རྩེད་རིག

ཟླ་འདིའི་ཚེས་༨ ཉིན་རྒྱ་གར་གྱི་ཀང་ར་རྫོང་གི་རྐང་རྩེད་སྤོ་ལོའི་རུ་ཁག་དང་བོད་རྒྱལ་ཡོངས་རྐང་རྩེད་སྤོ་ལོའི་རུ་ཁག་གཉིས་དྷ་སྟེང་བོད་ཁྱིམ་རྩེད་ཐང་དུ་རྩེད་འགྲན་བྱས་ནས། བོད་པའི་རུ་ཁག་ལ་སྤོ་ལོ་གསུམ་ཐོབ་པ་དང། རྒྱ་གར་རུ་ཁག་ལ་སྤོ་ལོ་གཅིག་ཀྱང་མ་ཐོབ་པར་ཀླད་ཀོར་ཆགས་ཡོད་པ་རེད།

བོད་གཞུང་གི་སྲི་ཞུ་བ་ན་གཞོན་ཁག་གཅིག་གིས་དང་བླང་ཐོག་ནས། ལྷན་ཁང་ཁག་དང་གཞུང་འབྲེལ་མ་ཡིན་པའི་ཚོགས་པ་ཁག་བཅས་ཀྱི་ལས་བྱེད་རྣམས། ནང་ཕན་ཚུན་མཐུན་ལམ་དང། དེ་བཞིན་གཟུགས་པོའི་ལུས་རྩལ་དང་འབྲེལ་བའི་འཕྲོད་བསྟེན་ལ་དམིགས་ནས། གཞུང་གི་ལྷན་ཁང་ཁག་དང། གངས་སྐྱིད་ཀྱི་ཉེ་འཁོར་གྱི་རྩེད་འགྲན་པ་རྣམས་རུ་ཁག་ཆ་བགོས་ཀྱིས་གངས་སྐྱིད་དུ་བདུན་འགའི་རིང་ལག་རྩེད་སྤོ་ལོ་འགྲན་སྡུར་བྱས་ཡོད་པ་དང།

ཟླ་འདིའི་ཚེས་༢༠ ཉིན་སྐུ་ཞབས་ཡུ་སཱན་བྷོལ་ཊས་སླར་ཡང་རྒྱུག་རྩལ་འགྲན་ཚོགས་ཀྱི་ལོ་རྒྱུས་ནང་བྱུང་མྱོང་མེད་པའི་རྒྱལ་ཁ་བླངས་ཡོད་པ་རེད། དེ་ཡང་རྒྱལ་སྤྱིའི་ལུས་རྩལ་འགྲན་ཚོགས་ཐེངས་༡༢ པའི་འཛམ་གླིང་ཕུལ་བྱུང་འགྲན་སྡུར་ད་ལྟ་འཇར་མན་གྱི་རྒྱལ་ས་བྷར་ལཱན་གྱི་ཨོ་ལིམ་པིག་ཚོགས་ཁང་དུ་འཚོག་བཞིན་ཡོད་པ་དང་།

རྐང་རྩེད་སྤོ་ལོའི་རྩེད་འགྲན་སྐབས་འཁྲུག་རྩོད་ཤོར་བ་དེར་མཐའ་མའི་ཐག་ཆོད་དེ་རུ་ཁག་གཉིས་ཀ་རྩེད་འགྲན་ནང་ནས་ཕྱིར་ཕུད་བཏང་བ་རེད་ཅེས་རྩེད་རིགས་ཚོགས་ཆུང་གི་དྲུང་ཆེ་སྐལ་བཟང་དོན་གྲུབ་ལགས་ཀྱིས་གསུངས་སོང།
    རྒྱལ་ཡུམ་ཆེན་མོའི་རྐང་རྩེད་སྤོ་ལོའི་རྩེད་འགྲན་གྱི་དབུ་འབྱེད་མཛད་སྒོའི་ཐོག་རྒྱལ་དབང་ཀརྨ་མ་པ་མཆོག་གིས་“ྩེད་འགྲན་འདིར་དགའ་ཞེན་དང། དོ་སྣང་བྱས་ནས་མི་མང་པོ་འཛོམས་ཡོད་པ་རེད། དེའི་ཐོག་ནས་གཅིག་གྱུར་གྱི་ནུས་པ་དང་སྤྲོ་སྣང་མཚོན་ཐུབ་པ་ཞིག་ཡོང་གི་རེད་བསམ་གྱི་འདུག་”ཅེས་གསུངས་ཡོད་པ་དང། རྩེད་རིགས་ཚོགས་ཆུང་གི་དྲུང་ཆེས་“རྐང་རྩེད་སྤོ་ལོའི་རྩེད་འགྲན་ཐེངས་བཅོ་ལྔ་བྱས་པ་རེད། དེའི་རིང་རྩེད་འགྲན་པ་རང་གི་ནང་དུ་འཁྲུག་རྩོད་ཐེངས་གཅིག་ཀྱང་ཤོར་མྱོང་མེད། དཀའ་ངལ་དེ་མང་ཚོགས་ཀྱི་ནང་ནས་འཕྲད་ཀྱི་འདུག ཚང་མས་དགོངས་པ་བཞེས་རོགས་”ཞེས་འབོད་སྐུལ་གནང་ཡོད་པ་རེད།

འདི་ལོའི་རྒྱལ་ཡུམ་ཆེན་མོའི་རྐང་རྩེད་སྤོ་ལོའི་རྩེད་འགྲན་ནང་བཙན་བྱོལ་བོད་མིའི་ས་གནས་གང་ས་ནས་ཡོང་བའི་རུ་ཁག་དགུ་མཉམ་ཞུགས་བྱས་ཏེ། ཉིན་བཅུའི་རིང་དྷ་ས་བོད་ཁྱིམ་སློབ་གྲྭའི་རྩེད་ཐང་དུ་འགྲན་སྡུར་བྱས་པ་དང། མཐའ་མའི་རྩེད་འགྲན་ཟླ་འདིའི་ཚེས་༩ ཉིན་བྱས་ཏེ། ཨང་དང་པོ་རྒྱ་གར་ལྷོ་ཕྱོགས་མོན་གྷོ་ས་གནས་ཀྱི་པོ་ཏ་ལ་རུ་ཁག་ལ་ཐོབ་ཡོད་པ་རེད། ཨང་གཉིས་པ་མ་ཏི་ར་སི་རུ་ཁག་ལ་ཐོབ་པ་དང། རྩེད་འགྲན་མཇུག་བསྡོམས་མཛད་སྒོའི་ཐོག་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་ཕེབས་ནས་རྩེད་འགྲན་གཟེངས་རྟགས་ཀྱི་ཕོར་བ་གནང་ཡོད་པ་རེད།།

ཟླ་འདིའི་ཕྱི་ཚེས་༧ ཉིན་སྟེ། ས་ག་ཟླ་བའི་ཚེས་༡༥ དགོང་མོ་༢༠༠༩ ལོའི་བོད་ཀྱི་མཛངས་མའི་འགྲན་སྡུར་གྱི་རྩེ་ཕུད་དྷ་རམ་ས་ལ་ནས་ཡིན་པ་རང་ལོ་༢༠ ཅན་གྱི་བུ་མོ་བསྟན་འཛིན་ཆོས་འཛོམས་ལ་ཐོབ་སྟེ། བཅོ་ལྔའི་དུང་ཟླའི་འོག་ནས་ལྟད་མོ་བ་ཆེས་མང་བའི་སྐད་སྒྲའི་ཁྲོད་མཛངས་མའི་དབུ་རྒྱན་གཡོགས་པ་དང། མོས་མ་འོངས་པར་མུ་མཐུད་སློབ་སྦྱོང་བྱས་ནས་མི་ཡག་པོ་ཞིག་ཆགས་ཐུབ་པ་བྱེད་རྒྱུ་མ་ཟད། བོད་རྒྱལ་ཁབ་ཀྱི་ཆེད་དུ་ལས་ཀ་བྱེད་ཐུབ་མཁན་ཞིག་བྱེད་རྒྱུ་ཡིན་ཞེས་བརྗོད་ཡོད་པ་རེད། འགྲན་རྩོད་དེ་མཇུག་རྫོགས་རྗེས་ལྟད་མོ་བའི་ནང་ནས་ཕོ་གསར་ཁག་ཅིག་གི་བར་འཁྲུག་འཛིང་ཡང་ཤོར་ཡོད་པ་རེད།

ཟླ་འདིའི་ཚེས་༥ ཉིན་༢༠༠༩ ལོའི་བོད་ཀྱི་མཛངས་མའི་འགྲན་སྡུར་ཞུགས་མཁན་རྣམས་ཀྱིས་རྐྱལ་གོས་འགྲན་སྡུར་བྱས་པ་དང། སོ་སོས་གསར་འགོད་པའི་དྲི་བར་ལན་འདེབས་བྱས་ཡོད་པ་རེད། འགྲན་སྡུར་དེའི་ནང་བུད་མེད་བཞི་མཉམ་ཞུགས་བྱས་ཡོད་པ་དང། ལོ་ཆེ་ཤོས་༢༤ དང་ཆུང་ཤོས་༡༨ ཡིན་པ་རེད།

རྒྱལ་ཡུམ་ཆེན་མོའི་རྐང་རྩེད་སྤོ་ལོའི་རྩེད་འགྲན་ཐེངས་༡༥ པ་དེ་ཕྱི་ཟླ་༥ པའི་༣༡ ནས་འགོ་འཛུགས་ཀྱིས་དྷ་ས་བོད་ཁྱིམ་རྩེད་ཐང་དུ་རྩེ་བཞིན་ཡོད་པ་དང། རྩེད་འགྲན་དེའི་ནང་བཙན་བྱོལ་བོད་མི་གནས་སྡོད་བྱེད་སའི་ས་གནས་ཁག་ནས་རྩེད་འགྲན་རུ་ཁག་༡༨ མཉམ་ཞུགས་བྱས་ཡོད་པ་རེད། དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོར་རྒྱལ་དབང་ཀརྨ་པ་མཆོག་ཕེབས་ཡོད་པ་དང། དེ་བཞིན་བོད་གཞུང་གི་ཆེས་མཐོའི་ཁྲིམས་ཞིབ་པ་དང། སྤྱི་འཐུས་ཚོགས་གཙོ་དང་ཚོགས་གཞོན་གྱིས་དབུས་སྤྱི་འཐུས་ཁག་ཅིག།བོད་གཞུང་གི་བཀའ་བློན་ཁག་ཅིག་བཅས་ཕེབས་ཡོད་པ་རེད།

ཟླ་འདིའི་ཚེས་༢༩ ཉིན་བོད་ཀྱི་མཛངས་མའི་འགྲན་སྡུར་གོ་སྒྲིག་པ་བློ་བཟང་དབང་རྒྱལ་ལགས་ཀྱིས་ཕྱི་ལོ་༢༠༠༩ ལོའི་བོད་ཀྱི་མཛངས་མའི་འགྲན་སྡུར་རྗེས་མའི་ཕྱི་ཟླ་༦ ཚེས་༥ ནས་ཉིན་གསུམ་རིང་བྱེད་རྒྱུ་དང༌། མཛངས་མའི་འགྲན་སྡུར་ནང་ཞུགས་མཁན་བུ་མོ་བཞི་བྱུང་བ་བཅས་ཀྱི་གསར་འགོད་གསལ་བསྒྲགས་བྱས་ཡོད་པ་རེད།
    ད་ལོའི་བོད་ཀྱི་མཛངས་མའི་འགྲན་བསྡུར་ནང་དུ་ཞུགས་མཁན་ནི། སྒྲོལ་དཀར། ས་གནས་དྷེ་ར་དྷུན་དང༌། B.comདང་མཉེན་ཆས་འཆར་འགོད་ཀྱི་སློབ་སྦྱོང་ཐོན་པ་ཞིག་ཡིན་པ་དང༌། ལོ་༢༤།ངག་དབང་ཆོས་དབྱིངས། ས་གནས་དྷར་རྗེ་གླིང་དང༌།