ཡིག་རྒྱུགས་བརྒྱ་ཆ་མཐོན་པོ་ལོན་པའི་སློབ་མ།

རྒྱལ་སྤྱིའི་བྱམས་བརྩེ་བདེ་རྩའི་གསོ་སྐྱོང་འོག་ཡོད་པའི་སློབ་མ་ཚེ་རིང་དབྱངས་སྐྱིད་ལ་འཛིན་རིམ་བཅུ་པའི་རྒྱུགས་འབྲས་བརྒྱ་ཆ་༩༦ ཐོབ་ཡོད་པ་དང། སློབ་ཕྲུག་གཞན་ཁག་ཅིག་ལའང། ཡིག་རྒྱུགས་ཀྱི་བརྒྱ་ཆ་མཐོན་པོ་ལོན་ཡོད་འདུག རྒྱ་གར་ནང་དབྱིན་ཡིག་སློབ་གྲྭའི་ཡིག་རྒྱུགས་ཀྱི་བརྒྱ་ཆ་མཐོ་ཤོས་ཀྱི་གྲས་སུ་སླེབས་ཡོད་པ་རེད།

ང་ཚོར་གནས་ཚུལ་དེ་གྲུབ་འབྲས་ཆེན་པོ་ཡིན་ཞེས་བྱམས་བརྩེ་ཚོགས་པའི་འབྲེལ་ཡོད་ཅིག་ནས་འགྲེལ་བརྗོད་བྱས་སོང་། རྒྱལ་སྤྱིའི་བྱམས་བརྩེ་བདེ་རྩ་ནི་འབྲས་བློ་གླིང་སྨར་ཁམས་གྲགས་པ་རིན་པོ་ཆེས་རྒྱ་གར་གྱི་རྒྱལ་ས་ལྡི་ལིར་བོད་ཕྲུག་ཉམ་ཐག་ཚོའི་སློབ་གཉེར་ཆེད་དུ་ཕྱི་ལོ་༡༩༩༧ བཙུགས་ཡོད་པ་རེད།།