ཕྱི་ལོ་༢༠༡༡ ཟླ་བ་༡༢ ཚེས་༡ ཉིན་<<བོད་ཀྱི་དུས་བབ>>དྲ་རྒྱའི་ནང་ཐོན་གསལ་གངས་སྐྱིད་སྤྱི་ཐབ་ཚོགས་ཁང་དུ་འཛམ་གླིང་རེག་དུག་ཉིན་མོ་སྲུང་བརྩི་བྱས་ཏེ། འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་དབུ་བཞུགས་ཐོག “སཱོ་ལཎ་གཞིས་ཆགས་ནས་ཡིན་པའི་གཉན་ནད་རེག་དུག་ཕོག་མཁན་སྐུ་ཞབས་བློ་བཟང་ལགས་ཀྱིས་ ཁོང་དང་ཁོང་གི་ཆུང་མ་གཉིས་ལ་ཐོག་མར་རེག་དུག་ནད་གཞི་ཇི་ལྟར་ཕོག་མིན་དང་།
༈ བོད་ཀྱི་བང་ཆེན་སློབ་སྟོན་པ་དང་རྩོམ་སྒྲིག་པ་གཙོས་ལས་བྱེད་ཐུན་མོང་ལ
ཆེད་ཞུ། ད་ལམ་ཕྱི་ལོ་༢༠༡༡ ཟླ་༡ ཚེས་༡༢ ཉིན་ཁྱེད་རྣམས་ཀྱི་གསར་ཤོག་ངོས་གཉིས་པའི་ནང་༼གངས་འབྲོང། རྒྱ་གར་ལྷོ་ཕྱོགས་རྣམ་གྲོལ་གླིང།༽ ཞེས་པ་ལ་སོགས་པའི་དགོན་པའི་མིང་བེད་སྤྱད་ཀྱིས། གནས་ཚུལ་གཏོང་མཁན་གྱི་མིང་དང་ཁ་བྱང་སོགས་ཁུངས་ལུང་མེད་པ་ཞིག་གསར་ཤོག་ནང་བཀོད་གནང་འདུག
ཕྱི་ལོ་༢༠༠༩ ཕྱི་ཟླ་༧ ཚེས་༨ ཉིནའདོན་ཐེངས༢༣༦ ནང་གནས་ཚུལ་ལ་ཉེ་འཆར་ལ་དྭགས་སུ་ྋགོང་ས་མཆོག་གི་འཁྲུངས་སྐར་སྲུང་རྩི་ཞུས་པའི་ཉིན་དེར་སྐུ་མགྲོན་དུ་བོད་མི་མང་སྤྱི་འཐུས་ཚོགས་གཙོ་ཟུར་བ་ཀརྨ་ཆོས་འཕེལ་ལགས་ཕེབས་ཡོད་པ་ནི་དྲང་པོའི་གནས་ཚུལ་དང༌། ཡིན་ཡང་སྤྱི་འཐུས་དབུ་དཀར་གཡུ་སྒྲོན་ལགས་ལ་དྭགས་ལ་སྐུ་མགྲོན་དུ་ཕེབས་ཡོད་པ་རེད་ཅེས་གནས་ཚུལ་བཀོད་ཡོད་པ་དེ་ནི་རྗུན་སྨྲ་བ་ཞིག་ཡིན་པ་ནི་འབྲེལ་ཡོད་སྤྱི་འཐུས་ལགས་བཀའ་འདྲི་ཞུས་ན་ཁ་གསལ་གནས་ཚུལ་ཐོབ་པ་ཡོང་རྒྱུ་ལས་གནས་ཚུལ་རྗུན་མ་བཀོད་འདོད་མེད། གནས་ཚུལ་འདི་དག་བཅོས་བྱེད་དགོས།
རྩོམ་སྒྲིག་པའི་གསལ་བཤད།
༄༅། བོད་ཀྱི་བང་ཆེན་གསར་ཤོག་རྩོམ་སྒྲིག་ལྷན་རྒྱས་ལ།
ཆེད་ཞུ། དེ་གའི་ཕྱི་ལོ་ ༢༠༠༩།༤།༢༩ འཁོད་གསར་ཤོག་འདོན་ཐེངས་ ༢༢༦ ནང་༼ནག་ཚོང་ཁྲོམ་རའི་ནང་གི་ལག་དེབ་ལྗང་ཁུ་༽ཞེས་པའི་འགོ་བརྗོད་འོག་སྤྱི་ཚོགས་ནང་མི་མགོ་བདེ་དྲན་འཕྲུལ་སྐབས་འཚོལ་རིང་ལུགས་པ་རེ་ཟུང་གིས་དཔྱ་དེབ་གཅིག་ལ་སྒོར་ཆིག་འབུམ་ཉིས་ཁྲི་ལྷག་བྱས་ནས་བཙོང་བཞིན་པའི་གནས་ཚུལ་རེ་ཟུང་ཡོང་གི་ཡོད་ཚུལ་འདུག་པ་དང། བདེན་མིན་གང་ལྟར་ཡང་དཔལ་འབྱོར་ལས་ཁུངས་ནས་གློག་ཀླད་ནང་ཞིབ་བཤེར་བྱས་ཀྱང་དེར་འཁོད་ཐུབ་པའི་ཁས་ལེན་ཡང་བྱེད་བཞིན་ཡོད་ཚུལ་སོགས་འཁོད་པ་ནས་ལག་དེབ་རྫུན་མ་ཉོ་ཚོང་བྱེད་མཁན་ཡོད་མེད་ཞུ་ཚོད་མ་ཐུབ་ཀྱང། དཔལ་འབྱོར་ལས་ཁུངས་ཀྱི་གློག་ཀླད་ནང་འཁོད་ཐུབ་པའི་ཁས་ལེན་བྱེད་བཞིན་ཡོད་པའི་གནས་ཚུལ་དེ་གཞི་བདེན་གང་ཡང་མེད་པའི་གཏམ་འཆལ་ཞིག་ཡིན་མོད།
༄༅།།མཁྱེན་ཡངས་བོད་ཀྱི་བང་ཆེན་རྩོམ་སྒྲིག་པ་ལགས་ཀྱི།དྲུང་དུ་ཞུ་དོན། སྐུ་ཉིད་ཀྱིས་རྩོམ་སྒྲིག་གནང་བའི་བང་ཆེན་གསར་ཤོག་འདི་བཞིན་ཉིན་རེ་ནས་ཉིན་རེ་བཞིན་ཡར་རྒྱས་སུ་ཕྱིན་ཏེ་ད་བར་མི་མང་གིས་གདེང་འཇོག་ཆེན་པོ་གནང་སྟེ་རྒྱབ་སྐྱོར་ཤུགས་ཆེ་ཐོབ་པ་དེ། སྐུ་ཉིད་ཀྱིས་གཙོས་ལས་བྱེད་རྣམས་ཀྱིས་དྲང་བདེན་ལ་གཞི་བཅོལ་ཏེ་གང་ཡིན་པ་དང༌། གང་མཐོང་བ་གཉིས་གཙོ་འདོན་བྱས་པའི་འབྲས་བུ་ཞིག་ཡིན་པ་གདོན་མི་ཟ་བས་སྙིང་ནས་རྗེས་སུ་ཡི་རངས་ཞུ། དེ་རིང་གུས་པའི་ཞུ་དོན་དེ་བོད་ཀྱི་བླ་ཆེན་ཞིག་གི་མཚན་འགོད་སྟངས་དེ་ཡིན། ས་སྐྱ་བདག་ཁྲི་རིན་པོ་ཆེ་ཞེས་པ་དེ་ྋགོང་ས་སྐྱབས་མགོན་ཆེན་པོས་བདག་ཁྲི་རིན་པོ་ཆེ་ཞེས་གསུངས་ནའང༌། དེ་ནི་དགོས་པ་ངེས་ཅན་ཞིག་ཡིན་པ་ལས་ང་ཚོ་འདྲ་བས་ཚོད་དཔག་གཏན་ནས་བྱེད་མི་ཐུབ། རྗེས་སུ་རིན་པོ་ཆེའི་མཚན་འགོད་དུས་དཔལ་ས་སྐྱ་ྋགོང་མ་བདག་ཁྲི་རིན་པོ་ཆེ་ལབ་ན་འགྲིག་རྒྱུ་དང༌། གལ་སྲིད་ཡིག་ཚོགས་ཆེ་ན་ས་སྐྱ་ྋགོང་མ་རིན་པོ་ཆེ་ཞུས་ན་ཤིན་ཏུ་འཐད། སྤྱིར་བླ་མའི་མཛད་པ་འཕྲིན་ལས་དེ་ཚོའི་རིགས་དེ་མིང་འགོད་སྟངས་དང་ཁྱབ་བསྒྲགས་སོགས་གཙོ་བོ་མིན་ནའང༌། དོན་གཉེར་ཅན་གྱི་རིགས་དང་ཕྱིས་འབྱུང་མི་རབས་གསར་པ་ཚོ་ལ་ངན་པ་ལང་ཤོར་མི་འགྲོ་བ་བྱ་རྒྱུ་གཙོ་བོར་བཟུང་སྟེ། རྩོམ་སྒྲིག་པ་ཁྱེད་ལ་གནས་ཞུ་འདི་འབུལ་དགོས་བྱུང་བས་དགོངས་འགལ་མེད་པ་མཁྱེན། སྤྱིར་ཁྱེད་ཀྱིས་གོང་མ་རིན་པོ་ཆེའི་མཛད་འཕྲིན་སྐོར་གསར་འགྱུར་ཕུལ་མཁན་བྱུང་ན་ངོས་བཞེས་གནང་སྟེ་དུས་ནས་དུས་སུ་ཁྱབ་བསྒྲགས་ལན་མང་གནང་སོང་བས་སྙིང་ནས་བཀའ་དྲིན་རྗེས་སུ་དྲན་ཆོག་པ་མ་ཟད། ཕྱིས་འབྱུང་ཡང་དེ་བཞིན་བྱ་རྒྱུའི་རེ་བ་གཙང་མ་ཡོད་པས་དེ་དོན་དགོངས་འཇགས་འཚལ།ས་སྐྱ་མ་དགོན་ནས་སྨར་ཁམས་པ་ཐུབ་བསྟན་རྒྱལ་མཚན་གྱིས་ཕྱི་ལོ་༢༠༠༩ ཟླ་༤...
