ཁྱོད་ཁོ་ན་མི་ཡུལ་གྱི་ཆུ་བོ་ཡིན་་་་་་་་་་་་་་་་་་
གཙང་པོ་ཡར་ལུང་ནས་འབབ། གཏམ་རྒྱུད་ཀྱི་རུས་རྐང་ཁྱེར་ནས་གང་དུ་འགྲོ།།
གཙང་པོ་ཡ་་་ ཁྱོད་སུ་ཞིག་གི་མིག་ནང་ལ་བཞུར་གྱིན་པའི་ཆུ་བོ་ཡིན།
ལོ་རྒྱུས་ཀྱིས་མ་ཐེག་པའི་ཆགས་འཇིག་གི་གླེགས་བམ་ཁྲོད། ཡབ་མེས་ཀྱིས་བཀུག་པའི་གཏམ་རྒྱུད་ཀྱི་གཞུ་ཁ་ནས་ངས་ཁྱོད་ཁོ་ན་མི་ཡུལ་གྱི་ཆུ་བོ་ཡིན་པར་རྟོགས་སོང་།།
གཙང་པོ་ལགས་་་་་ ལོ་རྒྱུས་ཀྱི་གཉེར་མ་སུ་ཞིག་གི་ཡ་ཐོད་ན་བརྩེགས་ཀྱིན་པ་ཚོར་རམ
གཙང་པོ་ཡ་་་་ བདེན་ལུགས་ཀྱི་གཤོག་པ་ཐོག་པའི་གཡུལ་འགྱེད་པ་མདའ་རྩེ་ལ་གཟར་ཏེ་མི་ཡུལ་ལ་གྱེས་ཕྱག་ཕུལ་དགོས་དོན་ཅི།
