འཛིན་རིམ་༡༢ ཀྱི་ཡིག་རྒྱུགས་བརྒྱ་ཆ་བུ་ལས་བུ་མོ་མཐོ་བ་འདུག
འདི་ལོར་ཡང་བོད་པའི་འཛིན་རིམ་བཅུ་གཉིས་ཀྱི་རྒྱུགས་འབྲས་བུ་ལས་བུ་མོ་བརྒྱ་ཆ་མཐོ་བ་བྱུང་ཡོད་འདུག རྒྱ་གར་རྒྱལ་ཡོངས་ཀྱི་འཛིན་གྲྭ་བཅུ་གཉིས་ཀྱི་ཡིག་རྒྱུགས་ཆེན་མོའི་རྒྱུགས་འབྲས་ཟླ་འདིའི་ཚེས་༢༨ ཉིན་གསལ་བསྒྲགས་བྱས་ཡོད་པ་དང།
འདི་ལོའི་ཡིག་རྒྱུགས་ཆེན་མོའི་ནང་བོད་པའི་སློབ་མ་གྲངས་༡༢༨༦ དངོས་སུ་འཛུལ་ཞུགས་བྱས་པའི་ཁོངས་ནས་སློབ་མ་གྲངས་༡༡༧༧ གྱིས་ཡིག་རྒྱུགས་འཕྲོད་ཡོད་པ་དང༌། སློབ་མ༡༠༩ ཡིག་རྒྱུགས་འཕྲོད་མེད་པ་རེད། འདི་ལོར་ཡིག་རྒྱུགས་འཕྲོད་པའི་སློབ་མའི་བརྒྱ་ཆ་དེ་༩༡ ཙམ་ཡིན་པ་དང། ཡིག་རྒྱུགས་འཕྲོད་པའི་བརྒྱ་ཆ་དེ་ལོ་སྔོན་མའི་བརྒྱ་ཆ་དང་བསྡུར་ན་ད་ལོའི་བརྒྱ་ཆ་མཐོ་བའམ། གྲུབ་འབྲས་ལེགས་པ་བྱུང་ཡོད་འདུག །
