བཀའ་ཁྲིའི་འོས་མི་གསུམ་གྱི་ད་ལྟའི་ལས་གནས་ལ་དཔྱད་པ།༣

ང་ཚོས་དབྱེ་ཞིབ་འདི་བརྒྱུད་ནས་འོས་བླུག་མཁན་ཚོར་འོས་མི་སུ་ཞིག་ང་ཚོའི་བཙན་བྱོལ་སྲིད་གཞུང་གི་ཆེས་མཐོའི་ཡིག་ཚང་ནང་དུ་སླེབས་པར་ཁྱད་ནུས་ཡོད་པ་ཤེས་རྟོགས་དང་ཕན་ཐོགས་ཡོང་བའི་རེ་བ་ཡོད།
གཤམ་དུ་ང་ཚོས་འོས་མི་རེ་རེའི་ད་ལྟའི་ལས་གནས་ལ་དབྱེ་ཞིབ་བྱས་ཡོད།

བཀྲིས་དབང་འདུས་ལགས།
བཀྲིས་དབང་འདུས་ལགས་ཀྱི་ལས་གནས་འཚོལ་ཞིབ་བྱེད་རྒྱུ་དེ་ནི་བཀྲས་མཐོང་དང་བློ་སེང་གཉིས་ཀྱི་ལས་གནས་ལས་ཧ་ཅང་སྟབས་བདེ་བ་ཞིག་རེད། ཉེ་སྔོན་བར་དུ་ཁོང་གིས་སྦི་རི་སལ་བོད་ཀྱི་དོན་གཅོད་ཁང་Representative at the Bureau du Tibet ངམ་བོད་ཀྱི་དོན་གཅོད་་Office of Tibet ཀྱི་སྐུ་ཚབ་ཕྱག་ལས་གནང༌། འོན་ཀྱང་ཕྱི་ལོ་༢༠༡༠ ལོའི་ཟླ་བ་བཅུ་གཉིས་བའི་ནང་བཀའ་ཁྲིའི་འོས་མིར་ཞུགས་ཕྱིར་ལས་གནས་ནས་དགོངས་པ་ཞུས། ཡིག་ཚང་དེ་ནི་གལ་ཆེའི་ཡིག་ཚང་ཞིག་ཡིན་པ་སྟེ་ཡོ་རོབ་མཐུན་ཚོགས་ཀྱི་སྒྲིགས་འཛུགས་ཁག་European Union institutions དང༌། ཡོ་རོབ་གྲོས་ཚོགས། ཡོ་རོབ་ལྷན་ཚོགས་European Commission སོགས་ལ་འབྲེལ་མཐུན་གནང་གི་ཡོད།

ཡིག་ཚང་འདི་ནི་ཕྱི་དྲིལ་ལྷན་ཁང་གི་འཛིན་སྐྱོང་འོག་ཡོད་པ་དང༌། ཡོ་རོབ་མཐུན་ཚོགས། ནུབ་ཕྱོགས་ཡོ་རོབ།  བྱང་ཨ་མི་རི་ཀའི་North America བཅས་ཀྱི་ྋགོང་ས་མཆོག་གི་སྐུ་ཚབ་དང་བཙན་བྱོལ་སྲིད་གཞུང་གི་དོན་གཅོད་ཡིག་ཚང་ཡང་ཡིན་པས་ཁོང་གི་ལས་གནས་ནི་དོན་གཅོད་མཁན་གྱི་ལས་གནས་དང་མཚུངས་ཆོས་སུ་གྱུར་ཡོད།

ཁོང་ཡིག་ཚང་འདིའི་ལས་ཡུན་སྐབས་ཀྱི་གནས་ཚུལ་ཏོག་ཙམ་ལས་ལག་གསོན་མ་བྱུང༌། འོན་ཀྱང་མཐའ་བསྡོམ་བྱས་ནས་བརྗོད་ན། ཁོང་གིས་བཀའ་ཤག་དང་སྐུ་སྒེར་ཡིག་ཚང་གི་ཕྱག་ལས་བསྒྲུབ་པར་ཡིད་ཆེས་ཀྱིས་ཁེངས་ཡོད་པ་བརྗོད་ཐུབ། ཡིག་ཚང་འདི་དབུ་བརྙེས་མ་ཐག་ཁོང་ཡིག་ཚང་འདིའི་ལས་གནས་འཁུར་མཁན་དུ་བདམས།  དེའི་སྔོན་ཡིག་ཚང་འདི་ནི་ཡོ་རོབ་ལྷན་ཚོགས་ཀྱི་མཉམ་ལས་ལས་གནས་ཁང་ཡིན་པ་EU coordination office དང་བོད་ཀྱི་ཡིག་ཚང་ནི་པད་རིལ་སིའི་Paris ཁྲིམས་འོག་ཏུ་སྟངས་འཛིན་བྱེད་ཀྱིན་ཡོད།  འོན་ཀྱང༌། ཕྱི་ལོ་༢༠༠༨ ལོའི་ཟླ་བཞི་བའི་ནང་སྦི་རིལ་སལ་Brussels ཡིག་ཚང་བོད་ཀྱི་ཡིག་ཚང་ལ་བསྒྱུར་བ་དང༌། པ་རིལ་སིའི་བོད་ཀྱི་ཡིག་ཚང་ནི་Office of Tibet in Paris སྦི་རིལ་སལ་གྱི་ཡིག་ཚང་གི་ཡན་ལག་ཏུ་གྱུར། ཕྱི་ལོ་༢༠༠༩ ལོའི་ཟླ་བ་དང་པོའི་ནང་ཁོང་ནི་ནེའི་ཡོག་གི་དོན་གཅོད་ལས་གནས་ནས་གསར་དུ་དབུ་བརྙེས་བའི་སྦི་རིལ་སལ་བོད་ཀྱི་ཡིག་ཚང་གི་འགན་འཛིན་དུ་ལས་གནས་སྤར།
ཁོང་གིས་སྐུ་ཚབ་དོན་གཅོད་ཀྱི་ལས་འགན་འཁུར་བའི་ཐོག་ནས་འཇུག་བསྡོམ་ཞིག་བརྒྱབ་ན། ཁོང་གི་འགན་འཁུར་གཙོ་བོ་ནི་ཕྱི་སྲིད་ལས་དོན་པ་ཞིག་ལས་སྲིད་ཇུས་བཟོ་མཁན་ཞིག་མ་ཡིན་ཏེ་རྡ་རམ་ས་དང་ཡོ་རོབ་ལྷན་ཚོགས་ཀྱི་འབྲེལ་མཐུན་རྒྱུན་སྐྱོང་གནང་རྒྱུ་དེ་ཡིན། བཀའ་ཤག་གིས་དམིགས་བསལ་གྱིས་ཡོ་རོབ་དང་འབྲེལ་བའི་ལས་དོན་སྔ་ས་ནས་འཆར་འགོད་བྱས་ཟིན་པ་རྣམས་ཁོང་གིས་དེ་དག་བསྒྲུབ་པར་འབད་འབུངས་བྱེད་རྒྱུ་དེ་ཡིན། ད་དུང་གཅིག་བརྗོད་ན། ཁོང་ནི་ཡོ་རོབ་ལྷན་ཚོགས་དང་རྡ་རམ་ས་ལ་གཉིས་ཀྱི་བརྒྱུད་ལམ་ལྟ་བུ་སྟེ་ཁོང་གིས་བཙན་བྱོལ་བོད་གཞུང་གི་སྲིད་ཇུས་དག་ཡོ་རོབ་ལྷན་ཚོགས་ལ་སྙན་ཞུ་དང་རེ་འབོད་བྱེད་རྒྱུ། ཡོ་རོབ་ལྷན་ཚོགས་ཀྱི་རྣམ་འགྱུར་དང་གནས་བབས་སོགས་རྡ་རམ་ས་ལར་སྙན་ཞུ་དང་བཙན་བྱོལ་སྲིད་གཞུང་གིས་སྲིད་ཇུས་ཅི་ཞིག་བཀོད་ན་ཕན་འབྲས་ཡོད་པའི་དགོངས་ཚུལ་བརྗོད་རྒྱུ་དེ་ཡིན།