བོད།

ཕྱི་ཟླ་༩ ་པའི་ཚེས་༢༨ ་ཉིན་གྱི་དགོང་མོ་ཆབ་སྲིད་བཙོན་ཟུར་ཐུབ་བསྟན་ཡེ་ཤེས་བོད་ཀྱི་རྒྱལ་ས་ལྷ་སར་དགོངས་པ་རྫོགས་པའི་ཡིད་སྐྱོའི་གནས་ཚུལ་ཐོན་འདུག ཁོང་ནི་ཕྱི་ལོ་༡༩༥༠ ་ལོར་མལ་དྲོ་གུང་དཀར་རྫོང་ཁོངས་རྒྱ་མ་མདའ་ཤར་ལ་འཁྲུངས་ཤིང་། རང་ལོ་བརྒྱད་ནས་བཅུ་བཞི་བར་སློབ་ཆུང་འགྲིམས། དེ་རྗེས་ཁྱིམ་ནང་དུ་ཞིང་ལས་བྱས་ནས་བསྡད། ཕྱི་ལོ་༡༩༩༢ ཟླ་༦ ་ཚེས་༡༢ ་ཉིན་མལ་དྲོ་རྒྱ་མར་ལས་དོན་ཚོགས་ཆུང་ཟེར་བས་རྒྱ་མ་གྲོང་བརྡལ་ནང་སྤྱི་ཚོགས་རིང་ལུགས་ཀྱི་སློབ་གསོའི་ལས་འགུལ་ཕྱོགས་བསྡོམས་དང་ལས་བྱེད་འདེམས་བསྐོའི་ཚོགས་ཆེན་ཟེར་བ་འགོ་བཙུགས་པ་དང་བསྟུན། ཁོང་དང་རོགས་པ་བཞིས་ཚོགས་ཆེན་དུ་བསྐྱོད་དེ་བོད་རྒྱལ་ཁབ་ཆེན་པོའི་རྒྱལ་དར་མཁའ་དབྱིངས་སུ་བསྒྲེངས་ནས་བོད་རང་བཙན་གཙང་མའི་རྒྱལ་ཁབ་ཡིན། རྒྱ་དམར་བོད་ནས་ཕྱིར་ཐོན་དགོས། ༸གོང་ས་མཆོག་སྐུ་ཚེ་ཁྲི་ལོར་བརྟན་པར་ཤོག་སོགས་ཀྱི་འབོད་སྒྲ་བསྒྲགས་པར་བརྟེན། རྒྱ་གཞུང་གིས་ཁོང་རྣམས་འཛིན་བཟུང་བྱས།...

ཟླ་འདིའི་ཚེས་༢༥ ་ཉིན་བཙན་བྱོལ་ནང་གི་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། རྒྱ་ནག་དམར་པོའི་གཞུང་གིས་རེབ་གོང་སྨད་པའི་སྤེན་དཀར་ཐང་དགོན་པའི་དགེ་འདུན་པ་བྱམས་པ་ཆོས་འཕེལ་ལ་ལོ་གཅིག་དང་ཟླ་བ་དྲུག་གི་བཙོན་འཇུག་ཁྲིམས་ཐག་བཅད་ཡོད་འདུག་པ་དང་། དེ་ཡང་འདི་ལོའི་གསུམ་བཅུའི་དུས་དྲན་གྱི་ཉིན་མོ་དང་བསྟུན། ཁོང་གིས་སྐད་འཕྲིན་ཚོགས་པ་ཞིག་ནང་༧གོང་ས་མཆོག་གི་བཀའ་སློབ་ཚན་པ་ཞིག་བརྒྱུད་འགོད་བྱས་ཡོད་འདུག་པར་བརྟེན། རྒྱ་གཞུང་གིས་དེ་ཁྲིམས་འགལ་ཡིན་པར་བསྙད་བཏགས་ནས་ཟླ༣ ་པའི་ཟླ་དཀྱིལ་ཙམ་ལ་དགོན་པའི་རང་ཤག་ནས་འཛིན་བཟུང་བཙན་ཁྲིད་བྱས་ནས་རེབ་གོང་སྨད་པའི་གུ་ར་ཐང་ན་ཡོད་པའི་བཙོན་ཁང་དུ་ཟླ་བ་དྲུག་མ་ཟིན་ཙམ་བཀག་ཉར་བྱས་ཡོད་འདུག ཟླ་བ་སྔོན་མའི་ནང་རྒྱ་གཞུང་གིས་ཁོང་ལ་ལོ་གཅིག་དང་ཟླ་བ་དྲུག་གི་བཙོན་འཇུག་ཁྲིམས་ཐག་བཅད་ཡོད་པ་མ་ཟད། རྒྱ་གཞུང་གིས་ཁོང་གི་གནས་ཚུལ་དེ་ཆབ་སྲིད་ཀྱི་གནད་དོན་ཞིག་ལ་བརྩིས་ནས་ཁྲིམས་བཤེར་དང་ཁྲིམས་ཆད་སོགས་གཏོང་སྐབས་ནང་མི་ཉེ་འབྲེལ་ཚོར་གསང་བ་བྱས་ཏེ་བརྡ་ལན་གང་ཡང་སྤྲད་མེད་པ་རེད་འདུག ཁོང་རེབ་གོང་གྲོང་ཁྱེར་ཉེན་རྟོག་ལས་ཁུངས་ཀྱིས་འཛིན་བཟུང་བྱས་ཤིང་། རེབ་གོང་གྲོང་ཁྱེར་མི་དམངས་ཞིབ་དཔྱོད་ཁང་གིས་ཁྲིམས་ཆད་ཉེས་འགེལ་བྱས། རེབ་གོང་གྲོང་ཁྱེར་མི་དམངས་ཁྲིམས་ཁང་གིས་ཁོང་ལ་ཁྲིམས་ཐག་བཅད་ཡོད་འདུག་པ་དང་། ད་ལྟའི་ཆར་ཁོང་གི་ནང་མི་ཉེ་འབྲེལ་ཚོ་ནི་རྒྱ་གཞུང་གི་དམ་དྲག་དང་མ་ཉེས་ཁ་གཡོག་གི་ཉེས་ཆད་འགེལ་སྲིད་པའི་འཇིགས་སྣང་འོག་ཏུ་གནས་ཡོད་འདུག་པ་དང་། འབྲེལ་ཡོད་ལས་ཁུངས་སུ་བཅར་ཏེ་ཁོང་གི་གནས་སྟངས་སོགས་འདྲི་རྒྱུ་ཡང་ཉེན་ཁ་ཞིག་ཏུ་གྱུར་ཡོད་འདུག ཟླ་འདིའི་ཚེས་༢༢...

དེ་རིང་བོད་ཀྱི་ནང་གི་བརྒྱུད་ལམ་ཁག་གི་གནས་ཚུལ་ལྟར་ན། ཟླ་འདིའི་ཕྱི་ཚེས་༡ དགོང་མོ་ནས་བོད་མཚོ་སྔོན་ཕྱོགས་སུ་དྲག་ཆར་ཤུགས་ཆེན་བབས་ཏེ་མི་རྒྱུ་ཟོག་གསུམ་ལ་གོད་ཆག་ཆེན་པོ་བཟོས་འདུག ཐེངས་འདིར་དྲག་ཆར་འབབ་ས་གཙོ་བོ་བོད་ནང་གི་ས་ཆ་མཚོ་སྔོན་ཞིང་ཆེན་གྱི་མཚོ་ལྷོ་དང་མཚོ་བྱང་། དེ་བཞིན་མཚོ་ཤར་སོགས་ཀྱི་ས་ཁུལ་ཁག་ཏུ་ཡིན་འདུག་པ་དང་། ཕྱི་ཚེས་ ༢ ཉིན་མཚོ་ལྷོ་ཁུལ་གསེར་ཆེན་རྫོང་། རྨ་ལྷོ་ཁུལ་རྩེ་ཁོག་རྫོང་སོགས་ཀྱི་སྡེ་པ་མང་པོ་ལ་ཆུ་ལོག་བརྒྱུགས་ཏེ་མི་རྒྱུ་ཟོག་གསུམ་ལ་གནོད་སྐྱོན་ཆེན་པོ་བཟོས་འདུག དེ་ཡང་ད་བར་རླངས་འཁོར་ཞིག་གི་ནང་མི་༥ དང་ཆུས་ཁྱེར་བ་གཅིག་བཅས་མི་༦ གི་ཚེ་སྲོག་ཤོར་ཡོད་པར་རྗོད་ཀྱི་འདུག་ལ། གཞན་ཡང་ས་ཆ་ཁ་ཤས་སུ་ལུག་གཙོས་པའི་སེམས་ཅན་མང་པོ་ཆུའི་ཁྱེར་བའི་རོ་གང་སར་ནས་མཐོང་རྒྱུ་ཡོད་པ་མ་ཟད། ཟམ་པ་དང་ལམ་ཆད་པ། ཁང་པ་གཏོར་བ་སོགས་ཀྱི་མང་པོ་ཡང་མཐོང་རྒྱུ་འདུག...

ཕྱི་ཚེས་༡༤ ཉིན་རྭ་རྒྱ་གངས་ལྗོངས་ཤེས་རིག་ནོར་བུའི་སློབ་གླིང་སྒོ་བརྒྱབས་པའི་གནས་ཚུལ་ཞིག་བརྒྱུད་ལམ་ཁག་ཏུ་ཁྱབ་ཡོད་པ་དང་།  ཐོག་མར་དགེ་རྒན་གྱི་ལིང་འཇིགས་མེད་ཞུ་བ་ཁོང་གིས་མི་ཚང་མར་དཀྱུས་གཅིག་ཏུ་དེ་འབྲེལ་གྱི་ལན་ཞིག་གནང་འདུག་པ་དང་། དེའི་ནང་དུ། དོན་དངོས་ནི་ངེད་གངས་ལྗོངས་ཤེས་རིག་ནོར་བུའི་སློབ་གླིང་གིས་སྒྲུབ་བཞིན་པའི་མགོ་ལོག་ཁུལ་འཇིགས་མེད་རྒྱལ་མཚན་མི་རིགས་ལས་རིགས་སློབ་གྲྭ་འདི་མཚོ་སྔོན་ཞིང་ཆེན་ཏང་ཨུད་ཀྱི་ཡིག་ཆའི་དགོངས་པ་ལྟར་ད་ནས་བཟུང་སྒྲུབ་མཚམས་བཞག་པ་རེད། ཅེས་འཁོད་འདུག་པ་དང་། དེའི་རྗེས་སློབ་གྲྭ་དེ་དབུ་འཛུགས་གནང་མཁན་འཇིགས་མེད་རྒྱལ་མཚན་ལགས་ཀྱིས། མགོ་ལོག་ཁུལ་འཇིགས་མེད་རྒྱལ་མཚན་མི་རིགས་ལས་རིགས་སློབ་གྲྭ་དེ་ལོ་གྲངས་སུམ་ཅུ་ཏག་ཏག་ཐོག་མེད་པ་ཆགས་ཡོད་པ་དང་། ད་ལྟའི་སློབ་གྲྭའི་གནས་སྟངས་གང་གི་ཐད་ནས་ཡག་པའི་སྐབས་ཡིན་པས་ཕངས་སེམས་བྱུང་ཡང་། སྐད་ཅིག་སྐད་ཅིག་གིས་འཇིག་ཅིང་མི་རྟག་པ་ནི་ཆོས་ཉིད་ཡིན་པས་ཚང་མས་སྐྱོ་སྐྱོ་མི་གནང་བར་རང་གི་འོས་བབས་ཕྲག་ཏུ་འཁུར་བའི་འབོད་སྐུལ་ཞིག་བརྗོད་ཐབས་གཞན་སྤྱད་ནས་སྤྱི་ཚོགས་བརྒྱུད་ལམ་དུ་བཞག་འདུག ཁོང་གིས་གསལ་བསྒྲགས་གཉིས་པ་ཁ་གསལ་བ་ཞིག་སྤེལ་བའི་ནང་། སློབ་གྲྭ་དེ་སྒོ་བརྒྱབས་པ་ནི་མི་གང་ཡང་རུང་བའི་དབང་ཆ་སྒེར་གཅོད་དང་ལས་ཁུངས་གང་རུང་གིས་ཕྱོགས་ཞེན་དང་བཙན་གནོན་བྱས་པ་མ་ཡིན་པར་རྒྱལ་ཁབ་ཀྱི་ལས་རིགས་ཆེད་ལས་སློབ་གྲྭའི་ཚད་གཞི་དང་མཚོ་སྔོན་ཞིང་ཆེན་ཏང་ཨུའི་ཡིག་ཆའི་དགོངས་དོན་ལྟར་སྒྲུབ་མཚམས་བཞག་སྐོར་རྒྱ་བོད་གཉིས་ཀྱི་ཐོག་ནས་སྤེལ་སོང་། གོང་གི་གསལ་བསྒྲགས་དང་དྲི་ལན་དག་ལས་མི་འདོད་བཞིན་དུ་རྒྱ་གཞུང་གིས་བཙན་གྱིས་སྒོ་བརྒྱབས་པ་ཞིག་ཡིན་འདུག  སྐབས་དེར་བྱེས་ཀྱི་མི་མང་པོ་ཞིག་གིས་སྒོ་བརྒྱབས་པའི་འཇིགས་མེད་རྒྱལ་མཚན་མི་རིགས་ལས་རིགས་སློབ་གྲྭ་ཞེས་པ་ནི་རྭ་རྒྱ་ཤེས་རིག་སློབ་གླིང་ཡིན་པ་ཤེས་མེད་པ་རེད་ལ། ཡིད་ཆེས་ཀྱང་བྱས་མེད།...

ཟླ་འདིའི་ཚེས་༡༨ ཨ་རིའི་སྐུ་ཚབ་རྣམས་བཞུགས་སྒར་དྷ་རམ་ས་ལ་འབྱོར་བའི་ཉིན་མོར། ཞི་ཅིན་ཕིང་མཚོ་སྔོན་ཕྱོགས་སུ་བོད་ཀྱི་ས་ཆར་སླེབས་ཡོད་འདུག་པ་དང་། སྐབས་དེར་བོད་ཀྱི་དགོན་པ་ཙོང་ཁ་དགོན་བརྩེ་ཆེན་དར་རྒྱས་གླིང་དང་ཟི་ལིང་གྲོང་ཁྱེར་དུ་ཡོད་པའི་མགོ་ལོག་ཟི་ལིང་མི་རིགས་སློབ་འབྲིང་ཞེས་པར་ལྟ་སྐོར་ཕྱིན་ཡོད་འདུག་པ་དང་།  ཞི་ཅིན་ཕིང་སླེབ་སྐབས་ས་གནས་བོད་མི་ཚོར་དམ་དྲག་ཆེན་པོ་བྱས་ཡོད་པའི་གནས་ཚུལ་ཡང་འདུག རྒྱ་ནག་གཞུང་འབྲེལ་གྱི་བརྒྱུད་ལམ་ཁག་ཏུ་“གནས་དེས་སློབ་གསོའི་བྱ་བའི་ཤར་ནུབ་རྒྱུད་རོགས་རེས་དང་ཁ་གཏད་རོགས་སྐྱོར་བྱ་བར་སྐུལ་འདེད་གཏིང་ཟབ་བཏང་བ་དང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དུ་བཏང་བའི་སློབ་གསོ་དང་བོད་བརྒྱད་ནང་བསྟན་ལས་རིགས་ཀྱིས་རྒྱལ་གཅེས་ཆོས་གཅེས་ཀྱི་སྲོལ་རྒྱུན་བཟང་པོ་དར་སྤེལ་བཏང་བ། མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་བཏང་བ་སོགས་ཀྱི་གནས་ཚུལ་རྒྱུས་ལོན”བཅས་ཀྱི་ཆེད་དུ་ཡིན་པར་བཀོད་འདུག ལྷོ་རྒྱ་ནག་གི་ཞོགས་པའི་ཆ་འཕྲིན་གྱིས་གནས་ཚུལ་སྤེལ་བའི་ནང་།  ཞི་ཅིན་ཕིང་དགོན་པ་འདིར་འགྲོ་དོན་ནི་བོད་ཀྱི་ནང་པའི་རིག་གཞུང་ལ་དོ་སྣང་བྱེད་བཞིན་ཡོད་པ་སྟོན་ཆེད་དང་། གཞན་ཡང་སྔོན་མ་ཞི་ཅིན་ཕིང་གི་ཕ་ཞི་ཀྲུང་ཞུན་ཟེར་བ་དེ་རྒྱ་ནག་དམར་ཤོག་ཚོགས་པའི་ནུབ་བྱང་ལས་ཁུངས་ཀྱི་དྲུང་ཡིག་གཞོན་པ་དང་ནུབ་བྱང་དམག་དོན་དང་ཆབ་སྲིད་ཀྱི་འཐུས་མི་ལྷན་ཁང་གི་ཚོགས་གཙོ་གཞོན་པ་ཡིན་སྐབས། མའོ་ཡི་བཀའ་བཞིན་ཕྱི་ལོ ༡༩༥༡ ལོའི་ཟླ ༡༢...

གཞུང་ཆེན་རིས་མེད་བགྲོ་གླེང་ལྷན་ཚོགས་ཐེངས་བདུན་པ་བཀྲིས་ལྗོངས་ཁམས་པ་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ་དབུ་འཛུགས་གནང་འདུག ཕྱི་ཟླ༠༦ ཚེས་ ༠༣ ཉིན་ཆོས་རིག་ལས་ཁུངས་ནས་གོ་སྒྲིག་ཞུས་པའི་རིས་མེད་བགྲོ་གླེང་ཐེངས་བདུན་པ་དེ། བརྗོད་གཞི་ཚད་མའི་གཞུང་ལུགས་ཀྱི་བསྟན་དོན་འགའ་ཞིག་གི་ཐོག་རིས་མེད་ཆོས་སྡེ་ཁག་གི་མཁན་སློབ་དགེ་བཤེས་རྣམས་ཀྱིས་དཔྱད་རྩོམ་བགྲོ་གླེང་གནང་རྒྱུ་ཡིན་འདུག  གཞུང་ཆེན་རིས་མེད་བགྲོ་གླེང་ལྷན་ཚོགས་ཐེངས་བདུན་པ་འདི་ནི་ཆོས་རིག་ལས་ཁུངས་ནས་བཀྲིས་ལྗོངས་ཁམས་པ་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ་ཇི་ལྟར་རེ་སྐུལ་ཞུས་པ་བཞིན་ཞལ་བཞེས་ཐོབ་སྟེ་གོ་སྒྲིག་གནང་བ་ཞིག་རེད་འདུག་ལ། བགྲོ་གླེང་དབུ་འབྱེད་མཛད་སྒོའི་སྐབས་སུ་སྐུ་མགྲོན་གཙོ་བོར་ཁམས་པ་སྒར་གྱི་དབུ་འཛིན་༧སྐྱབས་རྗེ་ཁམས་སྤྲུལ་རིན་པོ་ཆེ་མཆོག་དང་། དམིགས་བསལ་སྐུ་མགྲོན་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་དྲུང་འཕར་ཀུན་དགའ་རྒྱལ་མཚན། ཁམས་པ་སྒར་འབྲུག་མཐོ་སློབ་དྷརྨ་ཀཱ་རའི་གཞུང་ཆེན་རིས་མེད་བགྲོ་གླེང་ཐེངས་བདུན་པའི་གོ་སྒྲིག་ཚོགས་ཆུང་གི་ཚོགས་གཙོ་མཁན་པོ་བསོད་ནམས་དབང་རྒྱལ་དབུས་པའི་་དགོན་ཁག ༣༢ ནས་དགེ་འདུན་པ་དང་བཙུན་མ་གྲངས་ ༢༥༠ ཙམ་མཉམ་ཞུགས་གནང་ཡོད་འདུག སྐབས་དེར་ཆོས་རིག་དྲུང་འཕར་ཀུན་དགའ་རྒྱལ་མཚན་གྱིས་༧གོང་ས་མཆོག་གི་བཀའ་དགོངས་བཞིན།...

ཟླ་འདིའི་ཚེས་༢༡ ་ཉིན་འགྲོ་བ་མིའི་ཐོབ་ཐང་ལྟ་རྟོག་ཚོགས་པས་ཤོག་གྲངས་༧༡ ཅན་གྱི་སྙན་ཐོ་ཞིག་འདོན་སྤེལ་བྱས་པའི་ནང་། རྒྱ་ནག་གཞུང་གིས་བཙན་ཤེད་ཀྱིས་བོད་མི་རྣམས་ཡུན་རིང་གནས་སྡོད་བྱེད་སའི་གྲོང་གསེབ་ནས་ས་གནས་གཞན་ལ་གནས་སྤོ་བྱས་དང་བྱེད་བཞིན་ཡོད་པ་དང་། རྒྱ་གཞུང་གི་འགོ་ཁྲིད་ཚོས་གནས་སྤོ་བྱས་ན་ལས་ཀ་རག་བདེ་བ་དང་ཡོང་འབབ་ཀྱང་མཐོ་རུ་འགྲོ་རྒྱུའི་རྫུན་གཏམ་སྤེལ་གྱི་ཡོད་པ། གནས་སྤོའི་ལས་གཞི་དེའི་འོག་ནས་བོད་ཀྱི་ཆོས་དང་རིག་གཞུང་། འཚོ་བ་རོལ་སྟངས་སོགས་ལ་གཏོར་བཤིག་ཐེབས་ཀྱི་ཡོད་པའི་གནས་ཚུལ་ཁག་ཅིག་བཀོད་འདུག ཟླ་འདིའི་ཚེས་༢༡ ་ཉིན་འགྲོ་བ་མིའི་ཐོབ་ཐང་ལྟ་རྟོག་ཚོགས་པས་སྙན་ཐོ་ཞིག་འདོན་སྤེལ་བྱས་ཡོད་པའི་ནང་། རྒྱ་ནག་གཞུང་གིས་གོ་རིམ་ལྡན་པ་དང་གནོན་ཤུགས་ཚད་ལས་བརྒལ་བ་སྤྲད་ནས་བཙན་ཤེད་ཀྱིས་བོད་མི་ཚོ་ཡུན་རིང་གནས་སྡོད་བྱེད་ས་ནས་ས་གནས་གཞན་དུ་གནས་སྤོ་བྱས་དང་བྱེད་མུས་ཡིན་པ་དང་། ཕྱི་ལོ་༢༠༡༦ ནས་བཟུང་བོད་རང་སྐྱོང་ལྗོངས་ཞེས་པའི་རང་སྐྱོང་ལྗོངས་ཀྱི་ལས་བྱེད་ཚོས་མི་གྲངས་༡༤༠༠༠༠ ལྷག་ཡོད་པའི་གྲོང་གསེབ་ལྔ་བརྒྱ་ཙམ་ས་གནས་གཞན་ལ་གནས་སྤོ་བྱས་དང་བྱེད་བཞིན་ཡོད་འདུག རྒྱ་གཞུང་གིས་གྲོང་གསེབ་གནས་སྤོས་འཚོ་བ་ཡར་རྒྱས་གཏོང་རྒྱུ་དང་སྐྱེ་ཁམས་ཁོར་ཡུག་སྲུང་སྐྱོབ་བྱེད་རྒྱུ་ཡིན་ཞེས་རྫུན་བཤད་པ་དང་། གནས་སྤོ་བྱས་ཟིན་པ་རྣམས་རང་གནས་སུ་ལོག་རྒྱུ་ལ་བཀག་འགོག་ཆེད་གནས་སྤོ་བྱས་ནས་ལོ་ངོ་གཅིག་གི་ནང་ཚུད་དུ་ཤུལ་ལུས་ཁང་པ་སོགས་ངེས་པར་དུ་གཏོར་བཤིག་གཏོང་དགོས་པའི་བཀའ་གཏོང་གི་ཡོད་འདུགས་གནས་བོད་མི་ཚོས་གྲོང་གསེབ་གནས་སྤོ་ལ་མོས་མཐུན་མེད་པའི་སྐད་ཆ་བཤད་ཚེ།...

ཕྱི་ལོ་༢༠༢༤ ལོའི་ཨེ་ཤེ་ཡའི་རི་ཁུལ་རྐང་འཁོར་ལེགས་སྐྱེས་འགྲན་བསྡུར་ཁྲོད་མཚོ་སྔོན་གྱི་རི་ཁུལ་རྐང་འཁོར་ལུས་རྩལ་པ་གཡང་མོ་མཚོ་ལ་ཨང་གསུམ་པའི་བྱ་དགའ་ཐོབ་འདུག ཟླ་འདིའི་ཚེས་༨ ནས་༡༢ བར། ཕྱི་ལོ་༢༠༢༤ ལོའི་ཨེ་ཤེ་ཡའི་རི་ཁུལ་རྐང་འཁོར་ལེགས་སྐྱེས་འགྲན་བསྡུར་དང་ཨེ་ཤེ་ཡའི་རི་ཁུལ་རྐང་འཁོར་གྱི་གཞོན་ནུའི་ལེགས་སྐྱེས་འགྲན་བསྡུར་གྱི་(U23) ཚོགས་ཆུང་དང་གཞོན་ནུའི་ཚོགས་ཆུང་གི་ཨོ་ལིམ་ཕིག་བྱེས་བགྲོད་འགྲན་བསྡུར་དེ་མ་ལེ་ཤེ་ཡའི་(Malaysia) ནང་ཡོད་པའི་པུ་ཊར་རྗ་ཡ་(Putrajaya) ་ཞེས་པའི་ཁུལ་དུ་འཚོགས་ཡོད་འདུགཚེས་༡༡ ་ཉིན་སྤེལ་བའི་བུད་མེད་དར་མའི་བྱེས་བགྲོད་འགྲན་བསྡུར་དེའི་ནང་། མཚོ་སྔོན་ཞིང་ཆེན་གྱི་རི་ཁུལ་རྐང་འཁོར་ལུས་རྩལ་པ་གཡང་མོ་མཚོས་ཨང་གསུམ་པའི་ཕུལ་བྱུང་གྲུབ་འབྲས་བླངས་ཡོད་འདུག གཞན་ཡང་གཡང་མོ་མཚོར་ན་ནིང་འགྲན་བསྡུར་དེའི་བུད་མེད་དར་མའི་རྒྱལ་ཕམ་འགྲན་བསྡུར་ནང་དངུལ་གྱི་རྟགས་མ་དང་བུད་མེད་དར་མའི་བྱེས་བགྲོད་འགྲན་བསྡུར་ནང་ཨང་བཞི་པ་ཐོབ་ཡོད་འདུགབརྒྱུད་ལམ་ཁག་གི་གནས་ཚུལ་ལྟར་ན་ཁོང་མོ་ནི་བོད་ནང་གི་མཚོ་སྔོན་ཞིང་ཆེན་མདོ་ལ་རྫོང་ནས་ཡིན་ཞིང་། ཕྱི་ལོ་༢༠༡༩ ལོ་ནས་རྒྱ་ནག་རྒྱལ་ཡོངས་རི་ལུང་ཐང་གསུམ་རྐང་འཁོར་མཉམ་འབྲེལ་འགྲན་སྡུར་ཁྲོད་ཞུགས་པ་དང་།...

བོད་ཀྱི་ཡིག་གཟུགས་ཉིན་མོ་དང་བསྟུན་ནས་པདྨ་གསེར་སྨྱུག་རྟགས་མའི་བོད་ཀྱི་ཡིག་གཟུགས་འགྲན་བསྡུར་སྐབས་དང་པོའི་གཟེངས་བསྟོད་མཛད་སྒོ་ཆེན་མོ་ཁྲི་འདུ་གྲོང་ཁྱེར་དུ་འཚོགས་འདུག  ཕྱི་ཟླ་༤ ཚེས་༣༠ ནི་བོད་ཀྱི་ཡིག་གཟུགས་ཀྱི་ཉིན་མོ་གཏན་འཁེལ་གནང་ཡོད་པ་བཞིན། དེ་རིང་བོད་ནང་དུ་པདྨ་གསེར་བྲིས་གླིང་། ཁམས་པའི་བརྙན་འཕྲིན་ཁང་། ཟི་ཁྲོན་ཞིང་ཆེན་ཐང་ག་དང་ཡིག་སྒྱུ་རྩལ་ཡར་སྐུལ་ལྷན་ཚོགས། ཀྲུང་འགོ་བོད་ཀྱི་ཡིག་གཟུགས་དྲྭ་བ་ཟེར་བ་བཅས་ནས་མཉམ་སྒྲུབ་ཀྱིས་ཡིག་གཟུགས་འགྲན་བསྡུར་གྱི་ལམ་ནས་བོད་ཀྱི་ཡིག་གཟུགས་ཀྱི་ཉིན་མོ་སྲུང་བརྩི་ཞུས་འདུག འགྲན་བསྡུར་གྱི་གྲུབ་འབྲས་ཁྱབ་བསྒྲགས་མ་བྱས་སྔོན་པདྨ་གསེར་བྲིས་གླིང་གིས་པར་རྩའི་མ་དཔེ་བྲིས་པ་བླ་བྲང་བྲིས་རྙིང་དཔང་ལོའི་ཕྱག་རྒྱུན་སོགས་བོད་ཀྱི་རྩིས་འཕྲུལ་ཡིག་གཟུགས་ཁག་དགུ་དབུ་འབྱེད་དང་འགྲེམས་སྤེལ་གནང་སོང་།དེ་བཞིན་བོད་ཀྱི་ཡིག་གཟུགས་ཀྱི་སློབ་མ་མང་པོ་སྐྱོང་མཁན་དང་ཡིག་མཁན་རྒན་པ་གྲགས་ཅན་དང་། དེ་བཞིན་ཡིག་གཟུགས་ཀྱི་སློབ་གསོ་བས་མཚོན་ཕྲུ་གུའི་ཡིག་མཁན་སོགས་ལ།  རྫོགས་རིམ་གསུམ་པའི་ཡིག་མཁན་དང་། རྫོགས་རིམ་ཡིག་མཁན། སློབ་གསོའི་བྱ་དགའ། སློབ་གསོའི་སྡེ་ཁག་གི་བྱ་དགའ། ཀ་རིམ་ཡིག་མཁན་ལ་ཆེད་དུ་བྱ་དགའ་སོགས་གནང་སོང་།...

བོད་ནང་བོད་ཡིག་དགེ་རྒན་ཞིག་རྒྱ་ནག་གཞུང་གི་བཙན་སྐུལ་ལྟར་སློབ་ཕྲུག་ཚོ་ལ་སློབ་གསོ་རྒྱག་གི་མེད་པའི་ཉེས་མིང་འོག་སློབ་གྲྭ་ནས་གནས་དབྱུང་བཏང་ཡོད་འདུག  ཕྱི་ཚེས་༡༧ ཉིན་བོད་གནས་ལྟ་གཞི་ཁང་གིས་གནས་ཚུལ་སྤེལ་གསལ་ལྟར་ན། འདི་ལོའི་ཕྱི་ཟླ་༣ པའི་ཟླ་དཀྱིལ་ཙམ་ལ་བོད་མདོ་སྨད་རྔ་བ་རྫོང་རྨེའུ་རུ་མའི་སློབ་ཆུང་བོད་ཡིག་དགེ་རྒན་ཞིག་ལས་གནས་ལས་གནས་དབྱུང་བཏང་ཡོད་འདུག དགེ་རྒན་དེའི་མཚན་ལ་དོན་ཡོད་ཡིན་འདུག་པ་དང་། ཁོང་གིས་འདས་པའི་ལོ་༡༥ རིང་བོད་ཡིག་སློབ་མྱོང་ཡོད་འདུག དུས་རྒྱུན་ནས་དགེ་རྒན་ཁོང་ལ་སློབ་མ་ཚོས་དགའ་གུས་ཆེན་པོ་བྱེད་ས་ཞིག་ཡིན་ཞིང་། ཕ་མ་ཚོས་ཀྱང་དགེ་རྒན་ཁོང་ལ་གུས་བཀུར་ཆེན་པོ་བྱེད་ཀྱི་ཡོད་འདུག་ཀྱང་། ཉིན་ཞིག་རྒྱ་གཞུང་ནས་ཁོང་ལས་ཁུངས་སུ་སྐད་བཏང་ནས་རྒྱལ་ཁབ་ཀྱི་གཏན་འབེབས་སློབ་གསོ་ལྟར་སློབ་མ་ཚོར་སློབ་གསོ་རྒྱག་དགོས་པའི་ཉེས་བརྡ་བཏང་ཡོད་འདུག རྔ་བ་རྫོང་རྨེའུ་རུ་མའི་སློབ་ཆུང་དེའི་ནང་ཕྱི་ལོ་༢༠༡༨ བར་སློབ་ཚན་རྣམས་བོད་ཡིག་ནང་སློབ་ཀྱི་ཡོད་འདུག་ཀྱང་ཕྱིས་སུ་རྒྱ་ཡིག་ནང་སློབ་བཅུག་ཡོད་འདུག ད་ཆར་དྲྭ་ཐོག་ཏུ་བརྙན་འགའ་ཁྱབ་བཞིན་འདུག་པས། བརྙན་དེ་དག་གི་ནང་དགེ་རྒན་ཁོང་སློབ་གྲྭའི་རྒྱ་སྒོ་ནས་ཕྱིར་ཐོན་བཞིན་པའི་སྐབས་སུ།...