རྒྱ་ནག་གི་པོན་རིགས་ཚོས་དངོས་ཡོད་ཀྱི་གནས་སྟངས་ཤེས་དགོས།

ཟླ་འདིའི་ཚེས་༡༦  ཉིན་བརྒྱུད་ལམ་ཁག་ཏུ་སྤེལ་བ་ལྟར་ན། རང་ལུས་མེར་བསྲེག་གི་དོན་རྐྱེན་དེ་ཧ་ཅང་གི་ཡིད་སྐྱོ་བའི་གནས་ཚུལ་ཞིག་ཡིན་མོད། དོན་རྐྱེན་དེ་བོད་པའི་ནང་ཆོས་དང། ནང་ཆོས་དང་འབྲེལ་བའི་རིག་གཞུང་གིས་བཟོས་པ་ཞིག་རེད་བསམ་གྱི་མི་འདུག་ཅེས་༧གོང་ས་མཆོག་གིས་ཨ་རིའི་མངའ་སྡེ་ཧ་ཝ་ཡི་རུ་གསུངས་འདུག

ཞི་བདེ་དང་བྱམས་སྙིང་རྗེ་ནི།  བོད་པའི་ནང་ཆོས་དང་འབྲེལ་བའི་རིག་གཞུང་གི་ཁྱད་ཆོས་བཟང་པོ་ཞིག་ཡིན་ཞེས་གསུངས་འདུག རྒྱ་ནག་གི་གཅིག་སྡུད་རིང་ལུགས་(Totalitarian) དང།  དོན་ཕན་མེད་པའི་སྲིད་ཇུས་སོགས་ཀྱི་རྐྱེན་པས་རང་ལུས་མེར་བསྲེག་གི་དོན་རྐྱེན་རྣམས་བྱུང་བ་ཞིག་དང།  རྒྱ་ནག་དཔོན་རིགས་ཚོས་རང་དོན་ལ་མགོ་འཁོར་ནས་དཔལ་འབྱོར་དང་དབང་ཆ་གཉིས་བེད་སྤྱོད་བཏང་སྟེ།  བོད་རིགས་རྣམས་དྲག་གནོན་བྱེད་ཀྱིན་ཡོད་པ་རེད་ཅེས་གསུངས་འདུག

བོད་དོན་སེལ་དགོས་པའི་དུས་ཚོད་དེ་སླེབས་ཡོད་པས། རྒྱ་ནག་དཔོན་རིགས་ཚོར་སྤྱི་སེམས་ཀྱི་ལྟ་ཚུལ་དགོས་པ་དང།  ཕྱོགས་མཚུངས་དངོས་ཡོད་གནས་སྟངས་ཀྱི་སྲིད་ཇུས་བཟུང་ནས་བོད་ཀྱི་དཀའ་རྙོག་སེལ་དགོས་པ་ལས།  ལྐུགས་པའི་བསམ་བློ་དང།  མིག་འགྱང་ཐུང་ཐུང།  དེ་བཞིན་དབང་ཆ་ཚད་མེད་བེད་སྤྱོད་བྱས་ནས་མི་མང་སྟངས་འཛིན་བྱེད་རྒྱུ་མེད་ཅེས་གསར་འགོད་པ་ཁག་ཅིག་གིས་དྲི་བར་ལན་འདེབས་གནང་འདུག །