སློབ་བསྡུའི་གསལ་བསྒྲགས།5

༡ གསོ་བ་རིག་པའི་ལྟ་གྲུབ། ༢ ལུས་ཀྱི་རོ་བཀྲ། ༣ ལུས་ཀྱི་གནས་ལུགས། ༤ གསོ་ཐབས། ༥ བྱིས་པ་དང་མོ་ནད། ༦ སེམས་ཁམས་རིག་པ། ༧ བརྟག་ཐབས། ༨ སྦྱོར་བ་སྨན། ༩ འཇམ་རྩུབ་དཔྱད་པ། ༡༠ ཐ་མལ་ནད་མེད།
གོང་གསལ་སློབ་ཚན་གཅིག་ལ་སློབ་འདུན་ཡོད་པ་མང་པོ་ཡོད་ཚེ་ཨང་རིམ་རྩེ་འཐོག་གིས་གོ་སྐབས་སྤྲོད་རྒྱུ་དང༌། དེ་བྱིངས་རྣམས་ལ་འབྲེལ་ཡོད་ནས་སྒྲིག་གསལ་ལྟར་སློབ་ཚན་བཀོད་སྒྲིག་གིས་ཆེད་བསྩལ་བྱ་རྒྱུ།
དགོས་མཁོའི་ཆ་རྐྱེན།
༡ རྒྱ་གར་དབུས་གཞུང་སྨན་པའི་ལྷན་ཚོགས་སམ་བོད་ཀྱི་ཆེས་མཐོའི་སྨན་པའི་ལྷན་ཚོགས་ནས་ངོས་ལེན་ཡོད་པའི་ཚད་ལྡན་ཆེས་མཐོའི་སློབ་གྲྭའམ་མཐོ་རིམ་སློབ་གཉེར་ཁང་ཡང་ན་གཙུག་ལག་སློབ་གཉེར་ཁང་ཞིག་ནས་གཞི་རིམ་གསོ་བ་རིག་པའི་སྨན་པ་ཐོན་པའི་ལག་འཁྱེར་ཡོད་པ།
༢ ཉམས་གསོག་ལོ་གཅིག་གཙང་ཐོན་ཟིན་པའི་ངོ་སྦྱོར་ལག་འཁྱེར་ཡོད་པ།
༣ འདེམས་སྒྲུག་ཚོགས་ཆུང་གིས་རྒྱབ་གཉེར་དགོངས་འཆར་དང་འབྲེལ་ཉེ་བའི་རིགས་བདག་གི་དམིགས་བསལ་དབང་ཚད་ཀྱི་ཐོག་ནས་སྨན་རམས་པའི་གོ་སྐབས་བསྩལ་རྒྱུའི་ཐག་གཅོད་བྱུང་ན་ལས་དེ་མིན་སུ་ལའང་དམིགས་བསལ་མེད། འོན་ཀྱང་དགོས་མཁོའི་ལག་འཁྱེར་སོགས་ངེས་པར་ཚང་དགོས།
༤ རང་ཉིད་ཀྱིས་གདམས་པའམ་ཆེད་བསྩལ་སློབ་ཚན་བྱེ་བྲག་པར་རིགས་གཅིག་རྐང་འཛིན་གྱིས་སློབ་སྦྱོང་མཐར་ཕྱིན་བྱ་རྒྱུའི་བློ་འདོད་དྲག་པོ་ཡོད་པ།
༥ རྒྱ་གར་མཐོ་སློབ་མཐུན་སྦྱིན་ལྷན་ཚོགས་ཀྱི་ལམ་སྟོན་གཞིར་བཟུང་ཟུར་ཐོར་འཁོད་པའི་མི་རིགས་དང་མི་སྡེ། དབང་པོ་སྐྱོན་ཅན་བཅས་ཀྱི་ས་མིག་ཆ་རྐྱེན་ཡང་སྤྱི་མཚུངས་ཡོད་པས། དེ་དག་སོ་སོའི་ངོས་སྦྱོར་ལག་འཁྱེར་ཡོད་དགོས།
འཛུལ་རྒྱུགས་ཡིག་ཚད།
༡ གཞི་རིམ་གསོ་བ་རིག་པའི་གཞུང་སྤྱིའི་ནང་དོན་ཚིག་ཉུང་དོན་བསྡུས་དྲི་ཤོག་གཅིག་དང༌།
༢ གསོ་བ་རིག་པ་སྤྱི་དང་ཁྱད་པར་རང་ཉིད་གང་ལ་བསླབ་རྒྱུའི་གཞུང་དེའི་ཐོག་ལ་ངག་རྩད་དྲི་ཞིབ་བྱ་རྒྱུ།
སྨན་རམས་པའི་སློབ་ཚན་ནང་འཛུལ་བློ་ཡོད་རིགས་ཀྱི་སློབ་གཉེར་བ་ཕོ་མོ་ཁྱད་མེད་ཆ་རྐྱེན་ཚང་རིགས་རྣམས་ནས་འཛུལ་ཞུགས་འགེངས་ཤོག་འདི་གའི་ལས་ཁུངས་སུ་ཧིན་སྒོར་༡༠༠ ཕུལ་ཏེ་དངོས་སུ་བཞེས་པའམ་སྦྲག་བརྒྱུད་དངུལ་ཁང་གི་ཌབ་འཛིན་མཐོ་སློབ་ཀྱི་རིགས་དྲུང་གི་མཚན་ཐོག་ཏུ་བཟོས་ཏེ་ཕུལ་འབྱོར་བྱུང་མ་ཐག་འདི་ནས་ཁུངས་སོ་སོར་གཏོང་རྒྱུ་ཡིན། འགེངས་ཤོག་ཕྱི་ཟླ་༥ ཚེས་༢༠ ནས་མངགས་ཉོ་གནང་འཐུས་དང༌། འགེངས་ཤོག་གི་ནང་དོན་རྣམས་ལེགས་པར་བསྐངས་ཏེ་དགོས་མཁོའི་ཡིག་ཆ་རྣམས་དང་ལྷན་ཟླ་བ་༧ ཚེས་༡ འགྱངས་མེད་རིགས་དྲུང་ལས་ཁུངས་སུ་འབུལ་ཐུབ་པ་དགོས་རྒྱུ་དང༌། འགེངས་ཤོག་ཚད་ལྡན་མ་བསྐངས་བ་དང་དུས་བཀག་གི་ཚེས་གྲངས་སུ་མ་འབྱོར་བའི་རིགས་ལ་ངོས་ལེན་བྱ་རྒྱུ་མིན་ཞིང༌། སྙན་ཞུའི་འགེངས་ཤོག་དོད་ཀྱང་ཕྱིར་སློག་བྱ་རྒྱུ་ཡིན། འཛུལ་རྒྱུགས་ཡིག་ཚད་ཕྱི་ཟླ་༧ ཚེས་༧ དང་༨ ལ་གཏོང་རྒྱུ། དངོས་གཞི་སློབ་དུས་ཕྱི་ཟླ་༩ ཚེས་༡ ནས་འགོ་འཛུགས་བྱ་རྒྱུ་ཡིན།
༢ སྨན་པ་དཀའ་བཅུ་པའི་(BTMS) སློབ་གཉེར་བ་གསར་འཇུག་གསལ་བསྒྲགས།
འདི་ལོ་སྨན་པ་དཀའ་བཅུ་པའི་ས་མིག་བདུན་ཡོད་པ་ལས་གཞི་རིམ་འཛིན་གྲྭ་བཅུ་གཉིས་PCB,PCMBཐོན་པ་བོད་སྨན་སྦྱང་རྒྱུའི་འདོད་བློ་ཡོད་ཀྱང་གོ་སྐབས་མ་ཐོབ་པའི་རིགས་ལ་ཐད་ཀར་སྨན་པ་དཀའ་བཅུ་པའི་འཛིན་གྲྭར་འཛུལ་ཞུགས་གཏོང་རྒྱུའི་དམིགས་བསལ་གོ་སྐབས་ས་མིག་གཅིག་ཡོད། ས་མིག་དེར་འཛུལ་ཞུགས་བྱེད་པར་འཛུལ་རྒྱུགས་ཡིག་ཚདPMT སྤྱི་མཚུངས་ལྟར་གཏོང་རྒྱུ་དང༌། ས་མིག་ལ་གཞིགས་ནས་ཡིག་ཚད་གྲུབ་འབྲས་རྩེ་འཐོག་འདེམས་སྒྲུག་བྱ་རྒྱུ། འཛུལ་རྒྱུགས་ཡིག་ཚད་ཕྱི་ཟླ་༧ ཚེས་༧།༨།༩ བཅས་ལ་ཡིན། འགེངས་ཤོག་ཕྱི་ཟླ་༥ ཚེས་༢༠ ནས་བཞེས་འཐུས་དང་ཟླ་༧ ཚེས་༡ འགྱངས་མེད་འབྲེལ་ཡོད་ལས་ཁུངས་སུ་ཕུལ་འབྱོར་ཐུབ་པ་དགོས་རྒྱུ་བཅས་ཀྱི་ཡོངས་ཁྱབ་གསལ་བསྒྲགས་སུ། ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་ནས་ཕྱི་ལོ་༢༠༠༩ ཟླ་བ་༥ ཚེས་༡༠ ལ།                     རིག་དྲུང་གིས།