འདི་ལྟར་སྐྱོ་གླུ་ལེན།
ལོ་བཅུ་ཕྲག་ལྷག་གི་ཡར་སྔོན་ཁོ་བོ་ལོ་རང་ལོ་ཉི་ཤི་མ་ཟིན་ཙམ་གྱི་གོང་རོལ་ཅི་ འདྲའི་སྤྲོ་སྐྱིད་ལྡན་པའི་འཚོ་བ་དེ་ད་ལྟ་ཕྱི་མིག་ཞིག་བལྟས་ན་དེ་ནི་རྨི་ལམ་ ཐང་གཅིག་རྨིས་པ་དང་ཆ་འདྲ། སྐབས་དེར་ང་ལ་གདམ་ངག་སྟོན་པའི་བཀའ་དྲིན་ཅན་གྱི་བླ་མ་ཡོད། སྐབས་དེར་ང་ལ་ཆེས་བརྩེ་དུང་ལྡན་པའི་སྲང་ཆུང་མ་ཡོད། སྐབས་དེར་ང་ལ་བྱམས་སེམས་ཅན་གྱི་ཕུ་ནི་དང་གྲོགས་པོ་སོགས་མདོར་ན་རང་ཉིད་ལ་
དགའ་སྐྱོ་གང་ཞིག་ཕྲད་ཀྱང་སྐྱིད་སྡུག་མཉམ་ཁུར་བྱེད་མཁན་ཡོད། ཡིན་ནའང་ཁོང་ཚོ་ཕར་ཆེར་ང་དང་གཏན་དུ་ཁ་བྲལ་ཞིང་མཉམ་འཛོམ་བདེ་སྐྱིད་ཀྱི་སྐལ་བཟང་མ་སྒུག་པར་འཇིག་རྟེན་གཞན་ཞིག་ཏུ་བཞུད་སོང་། ཁ་ཤས་ད་དུང་འཇིག་རྟེན་འདིར་བཞུགས་ཀྱང་ངེད་ཅག་ཕན་ཚུན་ངོ་མ་ཐུག་ནས་ལོ་ངོ་བཅུ་ལ་ཉེ་བའི་དེ་རིང་ངའི་སྙིང་ཁུང་ནས་ཁོང་ཚོ་དྲན། རེད་ཡ་ང་ནི་ཅི་ཡང་མེད་པའི་ཡུལ་ལུང་གཞན་ཞིག་ན་གང་ཡང་མ་ཐོབ་པའི་ལྡོམ་བུ་ངས་རི་ལུང་སྟོང་ཕྲག་མང་པོ་ཕ་རོལ་ཞིག་ནས་འདི་ལྟར་སྐྱོ་གླུ་ལེན་དགོས་བྱུང་། འོ་རེ་་་་་་་་་་་་་ངའི་ མི་རིགས་ནི་ལས་འབྲས་ལ་བརྩི་ཞིང་རྒྱུ་འབྲས་འདོད་མཁན་གྱི་མི་རིགས་ཞིག་ཡིན་ཞིང་། དེས་ན་ངས་ཀྱང་འདི་ལྟར་རང་ཉིད་ལ་ཁང་ར་མེད་པར་ཁོ་བོའི་ཚེ་སྔོན་ལས་ངན་ཞིག་གི་ འདི་ལྟར་གོ་སྒྲིགས་བྱས་པར་ཡིད་ཆེས་བྱེད། ངོ་མ་གཞན་ཡུལ་གྱི་འཚོ་བ་་་་་་་་་་་་་་་་་་་་་་་་་་་རེ་ཞིག་་་་་་་་་་་་
