གངསརི་ཡི་བླ་སྲོག་ཁྱེད་ཕེབས་མེད་ན་གདོང་དམར་བོད་པ་ཚང་གི་ཚེ་སྲོག་གནས་མེད།

རྨད་བྱུང་ལས་ཀྱི་ཁ་ཕྱོགས་ཤིག་གིས་གངས་དཀར་རི་བོའི་མཐོངས་སུ་བསུས་པའི།།

གངས་རིའི་བླ་སྲོག་བསྟན་འཛིན་རྒྱ་མཚོ་ཁྱོད་དང་ཁྱེད་ཀྱི་གཟི་འོད་དག་གིས།།

དགོང་དམར་བོད་པའི་ཚེ་སྲོག་ནད་པ་བདེ་གནས་ལམ་དུ་འཁྲིད་པ་མཛད་དེར།།

ཡིད་སྨོན་དྭངས་མའི་ཆབ་ཀྱི་མཆོད་ཡོན་དུང་བ་དྲག་པོས་ཤུགས་ཀྱིས་འབུལ་ལོ།།

ཀྱེ་་་་་་་་་་་་་་་གངས་རི་ཡི་བླ་སྲོག །

ཁྱེད་ནུས་ཤུགས་དྭངས་མ་དེས་ང་ཚོ་གདོང་དམར་བོད་པ་ཚང་ཚེ་སྲོག་གི་དྲོད་ཐེག་གསོན་པོ་ལ་བདེ་སྐྱིད་སྟོང་གི་འཛུམ་མདངས་དང་ལྷེང་འཇགས་འབུམ་གྱི་དགོད་སྒྲ་ངོ་མ་ཞིག་བསྐྲུན་པ་འདིས་ང་དང་ངའི་སེམས་ངོགས་ན་ཡོད་པའི་ཚོར་འདུ་ཡོད་ཚད་ནས་ཡོད་ཚད་ཁྱེད་ཀྱི་ཕྱོགས་སུ་ཁྱེར་སོང་ལ་ཁྱེད་ཀྱི་ཕྱོགས་སུ་ཤོར་ཡང་ སོང་།

རེད་་་་་་་་་་་་་་་་། བལྟོས་དང་་་་་་་་་་་་་་་་། ཀྱེ་་་་་་་་་་་་་་་་་་གངས་རི་ཡི་བླ་སྲོག། འདས་ཟིན་པའི་ལོ་ཟླ་མག་མུག་དེའི་ནང་དུ་ཁྱེད་ནི་བགྲངས་བྱ་བཅུ་དྲུག་ལས་སོན་ མེད་ཀྱང་ཁྱོད་ལ་ཡོད་ཚད་ནས་ཡོད་ཚད་ལུགས་ཟུང་ཉི་ཟླའི་དཔལ་ལ་མཛའ་གྲོགས་སུ་བརྟེན་ཏེ་ང་ཚོ་གདོང་དམར་བོད་པ་ཚང་གི་ཚེ་སྲོག་ལ་དྲོད་ཐིགས་གསོན་པོ་ཞིག་འཚོལ་བའི་ལམ་དུ་ཆས་ཤིང་ཆས།

རེད་་་་་་་་་་་་་་་་་་་་་། དཀའ་ཚེག་གི་ལམ་བུ་དེར་བགྲོད་ནས་ཆེས་རྒྱང་རིང་དུ་མ་ཡོལ་བའི་དུས་ངན་ཞིག་ན་ཐ་ཤལ་སྤྱོད་པས་ལུས་སེམས་ཡོངས་རྫོགས་རྨོང་ནས་བཟི་བའི་ཁྲེལ་མེད་ཀླ་ཀློ་དཔུང་སྡེས་བདེ་སྐྱིད་ཀྱི་ཁ་དབུགས་སྣུམ་པོས་ཡོངས་སུ་ཁྱབ་པ་བྷོ་ཊི་ཡུལ་ལྗོངས་གཙང་མའི་མཛེས་སྡུག་དང་སྒེག་ཉམས་ཡོད་ཚད་ཁ་བའི་ཚེ་སྲོག་གི་བཞུར་རྒྱུན་རྣལ་མ་དང་ སྙིང་ཁྲག་དྲོན་མོས་བསྲུབ་མེད་དུ་བསྒྲིབ་ཅིང་མཐའ་མེད་དུ་སྦགས་སོང་བ་རེད། བལྟོས་དང་་་་་་་་་་་་་་་། སྐབས་དེར་གངས་རི་ཡི་བླ་སྲོག་ཁྱེད་ཀྱིས་ཞི་བའི་གོ་ཁྲུབ་བཙན་པོའི་མཐུ་འོག་ནས་ དྲང་བདེན་གྱི་རྒྱལ་དར་གཙང་མ་སྙིང་སྟོབས་ཀྱི་ལག་པས་དགུང་དུ་འཕྱར་ཏེ་ང་ཚོ་ གདོང་དམར་བོད་པ་ཚང་ཚེ་སྲོག་གི་དྲོད་ཐིགས་འཆི་མ་གསོན་དེ་ལྷེང་འཇགས་ཀྱི་གནས་སུ་ཧད་ཀྱིས་ཁྲིད་མ་སོང་ངམ། ཀྱེ་་་་་་གངས་རི་ཡི་བླ་སྲོག ། ད་དུང་དུས་འགྱུར་དྲགས་པོའི་འཁྱུག་འགྲོས་དང་ལྷན་དུ་ཚན་རིག་བདུད་མོས་བསྐྲུན་པའི་ལྟས་ངན་ཆོ་འཕྲུལ་གྱི་བྱེད་གཟུགས་མངོན་པའི་དུག་རྫས་ནག་པོས་དགོས་

མེད་ཀྱི་འཐབ་འཛིང་དང་དོན་མེད་ཀྱི་དམག་འཁྲུག་སྦར་བའི་ཁྲོད་དུ། གངས་རི་ཡི་བླ་སྲོོག་ཁྱེད་ཀྱིས་འཇིག་རྟེན་ཀུན་ཁྱབ་ཀྱི་སྐྱེ་འགྲོ་ཡངས་ལ་འཚེ་མེད་ཞི་བདེ་ཡི་ཉིང་ཁུ་ལྡུད་དེ་བདེ་སྐྱིད་ཀྱི་དབུགས་དབྱུང་སྩོལ་སོང་།

རེད་་་་་་་་་་་་་་་་་། བལྟོས་དང་་་་་་་་་་་་་་་་་། ཀྱེ་་་་་་་་་་་་་་་་་གངས་རི་ཡི་བླ་སྲོག། ཁྱེད་ཀྱིས་དེ་ལྟ་བུའི་ནུས་ཤུགས་དྭངས་མའམ་ཟླུམ་གཟུགས་གོ་ལའི་སྟེང་གི་འཇིང་རྟེན་ཀུན་ལ་བདེ་སྐྱིད་ཀྱི་ཚོར་འདིགསོན་པོ་མགྲོན་དུ་བསུ་བའི་ཐབས་ལམ་ཡངས་པོས་སྒྱུ་རྩལ་ངམ་ཞིང་སྒེག་ཉམས་བསྟོན་ཏེ་འཇིག་རྟེན་ཡངས་ཁྱབ་ན་ཆེས་གྲགས་ཤིང་ཆེས་འབུར་དུ་ཐོན་པའི་གཟེངས་རྟགས་ཡོད་ཚད་ཤུགས་ཀྱིས་འཐེན་སོང་བ་རེད། གལ་ཏེ་ཁྱེད་མེད་ན་འདི་ལྟ་བུའི་ངོ་མཚར་ཅན་གྱི་གཟི་འོད་དང་འོད་སྟོང་འབར་བའི་ནུས་ཤུགས་ཤིག་གངས་ རིའི་རྩེ་ན་གང་ནས་ཐོན་ཡོང་། འོང་དོན་མི་འདུག ། རེད་་་་་་་་་་་་་་་་་་་་། བསམ་གཞིག་ཡངས་པོ་ཞིག་གི་ཞིང་ཁམས་ནས་ཐུན་མིན་ཀྱི་དཔྱད་སྟོབས་རིག་པའི་མིག་ཟུང་རྣོན་པོས་རྒྱལ་ཁམས་ཀུན་གྱི་དགའ་ཚལ་འགྲིམ་དང་། སྔར་དུས་འགྱུར་དྲག་པོའི་དུག་རླང་གི་བཟི་ཁ་ནག་པོས་གངས་རི་ཡི་གཟི་འོད་བཅོམ་པའི་ཆེས་གཉན་འཕྲང་ཅན་གྱི་དུས་ཚིག་གི་རྐང་འོག་ནས། ཁ་བའི་ཚེ་སྲོག་གི་ཆེད་དུ་གཟེངས་སུ་ཐོན་ཡོང་མཁན་ནི་གངས་རི་ཡི་བླ་སྲོག་ཁྱེད་ལས་གཞན་པའི་མི་བུ་ཞིག་ང་ཚོ་གདོང་དམར་བོད་པ་ཚང་སྐྱེས་པ་ཕོ་ཡི་ཕོ་གྲལ་ན་མི་དུག་ལ་ཟ་མ་མོ་ཡི་མོ་གྲལ་ན་དེ་བས་ཀྱང་མི་འདུག་མོད།

བལྟོས་དང་་་་་་་་་་་་་་་་་་་། བགྲངས་བྱ་བཅུ་དྲུག་ལས་སོན་མེད་པའི་ན་གཞོན་ཞིག་གིས་འདས་ཟིན་པའི་ལོ་ཟླའི་ནང་ ཇི་ཙམ་བཙལ་ཀྱང་རྙེད་དུ་མེད་པའི་ཐབས་ལམ་གསར་པ་ཞིག་དང་། སྙིང་སྟོབས་གསར་པ། འབོད་སྒྲ་གསར་པ། གོམ་བགྲོད་གསར་པ་ཞིག་གི་བྱེད་

གཟུགས་ལ་དངོས་སུ་སྤྲུལ་ཏེ་འཇིགས་ཞུམ་མེད་པར་ཁ་བའི་ཚེ་སྲོག་གི་ཆེད་དུ་ཧད་ཀྱིས་ལངས་ཡོང་མཁན་ནི་རྗེ་ཐོག་མ་གཉའ་ཁྲི་བཙན་པོ་ནས་བཟུང་དེ་གི་བར་དུ་གངས་རི་ཡི་བླ་སྲོག་ཁྱོད་ལས་གཞན་པ་སུ།

ཁྱོད་གཅིག་པུ་རེད་་་་་་་་་་་་་་་་་། ཀྱེ་་་་་་་་་་་་་་་་་་གངས་རི་ཡི་བླ་སྲོག ། དེ་སྔར་ཁྱེད་ཀྱི་ནུས་ཤུགས་ཀྱི་གཟི་འོད་དྭངས་མས་དལ་གྱིས་བསྐྲུན་པའི་བྱ་བཞག་ འདི་ཀོ་ཟླུམ་གཟུགས་གོ་ལ་འདིའི་ཡང་སྟེང་དུ་གལ་སྲིད་གནས་མེད་ན། ང་ཚོ་གདོང་དམར་བོད་པ་ཚང་ཚེ་སྲོག་གི་དྲོད་ཐིགས་གསོན་པོོ་འདི་འཇིག་རྟེན་ནས་ཡལ་ཟིན་པ་ནི་སུས་ཀྱང་རྟོགས་ནུས་པའི་གཤིས་ལུགས་རགས་པ་ཞིག་རེད། འདི་དག་ནི་གངས་རི་ཡི་བླ་སྲོག་ཁྱེད་གཅིག་པུས་བཞགས་ཟིན་པའི་གངས་སུལ་གྱི་རྐང་རྗེས་དཀར་པོ་ཞེས་བརྗོད་ནའང བརྗོད་དོན་ཐོབ་པའི་ཡིན་ལུགས་ཤིག་རེད།

རེད་་་་་་་་་་་་་་་་་། བལྟོས་དང་་་་་་་་་་་་་། ཀྱེ་་་་་་་་་་་་་་་་་གངས་རི་ཡ་བླ་སྲོག།

རབ་དཀར་ཁ་བའི་འོད་མདངས་ཡོད་ཚད་དྭངས་གསལ་དཔལ་དུ་ལྟེམས་པའི་མོད།།

རྐྱེན་ངན་དུ་མའི་སྤྲིན་རུམ་སྟུག་པོས་འོད་སྣང་གང་དག་བསྒྲིབ་པའི་ཉིན།།

གངས་རིའི་བླ་སྲོག་ཁྱེད་ཀྱི་ནུས་ཤུགས་གདོང་དམར་བོད་པའི་ཚེ་སྲོག་དང་།།

རྣམ་པ་ལྡོག་མེད་དབྱིངས་སུ་བསྒྱུར་དེས་ད་ཆའང་གདོང་དམར་གསོན་དུ་གནས།།

རེད་་་་་་་་་་་་་་། བལྟོས་དང་་་་་་་་་་་་་་་་། ཀྱེ་་་་་་་་་་་་་་་གངས་རི་ཡི་བླ་སྲོག །

གངས་རི་ཡི་བླ་སྲོག་ཁྱེད་ཀྱི་ཟུང་ཁྲག་གིས་བྲིས་ཟིན་པའི་བསུབས་མེད་ཀྱི་རི་མོ་ལ་ རྫོགས་མཐའ་མེད་པས་ངས་མཚམས་འདིི་ནས་དེའི་སྐོར་ལ་བཞི་ཤད་འབྲི་ནས་ད་

ཆར་ཁྱེད་ཀྱི་གཟི་འོད་དང་ཟུང་ཁྲག་གིས་གསར་གཏོད་མཛད་བཞིན་པའི་ང་ཚོ་གདོང་དམར་བོད་པ་ཚང་གི་འབྱུང་གྱུར་གྱི་མདུན་ལམ་ལ་བསམ་གཞིག་བྱེད་དུས་སུ་རང་བློས་སྤྲོས་པའི་མེ་ ཏོག་ཆུང་ཆུང་གི་མཛེས་སྡུག་འདི་ན་ངམ།

ཀྱེ་་་་་་་་་་་་་་་་་་་་་ གངས་རི་ཡི་བླ་སྲོག། ། ད་ནི་འཇིག་རྟེན་ཡང་ཁྱབ་ཀྱི་སྐྱེ་འཇིག་གི་འགྲོས་དང་བསྟོན་ན་གངས་རི་ཡི་བླ་ སྲོག་ཁྱེད་ཉིད་ཉམ་ངལ་བའི་སྲིད་པའི་གྲོང་ཁྱེར་སྐྱུར་མོ་འདི་ནས་འཇིག་རྟེན་གཞན་ཞིག་ཏུ་གོམ་ཁ་བསྒྱུར་ཏེ་ཕེབས་ལ་ཉེ་བཞིན་ཡོད་ལ་གངས་རི་ཡི་བླ་སྲོག་ཁྱེད་ཀྱིས་ཀྱང་དེ་ལྟ་བུའི་འཇིག་རྟེན་ཡང་ཁྱབ་ཀྱི་གནས་ལུགས་ལ་གཞི་བཞག་ནས་ཕུལ་བྱུང་རྣམ་དཔྱོད་ཀྱི་རྩལ་ལས་ཆེས་གཟེངས་སུ་ཐོན་པའི་རྐང་རྗེས་གསར་པ་ཞིག་སྐྲུན་དང་སྐྲུན་བཞིན་པ་དེ་རེད།

རེད་་་་་་་་་་་་་་། དེ་ནི་གངས་རི་ཡི་བླ་སྲོག་ཁྱེད་ཀྱིས་སྲིད་དབང་སྒེར་སྤྱོད་རིང་ལུགས་དང་སྐུ་དྲག་རིང་ལུགས་སོགས་ཕྱིར་སྡུད་བྱེད་ནས་འབངས་མི་ཡོངས་ལ་སྲིད་དབང་དང་བདག་དབང་ཡང་དག་པ་ཞིག་སྤྲོད་འཆར་དེ་རེད། གལ་ཏེ་འདི་ལྟ་བུའི་འོད་སྟོང་འབར་

བའི་རྐང་རྗེས་གསར་པ་ཞིག་མེད་ན་གངས་རི་ཡི་བླ་སྲོག་ཁྱེད་ཉིད་ཉམས་ང་བའི་སྲིད་པའི་གྲོང་ཁྱེར་སྐྱུར་མོ་འདི་ནས་འཇིག་རྟེན་གཞན་ཞིག་ཏུ་ཕེབས་པའི་ལོ་ཟླ་རྩུབ་མོའི་བར་གསེང་ནས། ང་ཚོ་གདོང་དམར་བོད་པ་ཚང་ཁ་ཕྱོགས་གང་དུ་གཏད་མིན་དང་ཁ་ཕྱོགས་གང་དུ་གཏད་དེ་གཡོ་འགུལ་ཇི་ལྟར་བྱེད་ཡོང་མིན་ནི། སྔར་ལུང་ཤར་རྡོ་རྗེ་ཚེ་རྒྱལ་གྱི་མིག་འབྲས་དེ་དང་། སྡེ་སྲིད་སངས་རྒྱས་རྒྱ་མཚོ། རྭ་སྒྲེང་བླ་མ་སོགས་ཀྱི་ཚེ་སྲོག་ལ་ཇི་ལྟར་བྱུང་མིན་དང་དེ་ལྟར་ཅིའི་ཕྱིར་བྱུང་བ་དེ་ལྟར་བྱུང་བའི་འཇུག་འབྲས་དེས་ང་ཚོ་གདོང་དམར་བོད་པ་ཚང་ལ་བདེ་སྡུག་ཅི་ཞིག་སྟེར་ཡོད་མེད་དང་ཅི་ཞིག་ཐོབ་ཡོད་མེད་སོགས་ནི། ང་ཚོ་གདོང་དམར་བོད་པ་ཚང་གི་ལོ་རྒྱུས་ཀྱི་རྡོ་རིང་བགྲེས་པོའི་འགྲམ་ངོགས་ན་ཁྲག་ཐིགས་དམར་རྗེན་མ་འཁྱུགས་འགྲོས་བྱས་པའི་དཔང་ཡིག་དེ་དག་ལ་ཕྱིར་མིག་བསྲེང་ན་འབྱུང་འགྱུར་ང་ཚོར་འདུན་ལམ་ཅི་ཞིག་ཐོབ་ཡོང་མིན་ཕལ་ཆེར་ཚོད་དཔག་བྱེད་ནུས། བལྟོས་དང་་་་་་་་་་་་་་། གངས་རི་ཡི་བླ་སྲོག་ཁྱེད་ཉིད་ཉམ་ངལ་བའི་སྲིད་པའི་གྲོང་ཁྱེར་སྐྱུར་མོ་འདི་ནས་འཇིག་རྟེན་གཞན་ཞིག་ཏུ་ཕེབས་ཤུལ་དུ། ང་ཚོ་གདོང་དམར་བོད་པ་ཚང་གདོོང་རིས་ལ་ཇི་ལྟར་ཡོང་མིན་ལ་ཁྱེད་ཀྱིས་ལེགས་དཔྱད་རྣལ་མ་ཞིག་བྱས་ཏེ་དེང་གི་ཆར་འཇིག་རྟེན་ཡང་ཁྱབ་ཀྱི་ལྟ་གྲུབ་དེ་དང་འཇིག་རྟེན་ཡངས་ཁྱབ་ཀྱི་ཁ་ཕྱོགས་དག་ལས་ཆེས་རྒྱང་རིང་དུ་ལུས་པའི་ལམ་ལུགས་རྙིང་པ་དེ་དག་ཕྱི་བསྡུ་བྱས་ཏེ་བརྟེན་ལྷེང་ཅན་གྱི་བགྲོད་ལམ་ཡངས་པོ་ཞིག་དང་དོན་འབྲས་ཅན་གྱི་ཟམ་པ་གསར་པ་ཞིག་སྐྲུན་མ་སོང་ངམ།

ཀྱེ་་་་་་་་་་་་་གངས་རིའི་བླ་སྲོག ། ཁྱེད་ཀྱིས་སྒེར་འཛིན་ལམ་ལུགས་དང་སྐུ་དྲག་ལམ་ལུགས་ནས་ཤར་བསྐྱོད་བྱེད་བཞིན་པའི་སྲིད་དབང་དེེ་དག་ཕྱིར་བསྡུས་བྱེད་པ་འདི་འཇིག་རྟེན་ཡངས་ཁྱབ་ཀྱི་དུས་རབས་དར་མའི་ཁ་ཕྱོགས་ལ་གཞིག་ནའང་ང་ཚོ་གདོང་དམར་བོད་པ་ཚང་ལ་འབྱུང་འགྱུར་མདུན་བསྐྱོད་ཀྱི་གོམ་ཁ་འདི་ལས་ལྷག་པའི་གཡོ་འགུལ་ཞིག་གངས་རི་ཡི་བླ་སྲོག་ཁྱེད་ལས་གཞན་པ་སུས་ཀྱང་རྙེད་དུ་མེད་ལ་སུས་ཀྱང་བཙལ་ཡང་མི་ནུས།

རེད་་་་་་་་་་་་་་་་་་་། བལྟོས་དང་་་་་་་་་་་་་་་་་་། ཀྱེ་་་་་་་་་་་་་་་་་གངས་རི་ཡི་བླ་སྲོགས།

འོ་ན་ད་ལྟའི་ཆར་ང་ཚོ་གདོང་དམར་བོད་པ་ཚང་མི་མང་གི་བསམ་པའི་ཁྱེར་སོ་ཕལ་མོ་ཆེས་སྔོན་བྱུང་བཞིན་སྲིད་དབང་སྒེར་སྤྱོད་རིང་ལུགས་ལས་གཞན་དུ་གོམ་ཁ་མི་བསྒྱུར་བ་དང་བོད་གཞུང་དགའ་ལྡན་ཕོ་བྲང་གི་སྒོ་མོ་མི་བཀག་བར་ཡིད་སྨོན་བྱེད་ཀྱིན་ཡོད་ན་དེ་ལ་གངས་རི་ཡི་བླ་སྲོག་ཁྱེད་ཀྱིས་གདེངས་འཇོག་མི་བྱེད་པ་ཅི་ཡིན་ཞེས་པའི་དྲི་བ་ཞིག་ཡོང་གིན་ཡོད་། དེ་ནི་གངས་རི་ཡི་བླ་སྲོག་ཁྱེད་ཀྱིས་སྔར་མེད་གསར་དུ་སྐྲུན་པའི་མཛད་རྗེས་ཟབ་མོའི་རྒྱབ་ལྗོངས་ལ་ང་དང་ང་ཚོའི་མི་མང་གིས་དངོས་སྟོབས་རིགས་པའི་དཔྱད་པས་མ་འདང་བའི་རྙེད་དོན་བརྫུན་པ་ཞིག་དང་། ད་དུང་རྨོངས་དད་ཀྱི་དད་པས་ཤུགས་ཀྱིས་བསྐྲུན་པའི་རྐང་རྗེས་མག་མུག་ཅིག་ལས་གཞན་དུ་ཅི་ཡང་ངོས་འཛིན་དཀའ་བའི་གནས་སུ་སྣང་བས་གངས་རི་ཡི་བླ་སྲོག་ཁྱེད་ཀྱིས་གདེང་འཇོག་བྱས་མ་སོང་ལ་བྱེད་ཀྱང་མི་དགོས་པའི་གནས་ཚུལ་ཞིག་རེད།

རེད་་་་་་་་། ང་ཚོ་གདོང་དམར་བོད་པ་ཚང་། མི་མང་གི་བསམ་བློོར་ཆབ་སྲིད་ཀྱི་ལྟ་གྲུབ་ཡང་དག་པ་ཞིག་གི་མཛེས་སྡུ་དང་སྒེག་ཉམས་ཡོད་ཚེ་རླབས་ཆེན་གྱི་མཛད་བཟང་འདི་དག་དགའ་སྤྲོས་བསུ་མ་བྱེད་ངེས་རེད་ལ་བྱེད་དགོས་པ་ཞིག་ཀྱང་རེད། འོན་ཅང་དེང་གི་ཆར་ང་ཚོ་གདོང་དམར་བོད་པ་ཚང་། མི་དམངས་ཀྱི་བསམ་བློར་ཆབ་སྲིད་གྱི་ལྟ་གྲུབ་ཡང་དག་པ་ཞིག་མེད་ན་ང་ཚོའི་མི་རིགས་འདི་ཚེ་སྲོག་གི་དྲོད་ཐིགས་གསོན་པོ་འཇིག་རྟེན་འདི་ནས་ཤི་འགྲོ་བའམ་ཡལ་འགྲོ་བ་ལ་སུས་ཀྱང་འབད་མི་དགོས་ལ་སུས་ཀྱང་བརྩོན་ཡང་མི་དགོས་པའི་གནས་ལུགས་ཤིག་རེད།

བལྟོས་དང་་་་་་་་་་་་་་་་་། གལ་སྟེ་ང་ཚོའི་ཚེ་སྲོག་གི་དྲོད་ཐིགས་གསོན་པོ་འདི་ཟླུམ་གཟུགས་གོ་ལ་འདིར་གནས་དགོས་ན། ང་ཚོ་གདོང་དམར་བོད་པ་ཚང་མི་དམངས་ཀྱི་བློ་ངོར་ལ་ཆབ་སྲིད་ཀྱི་ལྟ་གྲུབ་ཡང་དག་པ་ཞིག་ཡོད་མེད་ལ་རག་ལས་ཀྱི་འབྲེལ་བ་བཅོས་མིན་དུ་གྲུབ་ཡོད། འདི་ནི་ཆེས་ཟབ་གནད་དང་ཆེས་གལ་འགང་ཅན་གྱི་ འབྲེལ་ལམ་ཞིག་རེད། ཀྱེ་་་་་་་་་་་གངས་རི་ཡི་བླ་སྲོག ། འདི་ལྟ་བུའི་བཅོས་མིན་གྱི་འབྲེལ་ལམ་དེ་བཟང་ངན་ཇི་ལྟར་ཡོང་མིན་ནི་ང་གདོང་དམར་བོད་ཚང་གི་མི་མང་གི་ལག་ཏུ་ཡོད་པ་ལས་གངས་རི་ཡི་བླ་སྲོག་ཁྱེད་ཉིད་གཅིག་པུའི་ཕྱག་ཏུ་གདོད་མ་ནས་མ་གྲུབ་ལ་ད་དུང་ཡང་སུས་ཀྱང་འཇོག་དཀའ་བའི་གནས་ཤིག་རེད།

རེད་་་་་་་་་་་་་་་། བལྟོས་ དང་་་་་་་་་་་་་། ཀྱེ་་་་་་་་་་་་་་་་་གངས་རི་ཡི་བླ་སྲོག ། གང་ལྟར་ང་ཚོ་གདོང་དམར་བོད་པ་ཚང་ཚེ་སྲོག་གི་དྲོད་ཐིགས་གསོན་པོ་འདི་འཚོ་དགོས་ན་གངས་རི་ཡི་བླ་སྲོག་ཁྱོད་ཉིད་གཅིག་པུས་གང་བྱས་ཀྱི་འཐུས་པ་མ་ཡིན་པར་ང་ཚོ་གདོང་དམར་བོད་ཚང་མི་རེ་ངོ་རེ་ནས་རང་ཉིད་ཀྱི་ཐབས་ཐང་རང་ཉིད་ཀྱིས་ལོན་པ་བྱེད་དགོས་བསམ་པའི་སྙིང་སྟོབས་ཀྱི་སྒྱུ་རྩལ་དྭངས་མ་ལས་ཐོན་པའི་བློ་གྲོས་ཀྱི་ལག་ཟུང་མདུན་དུ་རྐྱངས་ཏེ་འབད་འབུང་དང་ཧུར་བརྩོན་གྱི་རྐང་གཉིས་འདེགས་འཇོག་མི་རེ་ངོ་རེ་ནས་བྱེད་དགོས་པ་ནི་ཆབ་སྲིད་ཀྱི་འདུག་སྟངས་ཤིག་རེད།

རེད་་་་་་་་་་་་་་་། དེ་བྱེད་པ་ལ་རང་ཉིད་ཀྱི་བསམ་པའི་ཁང་ཁྱིམ་ན་ཆབ་སྲིད་ཀྱི་དཔལ་ཡོན་གྱིས་ཕྱུག་པར་བྱེད་དགོས་རྒྱུ་ལས་གཞན་དུ་བརྟན་ལྷེང་ཅན་གྱི་ལམ་བུ་ཞིག་སུས་ཀྱང་རྙེད་དུ་མེད། གནས་ལུགས་འདིའི་འོག་ནས་ང་ཚོ་གདོང་དམར་བོད་ཚང་གི་དངངས་སྐྲག་དང་སེམས་ཁྲལ་བྱེད་དགོས་ས་ནི་ང་ཚོ་གདོང་དམར་བོད་ཚང་། མི་མང་གི་བསམ་པའི་ཁང་ཁྱིམ་ན་ཐོར་བུ་ཡོད་པ་དང་ཡོད་འགྱུར་གྱི་ཆབ་སྲིད་དང་དེའི་བྱེད་གཟུགས་སུ་ངེས་པ་ལས་གངས་རི་ཡི་བླ་སྲོག་ཁྱེད་ཉིད་ཀྱིས་གཟི་འོད་སྤྲོས་སྟང་ལ་ནི་ཅིས་ཀྱང་མིན།

བལྟོས་དང་་་་་་་་་་་་་། ད་ཆར་གངས་རི་ཡི་བླ་སྲོག་ཁྱེད་ཀྱི་གཟི་འོད་དྭངས་མས་ང་ཚོ་གདོང་དམར་བོད་པ་ཚང་ཚེ་སྲོག་གི་དྲོད་ཐིགས་གསོན་པོ་བདེ་སྐྱིད་ཀྱི་ཞིང་དུ་གསོ་བཞིན་པ་འདི་ལ་དཔྱོད་ཤེས་རིག་པའི་མིག་ཟུང་དལ་གྱིས་བགྲད་ན། ལོ་ཤས་ཀྱི་རྗེས་སུ་ང་ཚོའི་ཚེ་སྲོག་གི་དྲོད་ཐིགས་གསོན་པོ་འདི་གནས་གང་ཞིག་ཏུ་བསྐྱོད་འགྲོ་བ་དང་གནས་གང་ཞིག་ཏུ་ཉལ་འགྲོ་བ་སོགས་ནི་རྟོག་དཔྱོད་ཀྱི་ཡུལ་དུ་ངང་གི་ཐོན་ཡོང་བ་ཞིག་ཡིན་པར་སེམ།

ཀྱེ་་་་་་་་་་་་་་་་་་གངས་རི་ཡི་བླ་སྲོག ། འདི་འདྲ་བའི་ཆགས་འཇིགས་ཀྱི་ཟློས་གར་ཁྲོད་ནས་ང་ཚོར་ཡོད་ཚད་ནས་ཡོད་ཚད་ང་ཚོས་ཐེག་པ་བྱེད་རྒྱུ་ལས་གངས་རི་ཡི་བླ་སྲོག་ཁྱེད་ཉིད་གཅིག་པུས་འཕྲག་ཏུ་སུས་ཀྱང་འདེགས་མི་ནུས།

རེད་་་་་་་་་་་་་་་་་་། བལྟོས་དང་་་་་་་་་་་་་་་་་་།ཀྱེ་་་་་་་་་་་་་གངས་རི་ཡི་བླ་སྲོག །

དེ་ ལྟ་བུའི་འཇིག་ཏེན་རྟེན་འབྱུང་གི་འཁོར་བསྐྱོད་ཕྲ་མོ་ལ་ང་ཚོ་མི་མང་གི་བསམ་གཞིག་རྒོད་པོས་ཤུགས་ཀྱིས་དཔྱད་དེ་གངས་རི་ཡི་བླ་སྲོག་གིས་བསྐྲུན་པའི་འོད་སྟོང་ལྡན་པའི་གཟི་འོད་ཀྱི་དངར་ཁ་དག ། ང་ཚོ་གདོང་དམར་བོད་པ་ཚང་གི་སེམས་ངོགས་སུ་ངང་གིས་ཐིམ་པ་བྱེད་དགོས་རྒྱུ་ནི་ཧ་ཅང་གལ་འགང་ཆེ་བའི་གནས་ཤིག་རེད་མོད།

རེད་་་་་་་་་་་་་་་་་་་་། དེའང་གངས་རི་ཡི་བླ་སྲོག་ཁྱེད་ཀྱི་མཛད་བཟང་ལ་ཡིད་སྨོན་

ཤུགས་དྲག་བྱེད་ཀྱིན་རང་སྣང་མཐོན་པོའི་དབྱིངས་སུ་དེངས་པ་ཙམ་གྱིས་མི་ཆོག་ལ་རང་གི་བསམ་ངོར་ན་ཡོད་པའི་བློ་ངན་གྱི་ཁ་ཕྱོགས་དང་མ་མཐུན་པ་ཙམ་གྱིས་སྐྱོན་འདོག་གི་འགྱིང་པ་གནམ་དུ་གཡུག་སྟེ་བསྐྱོད་པ་ཙམ་གྱིས་དེ་བས་ཀྱང་ག་ལ་ཆོག །

བལྟོས་དང་་་་་་་་་་་་་་་་་་། གལ་ཏེ་འབྱུང་འགྱུར་གྱི་ལོ་ཟླའི་ཁྲོད་ན་ང་ཚོ་གདོང་དམར་བོད་པ་ཚང་ཚེ་སྲོག་གི་ དྲོད་ཐིགས་གསོན་པོ་འདི་མ་ཡལ་བ་བྱེད་དགོས་ན་གངས་རི་ཡི་བླ་སྲོག་ཁྱེད་ཀྱིས་བསྐྲུན་པའི་འོད་སྟོང་འབར་བའི་བགྲོད་ལམ་དེ་ནས་ང་ཚོ་ཤུགས་ཀྱིས་བསྐྱོད་དགོས་པ་མ་ཡིན་ནམ།

ཀྱེ་་་་་་་་་་་་་་་་་གངས་རི་ཡི་བླ་སྲོག ། ང་ཚོ་གདོང་དམར་བོད་པ་ཚང་ལ་ལོ་རྒྱུས་ཀྱི་རྡོ་རིང་གསར་བ་ཞིག་ཇོ་མོ་གླང་མའི་རི་རྩེ་ན་བཙུགས་ཏེ་ཁ་བའི་འོད་མདངས་དཀར་པོ་ཟླུམ་གཟུགས་གོ་ལའི་མིག་རྒྱན་དུ་སྐྲུན་འགྲོ་བ་ནི་ཇི་འདྲའི་གཟི་རྗེད་ཆེ།

རིད་་་་་་་་་་་་་་་་་་། བལྟོས་དང་་་་་་་་་་་་་་་། ཀྱེ་་་་་་་་་་་་་་་་་་་་གངས་རི་ཡི་བླ་སྲོག །

དུས་རབས་ཉི་ཤུ་ཡི་ལོ་ཟླའི་འཁོར་བསྐྱོད་ཀྱི་མགྱོཊ་འགྲོས་དེ་དང་ལྷན་དུ་ཕེབས་བཞིན།།

གདོང་དམར་བོད་པའི་འབྱུང་འགྱུར་འདུན་ལམ་རྣམ་དཔྱོད་རིཊ་པ་རྩལ་གྱིས་དཔྱད་དེ།།

དམངས་གཙོའི་ལྟ་གྲུབ་རྐང་ལམ་གསར་པ་ཁ་བའི་ལྗོངས་སུ་འཛུགས་སྐྲུན་གནང་མཁན།།

གངས་རིའི་བླ་སྲོག་ཁྱེད་ཉིད་ཙམ་ལས་གདོང་དམར་བོད་པ་བྱུང་མྱོང་མི་འདུག།

ཨེ་མ་འདི་འདྲའི་འཇིག་རྟེན་གནས་ལུགས་དཔྱོད་ཤེས་རིགས་པས་འཚོལ་སྟོབས་མེད་ན།།

ལས་དབང་བཙན་པོའི་འཁྲུལ་གྱིས་དྲངས་པའི་གདོང་དམར་པ་ཡི་ཕ་རྒོད་ཁྱུ་གཅིག།རྨོངས་དད་སེམས་ཀྱི་འཆིང་རྒྱ་དྲག་པོས་བྲན་གཡོག་དངོས་ཀྱི་གཟུགས་སུ་བཀོལ་ཏེ།།

གསར་གཏོད་ལམ་གྱི་དྲོད་ཐིགས་གསོན་པོར་ཡིད་སྨོན་ཉུང་ཉུང་ཆགས་པའང་ཡོང་སྲིད།།

ད་ནི་འདི་འབྲི་སྟེ་་་་་་།

བློ་གྲོས་རིག་པའི་སྒྱུ་རྩལ་ཟབ་མོའི་འཁྱུག་རིས་ཡང་དག་བདག་ལ་མེད་ཀྱང་།།

དད་དུང་གཙང་མའི་དཔྱད་པ་དྲང་པོ་བསམ་གཞིག་ལྷུག་པོའི་དབྱིངས་སུ་ཞུགས་ཏེ།།

རང་སྣང་རྒོད་པོར་ཧར་གྱིས་ཤར་བའི་ཚོར་འདུ་འགའ་རེའི་བྱེད་གཟུགས་གང་དག།།