རྒྱ་ནག་གི་ལྟ་གྲུབ་ལྷན་ཚོགས་ཀྱི་ལས་གཞི་དེར་ངོས་ལེན་མེད།
ཕྱི་ཟླ་༡༠ ཚེས་༢༩ ཉིན་གྱི་ཕྱི་དྲོ་ཁཱེ་ན་ཌ་རྒྱལ་ཁབ་ཀྱི་ཀྲོ་རན་ཀྲོ་རྫོང་ས་གནས་ཤེས་རིག་ལས་ཁུངས་ཀྱི་ཁྱབ་ཁོངས་སུ་རྒྱ་ནག་གི་ལྟ་གྲུབ་ལྷན་ཚོགས་ཀྱི་ལས་གཞི་དེ་འཇོག་དགོས་མིན་སྐོར་ལ་ཚོགས་འདུ་མཐའ་མ་དེ་འཚོགས་སྐབས། བོད་པ་དང་རྒྱ་རིགས་མང་གཙོ་དོན་གཉེར་བ་སོགས་ཀྱིས་ངོ་རྒོལ་བྱས་པ་དང་། ལྟ་གྲུབ་ལྷན་ཚོགས་དེ་ངོས་ལེན་བྱེད་རྒྱུ་མེད་པའི་མཐའ་མའི་གྲོས་ཆོད་བཞག་ཡོད་པ་རེད།
ཕྱི་ཟླ་༡༠ ཚེས་༢༩ ཉིན་གྱི་ཕྱི་དྲོ་ཁཱེ་ན་ཌ་རྒྱལ་ཁབ་ཀྱི་ཀྲོ་རན་ཀྲོ་རྫོང་ས་གནས་ཤེས་རིག་ལས་ཁུངས་ཀྱི་ཁྱབ་ཁོངས་སུ་རྒྱ་ནག་གི་ལྟ་གྲུབ་ལྷན་ཚོགས་ཀྱི་ལས་གཞི་དེ་འཇོག་དགོས་མིན་སྐོར་ལ་ཚོགས་འདུ་མཐའ་མ་དེ་འཚོགས་སྐབས། བོད་པ་དང་རྒྱ་རིགས་མང་གཙོ་དོན་གཉེར་བ་སོགས་ཀྱིས་ངོ་རྒོལ་བྱས་པ་དང་། ལྟ་གྲུབ་ལྷན་ཚོགས་དེ་ངོས་ལེན་བྱེད་རྒྱུ་མེད་པའི་མཐའ་མའི་གྲོས་ཆོད་བཞག་ཡོད་པ་རེད།
དེ་ཡང་བསྟན་འཛིན་ཆོས་འཕེལ་གྱིས་གནས་ཚུལ་འགྲེལ་བརྗོད་གནང་བ་ལྟར་ན། ཕྱི་ཟླ་༡༠ ཚེས་༢༩ ཉིན་གྱི་ཕྱི་དྲོ་ཁཱེ་ན་ཌ་རྒྱལ་ཁབ་ཀྱི་ཀྲོ་རན་ཀྲོ་རྫོང་ས་གནས་ཤེས་རིག་ལྷན་ཁང་གྱི་(Toronto district school board )འགན་འཛིན་རྣམས་རྒྱ་ནག་གི་ལྟ་གྲུབ་ལྷན་ཚོགས་(Confucius institute ) ཀྱི་ལས་གཞི་དེ་ཀྲོ་རན་ཀྲོ་རྫོང་ས་གནས་ཤེས་རིག་ལྷན་ཁང་གྱི་ཁྱབ་ཁུངས་སུ་གཏོགས་པའི་གཞི་རིམ་སློབ་གྲྭའི་ནང་རྒྱུན་ལྡན་གྱི་སློབ་ཚན་བཞིན་སྒྲིག་འཇུག་བྱེད་རྒྱུའི་ལས་འཆར་གྱི་གྲོས་གཞི་ཐག་གཅོད་ཆེད་ཚོགས་འདུ་མཐའ་མ་དེ་འཚོགས་ཏེ། ལྟ་གྲུབ་ལྷན་ཚོགས་དེ་ངོས་ལེན་བྱེད་རྒྱུ་མེད་པའི་མཐའ་མའི་གྲོས་ཆོད་བཞག་ཡོད་པ་རེད།
སྐབས་དེར་ཤེས་རིགས་ལྷན་ཁང་གྱི་གཡས་ཕྱོགས་སུ་བོད་མི་གཙོས་རྒྱ་རིགས་མང་གཙོ་དོན་གཉེར་ཅན་དང་ཧྥ་ལུང་ཀོང་ཆོས་ལུགས་དད་ལྡན་པ། དེ་བཞིན་ཐེ་ཝན་རྒྱ་རིགས་དྲུག་བརྒྱ་བརྒལ་བས་ཀྲོ་རན་ཀྲོ་རྫོང་ས་གནས་ཤེས་རིགས་ལྷན་ཁང་ནང་རྒྱ་ནག་གྱི་ལྟ་གྲུབ་ལྷན་ཚོགས་ཀྱི་ལས་གཞི་དེ་འཇོག་རྒྱུ་མེད་པའི་ངོ་རྒོལ་སྐད་འབོད་བྱས་ཡོད་པ་རེད། གཡོན་ཕྱོགས་སུ་དམར་ཤོག་ལ་དགའ་མོས་བྱེད་མཁན་གྱི་རྒྱ་རིགས་ཉིས་བརྒྱ་བརྒལ་བས་རྒྱ་ནག་གི་ལྟ་གྲུབ་ལྷན་ཚོགས་དེ་རྫོང་ས་གནས་ཤེས་རིག་ལས་ལྷན་ཁང་གི་ཤེས་ཡོན་སྲིད་ཇུས་ནང་འཇུག་དགོས་པའི་འབོད་ཚིག་བསྒྲགས་པ་དང་། རྔ་བརྡུང་རོལ་མོ་དཀྲོལ་བ་སོགས་ཀྱི་ལས་འགུལ་སྤེལ་ཡོད་པ་རེད། རྒྱ་རིགས་གཅིག་གྱིས་མི་དེ་ཚོར་རྒྱ་ནག་གཞུང་ཚབ་ནས་$༥༠ རེ་སྤྲད་ནས་སྐད་འབོད་བྱེད་དུ་བཏང་བ་རེད་ཅེས་བརྗོད་ཡོད་པ་རེད།
རྒྱ་ནག་གི་ལྟ་སྒྲུབ་ལྷན་ཚོགས་འདིའི་དམིགས་ཡུལ་གཙོ་བོ་རྒྱ་ནག་གྱི་སྐད་ཡིག་དང་རིག་གཞུང་ཁྱབ་སྤེལ་གཏོང་ཆེད་ཡིན་བཤད་ཡོད་ཀྱང་། མདོར་ན་དམར་པོའི་ལྟ་བ་ཁྱབ་སྤེལ་གཏོང་རྒྱུ་དེ་རེད་ཅེས་ངོ་རྒོལ་སྐད་འབོད་བྱེད་མཁན་ཚོས་བརྗོད་ཡོད་པ་རེད།
ཧྥ་ལུང་ཀོང་ཆོས་ལུགས་དད་ལྡན་པས་བརྗོད་གསལ་ལྟར་ན་ཁཱེ་ན་ཌ་ནི་མང་གཙོའི་རྒྱལ་ཁབ་ཅིག་ཡིན་པས་དམར་ཤོག་གི་ཤུགས་གནོན་མི་དགོས། ཕྲུ་གུ་ཚོའི་ཀླད་པའི་ནང་དམར་ཤོག་གི་ལྟ་བ་བཅུག་ཚེ་མ་འོངས་པར་གནོད་ཚབས་ཧ་ཅང་ཆེན་པོ་ཡོང་ངེས་རེད་ཅེས་བརྗོད་འདུག
ཕྱི་དྲོ་ཚོུད་༨་༣༠ ཙམ་ལ་ཀྲོ་རན་ཀྲོ་རྫོང་ས་གནས་ཤེས་རིག་ལྷན་ཁང་ནས་རྒྱ་ནག་གྱི་ལྟ་གྲུབ་ལྷན་ཚོགས་ཀྱི་སྲིད་ཇུས་དེ་ལ་ངོས་ལེན་མེད་པའི་གྲོས་ཆོད་གསལ་སྒྲགས་བྱས་ཡོད་པ་རེད། །
གསར་འགོད་པ་ཆོས་ཉིད་འོད་ཟེར།
