས་གཉིས་ཀྱི་རང་དབང་ འཐབ་རྩོད་བྱེད་བཞིན་པར་སོང་། གཞིས་ལུས་རྒྱ་ཆེ་མང་ཚོགས་ཀྱི་རང་དབང་གི་མགྲིན་ཚབ་པ་ཞིག་དང་ཁོ་ཚོའི་བསམ་འདུན་ངོ་མ་གང་ཡིན་རྟོགས་པར་བྱས་ཏེ། ལྷག་བསམ་རྣམ་དག་གིས་ནུས་ཤུགས་གང་ཡོད་བཏོན་ཏེ་མདུན་བསྐྱོད་བྱེད་རྒྱུར་འབད་བརྩོན་བྱེད་རྒྱུ་ཡིན།

དྲི་བ། ༣ སྐུ་ཉིད་ཀྱིས་འདས་པའི་གྲོས་ཚོགས་ནང་མ་འགྲིག་ས་གཙོ་བོ་དང་འཐུས་ཤོར་ཕྱིན་པ་གཙོ་བོ་ག་རེ་ལ་ངོས་འཛིན་བྱེད་ཀྱི་ཡོད་དམ། དེའི་ཐོག་དགོངས་ཚུལ་ག་རེ་ཡོད།

ལན།༣ སྤྱི་འཐུས་རྣམས་ནི་མི་མང་གི་སྐུ་ཚབ་ཡིན་པས་ནང་ཁུལ་ཕྱོགས་ཞེན་གྱིས་རྒྱལ་ཕམ་རྩོད་རྒྱུ་ཡག་པོ་མ་རེད། ལྷག་པར་དུ་རང་དབང་འཐབ་རྩོད་པ་ཞིག་ལ་མཚོན་ན་གྲགས་འགུལ་མེད་པ་ནི་དེ་བས་ཀྱང་ཡག་པོ་ཞིག་མཐོང་མ་སོང་། འདི་རིགས་ལ་གང་མགྱོགས་ཀྱིས་མ་འོངས་བྱེད་ཕྱོགས་ལམ་སྟོན་དང་སྒྲིག་གཞི་སོགས་བརྒྱུད་ནས་ལེགས་བཅོས་བྱེད་དགོས་པར་བསམ།

དྲི་བ། ༤ གལ་སྲིད་༸གོང་ས་མཆོག་གིས་བོད་ཀྱི་སྲིད་ཀྱི་ཐུགས་འགན་མ་བཞེས་ཚེ་བཅའ་ཁྲིམས་ལ་བསྒྱུར་བཅོས་གང་དགོས་དང། ད་ལྟའི་བཅའ་ཁྲིམས་ནང་གི་སྡེ་སྲིད་ལྷན་ཚོགས་བསྐོ་སྟངས་ཐོག་དགོངས་ཚུལ་ག་རེ་ཡོད།

ལན།༤ སྡེ་སྲིད་ལྷན་ཚོགས་ཀྱི་སྐད་ཆ་དེ་ཅུང་ཙམ་སྔ་དྲགས་ཡོད་པ་རེད་བསམ།  གང་ཡིན་ཟེར་ན་༸གོང་ས་མཆོག་གིས་ཉེ་ཆར་བོད་ཀྱི་རང་དབང་འཐབ་རྩོད་ཀྱི་སྐུ་དབང་མུ་མཐུད་དེ་བཞེས་རྒྱུར་གསལ་བར་གསུངས་ཟིན་པ་རེད།

དྲི་བ། ༥ ད་ཡོད་ཀྱི་སྤྱི་འཐུས་ལྷན་ཚོགས་ཀྱི་གྲུབ་ཆ་སྒྲིག་འཛུགས་ཀྱི་འགྲོ་སྟངས་དེ་མ་འགྲིག་པ་དང་འགྱུར་བ་གཏོང་དགོས་པ་དེ་འདྲ་གཟིགས་ཀྱི་ཡོད་དམ།

ལན།༥ ཁོ་བོས་སྤྱི་འཐུས་ཀྱི་སྒྲིག་གཞི་ཆ་ཚང་ཞིག་ལས་བྲེལ་ཀྱི་དབང་གིས་ལྟ་ཀློག་གི་གོ་སྐབས་མ་བྱུང་བས། ཞུ་ཚོད་ཐིག་མ་སོང་ཡང་སྐབས་དང་དུས་ལ་བསྟུན་ནས་ལེགས་བཅོས་དགོས་ངེས་ཅན་དུས་ཐོག་ལ་ལེགས་བཅོས་བྱེད་དགོས་པ་རེད་བསམ།།