སི་རི་ཡ་རུ་འབར་རྫས་གས་གཏོར།

ཟླ་འདིའི་ཚེས་༡༨ ཉིན་སི་རི་ཡའི་བདེ་སྲུང་བློན་ཆེན་རང་སྲོག་བློས་གཏོང་གི་འབར་རྫས་གཏོར་མཁན་གྱི་ལས་འགུལ་བས། རྒྱལ་ས་དྷ་མ་སི་ཁ་སིར་ཡོད་པའི་རྒྱལ་ཡོངས་བདེ་སྲུང་ལྟེ་གནས་སུ་རྐྱེན་ལམ་དུ་བཏང་ཡོད་པ་རེད།

བདེ་སྲུང་ལས་ཁུངས་ཀྱིས་ལས་བྱེད་ཀྱིས་བརྗོད་ན། རྒྱལ་ཁབ་ཀྱི་བདེ་འཇགས་སྐོར་ལ་དམག་དཔོན་མཐོ་ཤོས་རྣམས་ཀྱི་ཚོགས་འདུ་ཞིག་འཚོགས་ཡོད་པ་དང་། སྐབས་དེར་གློ་བུར་འབར་རྫས་སྦར་ནས་བདེ་སྲུང་མི་སྣ་གཞན་འགའ་ཤས་ཤིག་ཀྱང་བློན་ཆེན་མཉམ་དུ་བསད་ཅིང་། རྨས་མ་རྣམས་རྒྱལ་སའི་སྨན་ཁང་དུ་བསྐྱལཡོད་པ་རེད་ཅེས་བརྗོད་ཡོད་པ་རེད།

དེ་བཞིན་ནང་སྲིད་བློན་ཆེན་ལ་ཡང་རྨས་སྐྱོན་ཕོག་ཡོད་འདུག འབར་རྫས་ཀྱི་འཇབ་རྒོལ་དེ་བདེ་སྲུང་བློན་ཆེན་ལ་དམིགས་ཡོད་པ་དང་། འབར་རྫས་ནང་རྨས་མ་རྣམས་ཀྱི་གནས་སྟངས་ཧ་ཅང་ཚབས་ཆེན་ཆགས་ཡོད་སྐོར་གཞུང་འབྲེལ་བརྙན་འཕྲིན་བརྒྱུད་ལམ་དུ་བརྗོད་འདུག

གནས་ཚུལ་དེ་རྒྱལ་ས་དཀྱིལ་དུ་སི་རི་ཡའི་བཅིངས་གྲོལ་དམག་མི་དང་གཞུང་གི་དམག་གཉིས་བར་འཐབ་འཛིང་བྱས་ནས་ཉིན་བཞི་པའི་རྗེས་སུ་བྱུང་བ་ཞིག་ཡིན་པ་རེད།

བདེ་སྲུང་བློན་ཆེན་གྱིས་བདེ་སྲུང་བློན་ཆེན་དང་དམག་དོན་འགན་འཛིན་གཞོན་པ། བློན་ཆེན་ལྷན་ཚོགས་ཀྱི་ཚོགས་གཞོན་བཅས་ཀྱིས་འགན་ཁུར་ཡོད་པ་རེད།།

འབར་རྫས་ཀྱི་ལས་འགུལ་སྤེལ་མཁན་དེ་སི་རི་ཡའི་བཅིངས་གྲོལ་དམག་མིའི་ཚོགས་པ་དེ་ཡིན་སྐོར་གཞུང་གི་མགྲིན་ཚབ་པ་ཁ་ཟིམ་ས་དྷེ་ལི་ནིས་བརྗོད་ཡོད་མོད།

སི་རི་ཡའི་གསང་བའི་ལས་ཁུངས་ཤིག་གིས་བརྗོད་ན། འབར་རྫས་དེ་སྲིད་འཛིན་གྱི་སྐུ་སྲུང་དམག་མི་ཞིག་ལ་ལུས་ལ་འབར་རྫས་སྒྲིག་ནས་རང་གཞན་གཉིས་ཀ་མེད་པར་བཟོ་བའི་ལས་འགུལ་དེ་སྤེལ་ཡོད་སྐོར་བརྗོད་ཡོད་པ་རེད།