༧གོང་ས་མཆོག་གི་སྐུ་ཕྱྭ་འགན་ཁུར་རོགས།

ཟླ་འདིའི་ཚེས་༡༦ སྔ་དྲོ་ཚོགས་སྐྱིད་མཉམ་སྦྲེལ་མཐུན་ཚོགས་ནས་དྷ་ས་མེག་གྷན་དུ་གསར་འགོད་གསལ་བསྒྲགས་ཤིག་སྤེལ་ཏེ། རྒྱ་གར་དབུས་ས་གཉིས་དང་བོད་མིའི་སྒྲིག་འཛུགས། མི་མང་བཅས་ཀྱིས་༸གོང་ས་མཆོག་གི་སྐུ་ཕྱྭར་སྔར་ལྷག་དོ་ནན་གནང་རོགས་ཞེས་བརྗོད་འདུག  

གསལ་བསྒྲགས་ནང་འཁོད་དོན། རྒྱ་ནག་དམར་ཕྱོགས་ཀྱི་དབང་འཛིན་པ་རྣམས་ཀྱིས་༧གོང་ས་མཆོག་གི་སྐུ་ཕྱཱ་ལ་གནོད་པར་འཚེ་བའི་མ་རུང་ཁོག་བཅངས་ཀྱི་ངན་སྤྱོད་གཡོ་སྒྱུ་བཅས་བྱ་ངན་སྤེལ་དང་སྤེལ་བཞིན་པར་བོད་མི་སྤྱི་བོ་གནམ་བསྟན་ཡོངས་རྫོགས་བདེ་བར་སྡོད་ཐབས་བྲལ་བར་བརྟེན།དབུས་ཆོལ་ཁ་གསུམ་གཙོས་ཚོགས་སྐྱིད་མཉམ་སྦྲེལ་མཐུན་ཚོགས་ནས་འབྲེལ་ཡོད་རྒྱ་གར་དབུས་ས་གཉིས་དང་། རང་རེའི་བོད་མིའི་སྒྲིག་འཛུགས་ཀྱི་བཀའ་སྤྱི་གཉིས་གཙོས་དམིགས་བསལ་བདེ་སྲུང་ལས་ཁུངས། དགའ་ལྡན་ཕོ་བྲང་གི་དབུ་ལས་རྣམས་ཀྱིས་༸གོང་ས་མཆོག་གི་སྐུ་ཕྱྭར་སྔར་ལས་ལྷག་པའི་དོ་ནན་ཚགས་ཚུད་ཡོང་བའི་འབོད་སྐུལ་ཞུ་རྒྱུ་དང་། དེ་བཞིན། ཚོགས་སྐྱིད་མཉམ་སྦྲེལ་མཐུན་ཚོགས་ཀྱི་ཁྱབ་ཁོངས་ས་གནས་ཡོད་དོ་ཅོག་ནས་དུས་དང་སྐབས་ལ་བསྟུན་ནས་ལས་འགུལ་སྤེལ་རྒྱུ་ཞེས་འཁོད་ཡོད་པ་རེད།།