སྤུན་མཆེད་འཚོལ་ཞིབ།

རྒྱ་གར་དུ་འབྱོར་ནས་གནས་མཆོག་རྡོ་རྗེ་གདན་ནས་ཕ་ཡུལ་ལ་འབྲེལ་བ་ཞིག་བྱས་པ་དང་། དེ་རྗེས་ལོ་མང་རིང་ལ་ཡིག་ངག་དང་། མྱུར་འཕྲིན་བརྒྱུད་ལམ་གང་ཐད་ནས་ཀྱང་འབྲེལ་བ་མ་བྱས་པས། འབྲེལ་ཡོད་སྤུན་མཆེད་ཉེ་འབྲེལ་རྣམས་སེམས་ཚབ་ཧ་ཅང་ཆེན་པོའི་ངང་དུ་ད་ཆར་གནས་ཡོད། ཁྱོད་ཀྱི་སྤུན་མཆེད་རྣམས་ཀྱི་དངོས་མིང་ལ་ཡར་འཕེལ། བློ་གྲོས་རྒྱལ་མཚན། སྲིང་མོ་ག་མེ། སྒྲོལ་མ་ལྷ་འཛོམས་བཅས་ཟེར་གྱི་ཡོད། ཁྱེད་དེང་སྐབས་ཡུལ་ཕྱོགས་དང་། གནས་ཡུལ་རྒྱལ་ཁབ་གང་ཡིན་དང་། བདེ་གནས་འཚོ་བ་སྤྱོད་སྟངས་སོགས་ཁ་གསལ་པོའི་ལམ་ནས་རིང་པོར་མི་ཐོགས་པར་ཅི་ནས་ཀྱང་ཁ་པར་བརྒྱུད་ནས་འབྲེལ་ལམ་མཛད་རོགས། ང་ཚོས་ཁྱོད་ལ་སེམས་ཁྲལ་ཉིན་རེ་བཞིན་ཇེ་ཆེར་བྱེད་བཞིན་ཡོད། མི་ལོ་ཧྲིལ་པོ་ཉི་ཤུ་ལྷག་ཙམ་དུ་ཁྱོད་ཀྱི་གནས་ཚུལ་ལེགས་ཉེས་ཅི་ཡང་ཆ་མ་འཚལ་བས། ད་ཆ་ཁྱོད་འཇིག་རྟེན་གྱི་ཁམས་སུ་གནས་ཡོད་མེད་ཀྱི་ལབ་གླེང་དང་ཐེ་ཚོམ་ཡང་ཉིན་རེ་བཞིན་མི་ཉུང་བར་བྱེད་བཞིན་ཡོད། དེར་མ་ཟད་རྒྱ་ཆེའི་བོད་རིགས་ལྷག་བསམ་དཀར་བའི་ཉན་ཀློག་པ་རྣམས་ཀྱིས་ཀྱང་མི་འདི་རྩད་གཅོད་གནང་ནས། རྩད་ཆོད་ཚེ་གཤམ་གྱི་མྱུར་འཕྲིན་ཁ་བྱང་ཐོག་ནས་འབྲེལ་བ་མཛད་རོགས་ཞུ།

འབྲེལ་བ་བྱ་ཡུལ་ཁ་པར་ཨང་ ༧༤༡༡༨༤༧༥༥༨ འདི་ཡིིན།
གོང་འཁོད་ཀྱི་སྤུན་མཆེད་རྣམས་དང་། དེ་རྣམས་དང་འབྲེལ་ཡོད་ཀྱི་མི་སྣ་རྒྱ་གར་ལྷོ་ཕྱོགས་སེ་ར་ཆོས་སྒར་ལ་གནས་འཆའ་བའི་སྒ་ཁྲི་འདུའི་གྲྭ་བཙུན་འགའ་ཟུང་དང་ཐུན་མོང་གིས་བྲིས་ནས་སྤེལ་འགོད་བྱས།