བཙན་བྱོལ།

ཟླ་འདིའི་ཚེས་༡༠་ཉིན་བོད་མིའི་སྒྲིག་འཛུགས་ནས་ཉེ་ཆར་རྒྱ་གཞུང་གིས་བོད་རྔ་པ་ཁུལ་དུ་གྲྭ་བཙུན་ཚོར་དམིགས་པའི་ཤེས་ཡོན་སྲིད་བྱུས་ཟེར་བ་ལག་བསྟར་བྱེད་སྟངས་དང་། བོད་ཀྱི་ན་གཞོན་དགེ་འདུན་པ་རྣམས་གཏན་འཇགས་སློབ་གྲྭར་བཙན་འཇུག་བྱེད་བཞིན་པ་སོགས་ལ་བློ་འཚབ་ཡོད་པའི་གསར་འགོད་བསྒྲགས་གཏམ་ཞིག་སྤེལ་འདུགགསར་འགོད་གསལ་བསྒྲགས་དེའི་ནང་དུ། རྒྱ་ནག་གཞུང་གིས་བོད་ས་ཡོངས་སུ་བཙན་དབང་གིས་མི་སེར་སྤེལ་ཡུལ་གཏན་འཇགས་སློབ་གྲྭ་ཁག་མུ་མཐུད་ཡར་རྒྱས་དང་། གྲངས་འབོར་མཐོ་རུ་གཏོང་བཞིན་པ་དེ་ལ་བརྟེན་ནས་བོད་ཀྱི་ཆོས་དང་རིག་གཞུང་གི་ངོ་བོ་རྩ་བརླག་ཏུ་འགྲོ་རྒྱུའི་ཉེན་ཁ་ཆེ་རུ་བཏང་ཡོད་ཅིང་། ལྷག་པར་བོད་ཨ་མདོ་རྔ་པའི་ཀིརྟི་དགོན་དང་དགོན་པ་གཞན་གཉིས་བཅས་ཀྱི་ན་གཞོན་དགེ་འདུན་པ་གྲངས་ ༡༧༠༠ ལྷག་བཙན་དབང་གིས་དགོན་པ་ནས་ཕྱིར་འབུད་ཀྱིས་ཕ་མ་དང་རང་ཉིད་ཀྱི་འདོད་མོས་མེད་བཞིན་དུ་གཞུང་གིས་བཙུགས་པའི་མི་སེར་སྤེལ་ཡུལ་གཏན་འཇགས་སློབ་གྲྭར་འཇུག་དགོས་བྱུང་ཡོད། སྲིད་བྱུས་འདི་ནི་ལོ་ན་ ༡༨ མན་གྱི་དགེ་འདུན་པ་རྣམས་དང་། ཁྱད་པར་དུ་འཛིན་རིམ་དང་པོ་ནས་བརྒྱད་པ་བར་གྱི་དགེ་འདུན་པ་རྣམས་ལ་དམིགས་འཛུགས་བྱས་ཡོད་པ་རེད་ཅེས་དང་། གྲྭ་གཞོན་དེ་དག་བཙན་དབང་གིས་སློབ་གྲྭར་བཅུག་སྟེ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་སྲིད་གཞུང་ལ་བསྟོད་བསྔགས་བྱེད་པ་སོགས་ཆབ་སྲིད་ཀྱི་སློབ་གསོ་སྤྲོད་ཀྱི་ཡོད་པ་མ་ཟད། སློབ་གྲྭ་དེ་དག་ཏུ་བྱིས་པ་རྣམས་ལ་གཙོ་བོ་རྒྱ་སྐད་ཐོག་སློབ་ཁྲིད་བྱེད་ཀྱི་ཡོད་པས། བོད་ཀྱི་སྐད་ཡིག་གི་ཤེས་ཚད་དང་རིག་གཞུང་གི་ངོ་བོ་ཉམས་ཆག་འགྲོ་བཞིན་ཡོད། དེ་བཞིན་སློབ་གྲྭའི་གུང་གསེང་སྐབས་སུའང་སློབ་ཕྲུག་ཚོར་རང་གི་དགོན་པར་འགྲོ་མི་ཆོག་པའི་བཀག་སྡོམ་བྱས་ཏེ།...

ཟླ་འདིའི་ཚེས་༧ ཉིན་མོན་ཡུལ་དད་ལྡན་མི་མང་ཡོངས་ཀྱིས་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་༧གོང་ས་༧སྐྱབས་མགོན་ཆེན་པོ་མཆོག་ལ་༧གོང་ས་ལྔ་པ་ཆེན་པོའི་དག་སྣང་ཚེ་དཔག་མེད་དྭངས་མ་བཅུད་འདྲེན་གྱི་སྒོ་ནས་བརྟན་བཞུགས་བསྟར་འབུལ་ཞུས་རྗེས། ༧མགོན་པོ་གང་ཉིད་བོད་ལུགས་དགུང་གྲངས་༩༠ ལ་ཕེབས་པའི་གོ་སྟོན་གྱི་དགའ་སྟོན་རྟེན་འབྲེལ་གྱི་མཛད་སྒོ་ཞིག་ཚོགས་སོང་། སྐབས་དེར་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་དང་། རྒྱ་གར་དབུས་གཞུང་གྲོས་ཚོགས་འཐུས་མི་ཏ་པིར་གྷའོ། ཨ་རུ་ན་ཅལ་མངའ་སྡེའི་ཤེས་རིག་དང་ཡུལ་སྐོར་སྤྲོ་འཆམ་བློན་ཆེན་པ་སངས་རྡོ་རྗེ་(Pasang Dorjee Sona) ། དེ་བཞིན་ཨ་རུ་ན་ཅལ་མངའ་སྡེའི་གྲོས་ཚོགས་འཐུས་མི་ཛིང་ནུ་ནམ་ཆོམ་(Zingnu Namchoom) ་གཙོས་པའི་མོན་ཡུལ་གྱི་མི་མང་ཆིག་སྟོང་ལྔ་བརྒྱ་ཙམ་ཆེད་ཕེབས་གནང་འདུག ཐེངས་འདིའི་བརྟན་བཞུགས་སྐབས་སུ་༧གོང་ས་༧སྐྱབས་མགོན་ཆེན་པོ་མཆོག་ནས། ང་ཚོ་བོད་ནས་ཁ་བྲལ་ཏེ་བཙན་བྱོལ་བ་ཆགས་པ་དང་།...

ཟླ་འདིའི་ཚེས་༧ ཉིན་མོན་ཡུལ་གྱི་དད་ལྡན་མི་མང་ཡོངས་ཀྱིས་༧གོང་ས་མཆོག་ལ་བརྟན་བཞུགས་བསྟར་འབུལ་ཞུ་རྒྱུ་ལྟར། ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་ཡང་བརྟན་བཞུགས་ཆེད་བཞུགས་སྒར་དུ་ཆེད་ཕེབས་གནང་འདུག ཟླ་འདིའི་ཚེས་༥ ཉིན་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་དང་ཁོང་གི་ནང་མི་སོགས་ཀང་ར་རྫོང་གི་གནམ་ཐང་དུ་འབྱོར་རྗེས་ཐད་ཀར་དཔལ་ལྡན་རྒྱུད་སྟོད་གྲྭ་ཚང་དུ་ཕེབས་ནས་གཙུག་ལག་ཁང་དང་དཔེ་མཛོད་བཅས་སུ་མཆོད་མཇལ་གཟིགས་སྐོར་གནང་ཡོད་པ་མ་ཟད། བློན་ཆེན་དང་ནང་མི་སྤུན་མཆེད་རྣམས་ཡོངས་འཛིན་གླིང་རིན་པོའི་ཆེའི་བླ་བྲང་དུ་༧སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཇལ་བཅར་དང་། དགོང་དྲོའི་གསོལ་ཚིགས་ལྷན་དུ་བཞེས་ཐོག་དུས་ཡུན་ཆུ་ཚོད་གསུམ་ལྷག་གི་རིང་བཀའ་མོལ་གནང་ཡོད་འདུག དེ་རིང་ཚེས་༦ ཉིན་གྱི་ཞོགས་པར་༧གོང་ས་༧སྐྱབས་མགོན་ཆེན་པོ་མཆོག་གིས། ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་པདྨ་མཁའ་འགྲོ་དང་ཁོང་གི་ནང་མི་རྣམས་ལ་བཞུགས་སྒར་༧རྒྱལ་བའི་ཕོ་བྲང་དུ་མཇལ་ཁ་བསྩལ་འདུག སྤྱི་ཁྱབ་བློན་ཆེན་གྱིས་ངོ་དེབ་ཐོག་ཏུ་ངས་༧གོང་ས་མཆོག་ལ་ཨ་རུ་ན་ཅལ་མངའ་སྡེར་ཆིབས་བསྒྱུར་གནང་རོགས་ཞེས་གསོལ་འདེབས་ཞུས་པ་དང་། ཁོང་གིས་ཐུགས་བརྩེ་ཞིང་དགྱེས་བཞིན་དུ་ནམ་ཞིག་ཐུགས་ལ་འཆར་བའི་དུས་སུ་ཕེབས་རྒྱུ་ཡིན་ཞེས་གསུངས་བྱུང་།  ༧གོང་ས་མཆོག་གི་བྱམས་པ་དང་ཞི་བདེ། མཐུན་སྒྲིལ་བཅས་ཀྱི་བཀའ་སློབ་ཀྱིས་ང་ཚོ་ཚང་མར་མུ་མཐུད་བློ་སྤོབས་སྤེལ་བ་ཤོག་ཅེས་འཁོད་འདུག སྤྱི་ཁྱབ་བློན་ཆེན་པདྨ་མཁའ་འགྲོས་གསར་འགྱུར་བརྒྱུད་ལམ་ཁག་ཏུ་༧གོང་ས་མཆོག་བོད་ནས་རྒྱ་གར་ལ་ཆིབས་བསྒྱུར་གནང་སྐབས།...

ཨ་རིའི་གཞུང་ཚབ་ཆེན་མོ་བོད་ཀྱི་རིག་གཞུང་འཁྲབ་སྟོན་གྱི་མཛད་སྒོའི་སྐུ་མགྲོན་དུ་ཕེབས་ནས་ཨ་རིའི་གཞུང་གིས་བོད་དོན་ལ་རྒྱབ་སྐྱོར་མུ་མཐུད་གནང་རྒྱུ་ནན་བརྗོད་གནང་ཡོད་འདུག ཟླ་འདིའི་ཚེས་༣ ཉིན་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་དང་། འཚེ་མེད་ཞི་བའི་ཐེབས་རྩ་ཁང་(Foundation for Non-violent Alternatives)།  བོད་ཀྱི་ཐེབས་རྩ། ཨ་རིའི་རོགས་ཚོགས་བཅས་མཉམ་རུབ་ཀྱི་གོ་སྒྲིག་འོག རྒྱ་གར་གྱི་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་རྒྱལ་སྤྱིའི་ལྟེ་གནས་ཁང་ (India International Centre) ་དུ་བོད་ཀྱི་ཁྱད་ནོར། བྱམས་སྙིང་རྗེ་དང་རིག་གཞུང་ཞེས་པའི་དུས་སྟོན་སྲུང་བརྩི་གནང་ཡོད་འདུག་པ་དང་།...

ཕྱི་ཟླ་ ༩ པའི་ཚེས་ ༢ ཉིན་བོད་ཀྱི་སྲིད་བྱུས་ཉམས་ཞིབ་ཁང་དང་། བྷེང་ལོར་གྱི་ཨེམ་ཨེསི་ར་མ་ཡ་གཙུག་ལག་སློབ་གཉེར་ཁང་(M S Ramaiah University of Applied Sciences)གི་རྒྱལ་ཡོངས་བདེ་འཇགས་རིག་གནས་ཁང་(Centre for National Security...

ལོ་ལྟར་ཕྱི་ཟླ་༩ པའི་ཚེས་༢ ཉིན་བོད་མིའི་དམངས་གཙོའི་ཉིན་མོ་སྲུང་བརྩི་ཞུ་སྲོལ་ཡོད་པ་བཞིན། དེ་རིང་ཕྱི་ཚེས་༢ ཉིན་ཐེག་ཆེན་ཆོས་གླིང་གཙུག་ལག་ཁང་དུ་བོད་མིའི་དམངས་གཙོ་དབུ་བརྙེས་ནས་མི་ལོ་༦༤ འཁོར་བའི་དུས་ཆེན་སྲུང་བརྩི་ཞུས་གནང་སོང་། འདི་ལོའི་དུས་ཆེན་གྱི་སྐུ་མགྲོན་གཙོ་བོ་བོད་དོན་རྒྱབ་སྐྱོར་བ་ཨེ་སི་ཊོ་ནི་ཡའི་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་ཞིག་དང་། གཞན་ཡང་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་གཞུང་ཞབས་པ་གཙོས་པའི་སེར་སྐྱ་མང་པོ་ཞིག་མཉམ་ཞུགས་གནང་འདུག མཛད་སྒོའི་ཐོག་བཀའ་སྤྱི་གཉིས་གྱི་གསུང་འཕྲིན་ནང་དུ་ལོ་རྗེས་མར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༩༠ ཕེབས་པའི་གོ་སྟོན་གྱི་སྟ་གོན་དུ། ༸ཁོང་གི་མཛད་ཁུར་བཞི་ལས་དང་པོ་འགྲོ་བ་མིའི་བཟང་སྤྱོད་གོང་སྤེལ་གྱི་སྐོར། འདི་ལོའི་༸སྐུའི་འཁྲུངས་སྐར་གྱི་བཀའ་ཤག་གི་གཏམ་བཤད་དུ་ཞུས་ཟིན་པ་ལྟར། དེ་རིང་དུས་དྲན་གྱི་མཛད་སྒོའི་བཀའ་ཤག་གི་གཏམ་བཤད་ནང་དུ་༧གོང་ས་མཆོག་གི་མཛད་ཁུར་གཉིས་པ་སྟེ། ཆོས་ལུགས་མཐུན་སྒྲིལ་གྱི་སྐོར་ལ་མཛད་པ་སྐྱོང་རིམ་རགས་བསྡུས་སུ་དྲན་གསོ་ཞུ་ཆེད་དུ།...

སྲིད་ཟུར་བློ་བཟང་སེང་གེས་རྒྱལ་སྤྱིའི་བདེ་འཇགས་ལྷན་ཚོགས་ཐོག་མཉམ་ཞུགས་གནང་ནས་འཛམ་གླིང་གི་གལ་ཆེའི་གནད་དོན་འགའ་ཞིག་གི་སྐོར་གླེང་སློང་དང་དྲི་བ་གནང་ཡོད་འདུག ཕྱི་ལོ་༢༠༢༤ ལོའི་རྒྱལ་སྤྱིའི་བདེ་འཇགས་ལྷན་ཚོགས་དེ་ཟླ་༨ ཚེས་༣༠ ནས་ཉིན་གྲངས་གསུམ་གྱི་རིང་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་པ་རག་(Prague) ་ཏུ་ཚོགས་ཡོད་འདུག ཐེངས་དེའི་ལྷན་ཚོགས་ཐོག་རྒྱལ་ཁབ་འདྲ་མིན་གྱི་སྲིད་འཛིན་དང་སྲིད་བློན། བློན་ཆེན་དང་ཡུ་རོབ་སྤྱི་མཐུན་ཚོགས་པའི་འཛིན་སྐྱོང་ལྷན་ཁང་གི་དབུ་འཛིན་སོགས་གནད་ཡོད་མི་སྣ་བརྒྱ་ཕྲག་ཁ་ཤས་མཉམ་ཞུགས་ཀྱིས་ཡུག་རེན་དང་ཨུ་རུ་སུའི་བར་གྱི་དམག་འཁྲུག ཨི་སི་རེལ་དང་གྷ་རྫའི་བར་གྱི་དམག་འཁྲུག དེ་བཞིན་ཡུ་རོབ་མཐུན་ཚོགས་དང་ནེ་ཊོ་(NATO) ་སོགས་རྒྱལ་སྤྱིའི་བདེ་འཇགས་དང་འབྲེལ་བའི་གནད་དོན་གལ་ཆེན་ཁག་གི་ཐོག་ལ་བགྲོ་གླེང་དང་གཏམ་བཤད་སོགས་སྤེལ་ཡོད་འདུག སྐབས་དེར་སྲིད་ཟུར་བློ་བཟང་སེང་གེས་ཀྱང་རྒྱལ་སྤྱིའི་བདེ་འཇགས་ལྷན་ཚོགས་དེའི་ཐོག་མཉམ་ཞུགས་གནང་ནས་གལ་ཆེན་གནད་དོན་འགའ་ཞིག་གླེང་སློང་དང་དྲི་བ་གནང་འདུག་པ་དང་། དེ་ཡང་ཁོང་གིས་ལྷན་ཚོགས་ཐོག་གསུང་བཤད་གནང་མཁན་ཚོ་ལ་ཡུག་རེན་ནང་དམག་འཁྲུག་འབྱུང་དུས་ཡུ་རོབ་ཀྱིས་དམག་འཁྲུག་དེ་ནི་འཛམ་གླིང་གི་དམག་འཁྲུག་ཅིག་ཡིན་པ་དང་། ང་ཚོས་དམངས་གཙོ་དང་རང་དབང་སྲུང་སྐྱོབ་དགོས་ཞེས་བརྗོད་ཡོད་པས་གལ་སྲིད་དམངས་གཙོའི་རྒྱལ་ཁབ་གང་ཞིག་ལ་དམག་འཁྲུག་བྱུང་ཚེ། ཡུ་རོབ་ཀྱིས་དམག་འཁྲུག་དེ་འཛམ་གླིང་གི་དམག་འཁྲུག་ཅིག་ལ་ངོས་འཛིན་བྱེད་ཀྱི་རེད་དམ་ཞེས་དྲིས་འདུག་པ་དང་། ...

ཕྱི་ཟླ་༨ ཚེས་༣༠ ཉིན་བཙན་དབང་འོག་གར་སོང་ཆ་མེད་དུ་གྱུར་པའི་མནར་གཅོད་ཕོག་མཁན་རྣམས་ཀྱི་རྒྱལ་སྤྱིའི་ཉིན་མོ་ཐེངས་༤༡ པའི་དུས་དྲན་གྱི་ཉིན་དང་བསྟུན། བཞུགས་སྒར་དུ་རྟེན་གཞི་བྱས་པའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་འདས་པའི་ལོ་ངོ་བཞིའི་རིང་བོད་ནང་གི་བོད་མི་༦༣ ལྷག་བཙན་དབང་འོག་གར་སོང་ཆ་མེད་དུ་གྱུར་ཡོད་པ་གསལ་སྟོན་དང་། རྒྱ་གཞུང་གིས་བོད་ནང་དུ་བཙན་དབང་འོག་གར་སོང་ཆ་མེད་དུ་གཏོང་བའི་བྱ་སྤྱོད་མཚམས་འཇོག་དགོས་པའི་འབོད་སྐུལ་ཞུས་འདུག རྒྱལ་སྤྱིའི་སྤྱི་ཚོགས་ནས་རྒྱ་གཞུང་གིས་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པ་དང་འབྲེལ་བའི་ཐལ་སྤྱོད་ཐེར་འདོན་བྱས་ཀྱང་། རྒྱ་གཞུང་གིས་དེ་དག་སྣང་མེད་བཏང་བ་མ་ཟད། རྒྱ་ནག་གི་ཉེས་དོན་གཏུག་བཤེར་གྱི་ཁྲིམས་ཡིག་བསྐྱར་བཅོས་བཏང་སྟེ་བཙན་དབང་འོག་གར་སོང་ཆ་མེད་དུ་གཏོང་བའི་སྦྱོར་བ་དེ་ཉིད་ཁྲིམས་མཐུན་དུ་བཟོས་ཡོད་པ། ཕྱི་ལོ་༢༠༡༢ ཟླ་༣ པའི་ནང་རྒྱལ་ཡོངས་མི་དམངས་འཐུས་མི་ཚོགས་ཆེན་ཟེར་བའི་ལོ་འཁོར་ཚོགས་འདུའི་སྐབས་ཁྲིམས་ཡིག་བསྐྱར་བཅོས་ཞིག་ལ་མང་མོས་ཀྱིས་རྒྱབ་སྐྱོར་བྱས་ཏེ། རྒྱ་གཞུང་གི་སྲིད་བྱུས་ལ་སྐྱོན་བརྗོད་བྱེད་མཁན་རྣམས་དམིགས་འབེན་དུ་བཟུང་ནས་མུ་མཐུད་བཙན་དབང་འོག་གར་སོང་ཆ་མེད་དུ་གཏོང་རྒྱུའི་བྱ་སྤྱོད་སྤེལ་བར་མཐུན་འགྱུར་བྱས་ཡོད་པ། བསྐྱར་བཅོས་བྱས་པའི་ཁྲིམས་ཡིག་གི་དོན་ཚན་༧༣...

ཕྱི་ཟླ་ ༨ པའི་ཚེས་ ༣༠ ཉིན་ལས་བྱེད་འདེམས་བསྐོ་ལྷན་ཁང་གི་བདམས་ཐོན་ཚོགས་གཙོ་ཀརྨ་ཡེ་ཤེས་དང་། སྤྱི་ཁྱབ་རྩིས་ཞིབ་ལས་ཁང་གི་བདམས་ཐོན་རྩིས་ཞིབ་སྤྱི་ཁྱབ་པ་ལྷག་པ་རྒྱལ་མཚན་རྣམ་གཉིས་ཀྱིས་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཁང་དུ་དཔལ་ལྡན་ཚོགས་གཙོ་མཁན་པོ་བསོད་ནམས་བསྟན་འཕེལ་གྱི་མདུན་དུ་རིམ་པས་ལས་འཁུར་དམ་འབུལ་ཞུས། དེ་ཡང་ཟླ་འདིའི་ཚེས་ ༢༦ ཉིན་སྐབས་བཅུ་བདུན་པའི་བོད་མི་མང་སྤྱི་འཐུས་རྒྱུན་ལས་ལྷན་ཚོགས་ཐེངས་ ༡༦༢ པའི་ཐོག་སྤྱི་འཐུས་རྒྱུན་ལས་ཀྱི་རྩ་འབོར་གསུམ་ཆ་གཉིས་ཡན་གྱི་མོས་མཐུན་ཐོག་བཀའ་ཟུར་ཀརྨ་ཡེ་ཤེས་ལས་བྱེད་འདེམས་བསྐོ་ལྷན་ཁང་གི་ཚོགས་གཙོར་བདམས་ཐོན་བསྐོ་གཞག་དང་། བོད་ཁྱིམ་ཚོང་འབྲེལ་སྡེ་ཚན་གྱི་འགན་འཛིན་ལྷག་པ་རྒྱལ་མཚན་ལགས་རྩིས་ཞིབ་སྤྱི་ཁྱབ་པར་བདམས་ཐོན་བསྐོ་གཞག་བཅས་བྱུང་བ་བཞིན། དེ་རིང་སྔ་དྲོར་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་དང་། བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་། དཔལ་ལྡན་བོད་མི་མང་སྤྱི་འཐུས་ཚོགས་གཞོན་སྒྲོལ་མ་ཚེ་རིང་།...

ཟླ་འདིའི་ཚེས་༢༩ ་ཉིན་བོད་མིའི་ཁྲིམས་ལུགས་རིག་པ་བའི་ཚོགས་པའི་གོ་སྒྲིག་འོག་རྡ་སའི་ཉེ་འགྲམ་དུ་ཡོད་པའི་(Imperial Heights) ་ཞེས་པའི་གསོལ་མགྲོན་ཁང་དུ་ནག་ཉེས་དང་འབྲེལ་བའི་རྒྱ་གར་གྱི་ཁྲིམས་ཡིག་དང་། ཁྲིམས་གཅོད་ལམ་ལུགས། བྱིས་པ་དང་བུད་མེད་ལ་རྒོལ་བའི་ནག་ཉེས་ཁྲིམས་ཡིག་སྐོར་གྱི་བགྲོ་གླེང་ཚོགས་འདུ་ཞིག་འགོ་འཛུགས་གནང་སོང་། སྐབས་དེར་ང་ཚོས་བོད་མིའི་ཁྲིམས་ལུགས་རིག་པ་བའི་ཚོགས་པའི་སྤྱི་ཁྱབ་དྲུང་ཆེ་བསྟན་འཛིན་སྒྲོལ་དཀར་ལགས་སུ་ཚོགས་འདུ་གོ་སྒྲིག་བྱེད་དགོས་པའི་དམིགས་ཡུལ་སོགས་དང་འབྲེལ་བའི་བཅར་འདྲི་བྱེད་དུས། ཁོང་གིས་ལས་ཀ་བྱེད་པའི་བརྒྱུད་རིམ་ཁྲོད་ཁྲིམས་ལུགས་ཀྱི་གོ་རྟོགས་མེད་པའི་དབང་གིས་མི་མང་ལ་དཀའ་ངལ་མང་བ་འཕྲད་ཀྱི་ཡོད་པ་ཤེས་རྟོགས་བྱུང་ཡོད་པ་དང་། གཞིས་ཆགས་ཁག་ཏུ་དཀའ་ངལ་འཕྲད་བའི་སྐབས་སུ་དང་པོ་གཏུག་ས་དེ་ས་གནས་འགན་འཛིན་ཆགས་ཀྱི་ཡོད་པ་དང་། གལ་སྲིད་ས་གནས་འགན་འཛིན་ཚོ་ལ་ཁྲིམས་ལུགས་ཀྱི་གོ་རྟོགས་མེད་ཚེ། ས་གནས་མི་མང་ཚོ་ལ་འགྲོ་སྟངས་འགྲོ་ལུགས་ཀྱི་ལམ་སྟོན་བྱེད་ཐུབ་ཀྱི་མེད་པར་བརྟེན། ས་གནས་འགན་འཛིན་ཚོ་ལ་ཁྲིམས་ལུགས་གོ་རྟོགས་སྤེལ་རྒྱུ་གལ་ཆེན་མཐོང་ནས་བགྲོ་གླེང་ཚོགས་འདུ་དེ་གོ་སྒྲིག་བྱས་པ་ཡིན་ཞེས་དང་། ཁྲིམས་ལུགས་རིག་པ་བའི་ཚོགས་པས་ས་གནས་འགན་འཛིན་ཚོ་ལ་བགྲོ་གླེང་ཚོགས་འདུ་གོ་སྒྲིག་བྱས་པ་ཐོག་མ་ཆགས་ཀྱི་ཡོད་པ་དང་། ཐེངས་འདིའི་བགྲོ་གླེང་ཚོགས་འདུའི་ཐོག་རྒྱ་གར་གྱི་བྱང་ཤར་དང་བྱང་ཁུལ་གྱི་ས་གནས་འགན་འཛིན་གྲངས་༢༥ མཉམ་ཞུགས་གནང་ཡོད་པ་དང་ལོ་རྗེས་མར་ལྷོ་ཕྱོགས་སུ་གོ་སྒྲིག་བྱེད་རྒྱུ་ཡིན་ཞེས་དྲིས་ལན་གནང་སོང་།...