རང་གི་ཕ་ཡུལ་མེད་པ་དེ་བོད་མིའི་དཀའ་ངལ་ཆེ་ཤོས་མཐོང་གི་འདུག།

ད་ཆ་རང་ཅག་བཙན་བྱོལ་བོད་མི་ཡོངས་རང་གི་ཕ་ཡུལ་མེད་པའི་སྐྱབས་བཅོལ་བ་ཡིན་པའི་གནས་སྟངས་གཙོ་བོ་རྒྱུ་མཚན་གྱིས་ཡུལ་མི་ཤེས་ཡོན་དེ་ཙམ་མེད་པ་ཕལ་ཆེ་བས་བོད་མིར་མཐོང་ཆུང་ཁྱད་གསོད་སོགས་ཀྱི་རྣམ་འགྱུར་སྟོན་གྱི་ཡོད་པའི་གནས་ཚུལ་ཡང་ཡང་ཡོང་གི་ཡོད། དེ་ལྟའི་རྣམ་འགྱུར་སྟོན་པའི་གནད་དོན་ཐུག་ས་དེ་རང་ཅག་ལུང་པ་མེད་པའི་སྐྱབས་བཅོལ་བ་ཡིན་པའི་རྒྱུ་མཚན་གཙོ་བོ་འདི་ཁོ་ན་ཡིན། དགུན་ཚོང་སུ་ཊར་འཚོང་ས་མངའ་སྡེ་གཞན་དུའང་བོད་མིར་དཀའ་ངལ་མི་དམན་ཙམ་ཡོད་པ་ཤེས་གསལ་རེད། དེར་བརྟེན་ངེད་ཅག་དུས་ཇི་ཙམ་བར་དེ་ལྟའི་དཀའ་ངལ་འོག་སེམས་ཆུང་བཟོད་སྒོམ་བྱས་ནས་སྡོད་རྒྱུ་ཡིན་ནམ་ཞེས་སེམས་ནང་གི་བསྡུག་བསྔལ་གི་དྲི་བ་ཡིན། གནས་སྟངས་དེ་འདྲར་སོང་བོད་རིགས་ཡོད་དོ་ཅོག་ནས་ཕྱོགས་ཞེན་གྱི་དབྱེ་བ་མེད་པར་དམ་ཚིག་མཐུན་ཞིང་རྡོག་རྩ་ཆིག་སྒྲིལ་ཐོག་དོན་དམ་ཞི་བའི་གྲོས་མོལ་གྱི་བརྒྱུད་ལམ་ནས་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པ་ཁག་དང་ལྷག་པར་རྒྱ་ནག་གཞུང་དང་རྒྱ་རིགས་ཤེས་ལྡན་མི་སྣ་ཚོར་འབྲེལ་གཏུགས་སོགས་ཐབས་ལམ་གྱིས་བོད་དོན་དཀའ་རྙོག་དང་རྒྱ་བོད་བར་གྱི་རྣམ་རྟོག་སོགས་གོ་ནོར་ཐེབས་པ་མཐའ་དག་སེལ་ཏེ་༧གོང་ས་མཆོག་གཙོས་བཙན་བྱོལ་བོད་མི་རྣམས་རང་ཡུལ་དུ་བདེ་བར་འཁོད་རྒྱུ་དེ་བོད་མི་ཡོངས་ཀྱི་དཀའ་ངལ་ཆེ་ཤོས་སེལ་བའི་ཐབས་ལམ་ཡང་དག་པ་ཡིན་ནོ་སྙམ། གཞན་དུ་ན་མི་རབས་ནས་མི་རབས་བར་དེ་ལྟའི་གནས་སྟངས་དཀའ་ངལ་འོག་སྡུག་སྒོམ་རྒྱག་རྒྱུ་སྨོས་མི་དགོས་སོ།།

ཐུབ་བསྟན་དབང་རྒྱལ་གྱིས།