བདམས་ཐོན་དབུས་འོས་བསྡུ་ལས་ཁང་གི་འགན་འཛིན་དང་ལས་བྱེད་འདེམས་ལྷན་གྱི་ཚོགས་མི་བཅས་ནས་ལས་འཁུར་དམ་འབུལ་ཞུས།
བོད་དོན་དྲིལ་བསྒྲགས་ཀྱི་ཞི་བའི་རྒྱང་རྒྱུགས་ཐེངས་ལྔ་པ་མཇུག་བསྒྲིལ་འདུག
བསོད་ནམས་དབང་ཕྱུག་ནས་རྒྱ་གར་དབུས་གཞུང་གིས་ལ་དྭགས་ཀྱི་མངོན་འདོད་སྒྲུབ་དགོས་པའི་འབོད་སྐུལ་ཞུས།
༧སྐྱབས་མགོན་ས་སྐྱ་༧གོང་མ་ཁྲི་ཆེན་མཆོག་གི་གྱ་སྟོན་སྲུང་བརྩི་དང་བརྟན་བཞུགས་བསྟར་འབུལ།
ཝི་ཏི་ནམ་གྱི་ཉ་པ་ཚོར་རྒྱ་ནག་གི་མི་༤༠ ཡིས་རྡུང་རྡེག་དྲག་པོ་བྱས་ནས་རྨས་སྐྱོན་ཚབས་ཆེན་ཕོག་ཡོད་འདུག
རྩོམ་པ་པོ། ནགས་ཤོད་ཅོང་བརྡ། ངས་འདི་ནས་སྣང་མེད་དུ་ལྷག་པའི་མི་བུ་ཉམ་ཆུང་ཞིག་གླེང་ན་འདོད་སོང་། ཁོང་ནི་རྒན་ཚེ་དབང་ངམ་ཡང་ན་དགེ་རྒན་ཚེ་དབང་རྒྱལ་མཚན་འབོད་པ་དེ་རེད། ཁོ་རང་ནི་འབྲོག་ཁྱིམ་ཕལ་པ་ཞིག་ཏུ་ལྟེ་ཐག་བཅད་པ་དང་། ཕ་མེས་ཀྱི་ཤུགས་རྐྱེན་གྱིས་ཆུང་དུས་ནས་གཞས་ཞབས་བྲོ་འཁྲབ་རྒྱུར་ཁོ་རང་གི་དགའ་ཕྱོགས་ཤིག་ཡིན་པ་འདྲ། ཕྱི་ལོ་༢༠༠༨ ཡས་མས་ཤིག་ལ་རྒྱ་གར་དུ་འབྱོར་བ་དང་། ཤེས་རབ་དགའ་ཚལ་སློབ་གླིང་དང་ཀུན་ཕན་སློབ་གྲྭ་སོགས་སུ་སློབ་གཉེར་གནང་། ...
ལྷོ་རྒྱ་ནག་རྒྱ་མཚོའི་མངའ་ཁུལ་བདག་དབང་ཐད་རྒྱ་ནག་དང་ཧྥི་ལི་ཕིན་བར་རྩོད་རྙོག་ཆེན་པོ་ཡོང་བཞིན་ཡོད་འདུག་པ་དང་། ཨ་རིས་ཧྥི་ལི་ཕིན་ནང་གོ་མཚོན་འགོག་རྒོལ་མ་ལག་བཞག་ཡོད་འདུག་པར་བརྟེན། རྒྱ་ནག་གིས་གོ་མཚོན་འགོག་རྒོལ་མ་ལག་དེ་ཧྥི་ལི་ཕིན་ནང་འཇོག་མི་ཆོག་པའི་དགོས་འདུན་བཏོན་ནས་ཨ་རྒྱ་གཉིས་བར་རྣོ་ངར་ཅན་གྱི་རྩོད་རྙོག་ཞིག་ཆགས་ཡོད་འདུག ཕྱི་ཚེས་༢༠ ཉིན་(Taipeltimes)གསར་ཁང་གིས་གནས་ཚུལ་སྤེལ་གསལ་ལྟར་ན། ད་ཆར་ཨ་རིའི་གཞུང་གིས་ལོ་འདིའི་ལོ་འགོའི་སྐབས་ནས་ཧྥི་ལི་ཕིན་ནང་གོ་འཚོན་འགོག་རྒོལ་གྱི་མ་ལག་ཞིག་བཞག་ཡོད་འདུག་པ་དང་། ཨུ་རུ་སུ་དང་རྒྱ་ནག་གཉིས་ཀས་ཨ་རིའི་གཞུང་གིས་ལྷོ་རྒྱ་ནག་རྒྱ་མཚོའི་མངའ་ཁུལ་དུ་རྩོད་རྙོག་བཟོ་བཞིན་ཡོད་ཚུལ་བརྗོད་ནས་སྐྱོན་བརྗོད་ཤུགས་ཆེན་བྱེད་ཀྱི་ཡོད་འདུག རྒྱ་ནག་དང་ཧྥི་ལི་ཕིན་བར་གྱི་ས་ཁུལ་དེ་དག་ནི་རྒྱལ་སྤྱིའི་འབྲེལ་ལམ་ཐད་ཧ་ཅང་གལ་ཆེན་པོ་ཆགས་ཀྱི་ཡོད་འདུག་པར་བརྟེན། རྒྱ་ནག་གིས་མངའ་ཁུལ་དེ་རྒྱ་ནག་གི་ཡིན་ཚུལ་བརྗོད་ནས་ཧྥི་ལི་ཕིན་གྱི་མཚོ་སྲུང་དམག་མི་དང་གདོང་ཐུག་ཐེངས་མང་ཤོར་ཡོད་འདུག དེ་བཞིན་ཧྥི་ལི་ཕིན་ཉེ་འཁོར་གྱི་ས་ཆ་རྣམས་ཨ་རིའི་ཨེ་ཤེ་ཡའི་ཁུལ་གྱི་ས་ཁམས་ཆབ་སྲིད་ཐད་ཧ་ཅང་གི་གལ་གནད་ཆེན་པོ་ཆགས་ཀྱི་ཡོད་འདུག་ལ། ཐའེ་ཝན་གྱི་བདེ་འཇགས་ཐད་ཀྱང་ཧ་ཅང་གལ་ཆེན་པོ་ཆགས་ཀྱི་ཡོད་འདུག རྒྱ་ནག་གི་ཕྱི་འབྲེལ་ལྷན་ཁང་གི་མགྲིན་ཚབ་པ་Lin Jian (林劍)ཟེར་བ་དེས། ཨ་རིའི་གཞུང་གིས་ཧྥི་ལི་ཕིན་ནང་གོ་མཚོན་འགོག་རྒོལ་མ་ལག་བཞག་ནས་མངའ་ཁུལ་དེའི་བརྟན་ལྷིང་མེད་པ་བཟོ་ཐབས་བྱེད་ཀྱི་ཡོད་ཚུལ་བརྗོད་ནས་སྐྱོན་བརྗོད་ཤུགས་ཆེན་བྱེད་ཀྱི་ཡོད་འདུག...
ཟླ་འདིའི་ཚེས་༢༢ ་ཉིན་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། རྒྱ་ནག་གི་འགོ་ཁྲིད་བུད་མེད་ཅིག་གིས་འདས་པའི་ལོ་མང་རིང་ལྐོག་ངན་བླངས་པ་དང་དབང་ཆ་ལོག་སྤྱོད་བྱས་པར་བརྟེན། རྒྱ་གཞུང་གིས་ལོ་༡༣ བཙོན་འཇུག་དང་རྒྱ་སྒོར་ས་ཡ་གཅིག་གི་ཉེས་ཆད་བཅད་འདུག རྒྱ་ནག་གི་ལྷོ་ནུབ་ཀོའེ་ཀྲོའུ་(Guizhou) ་ཞིང་ཆེན་གྱི་དམར་ཤོག་དྲུང་ཆེ་གཞོན་པ་ཀྲོང་ཡང་(Zhong Yang) ་ཟེར་བའི་ལོ་ན་༥༢ ་སོན་པའི་བུད་མེད་དེས་འདས་པའི་ལོ་མང་རིང་མོའི་དབང་འོག་ཏུ་ཡོད་པའི་ལས་བྱེད་སྐྱེས་པ་༥༨ ་ལ་འཁྲིག་སྤྱོད་དང་འབྲེལ་བའི་འབྲེལ་བ་བཙུགས་པ་དང་། རྒྱ་སྒོར་ས་ཡ་༦༠ ་ཙམ་ལྐོག་རྔན་བླངས་པའི་ནག་ཉེས་བསགས་ཡོད་པར་བརྟེན། རྒྱ་གཞུང་གིས་ལོ་༡༣ བཙོན་འཇུག་དང་རྒྱ་སྒོར་ས་ཡ་གཅིག་གྱི་ཆད་པ་བཅད་ཡོད་འདུག...
ཨ་རུ་ན་ཅལ་མངའ་སྡེ་ནི་རྒྱ་དཀར་ནག་གཉིས་བར་ཧ་ཅང་གིས་རྩོད་གཞི་ཅན་ཞིག་ཆགས་ཀྱི་ཡོད་པ་དང་། དམིགས་བསལ་ཕྱི་ལོ་༡༩༦༢ ལོར་རྒྱ་ནག་གིས་ཨ་རུ་ན་ཅལ་ས་ཁུལ་མང་པོ་ཞིག་བཙན་བཟུང་བྱས། ཕྱིས་སུ་རྒྱ་ནག་གི་དམག་མི་ས་ཆ་དེ་དག་ནས་ཕྱིར་འཐེན་བྱས་ཡོད་འདུག་ཀྱང་། ད་སྐབས་རྒྱ་ནག་གིས་ཨ་རུ་ན་ཅལ་ཉེ་འཁོར་བོད་ནང་གི་ས་ཆར་ཐད་འཕུར་གནམ་གྲུའི་འབབ་ཚུགས་སོགས་དམག་གི་རྟེན་གཞི་མང་པོ་ཞིག་འཛུགས་སྐྲུན་བྱེད་ཀྱི་ཡོད་པས་རྒྱ་གར་གྱི་བདེ་འཇགས་ལ་སེམས་འཚབ་ཆེན་པོ་ཡོང་གི་ཡོད་འདུག ཕྱི་ཚེས་༡༨ ཉིན་རྒྱ་གར་གྱི་གསར་ཁང་(NDTV)ཡིས་གནས་ཚུལ་སྤེལ་གསལ་ལྟར་ན། ཨ་རུ་ན་ཅལ་མངའ་སྡེའི་བྱང་ཤར་ཕྱོགས་ནས་ཀེ་ལོ་མེ་ཊར་༢༠ སར་བོད་རང་སྐྱོང་ལྗོངས་ཟེར་བའི་ནང་རྒྱ་ནག་གཞུང་གིས་འདས་པའི་ཟླ་བ་༩ ནང་དམག་གི་ཐད་འཕུར་གནམ་གྲུའི་འབབ་ཚུགས་ཤིག་གསར་རྒྱག་བྱེད་བཞིན་ཡོད་པ་གསར་ཁང་དེ་ལ་གནས་ཚུལ་མཁོ་སྤྲོད་བྱུང་ཡོད་འདུག སྤྱིར་བཏང་རྒྱ་ནག་གིས་ཨ་རུ་ན་ཅལ་མངའ་སྡེའི་ཉེ་འཁོར། བོད་ནང་དུ་དམག་གི་རྟེན་གཞིའི་འཛུགས་སྐྲུན་མང་པོ་ཞིག་དང་གྲོང་གསེབ་གསར་རྒྱག་གི་ལས་གཞི་རྒྱ་ཆེན་པོ་ཞིག་བྱེད་བཞིན་ཡོད་འདུག དེ་བཞིན་རྒྱ་གར་གཞུང་གིས་ཀྱང་ཨ་རུ་ན་ཅལ་མངའ་སྡེ་དང་། གཞན་བྱང་ཤར་ཁུལ་དུ་ཡོད་པའི་མངའ་སྡེ་གསུམ་བཅས་ཁྱོན་མངའ་སྡེ་བཞིའི་ནང་དམག་གི་རྟེན་གཞི་འཛུགས་སྐྲུན་གྱི་ལས་གཞི་དང་གཞུང་ལམ་གསར་རྒྱག མེ་འཁོར་ལྕགས་ལམ།...
༡)<<བརྡ་དཀྲོལ་གསེར་གྱི་མེ་ལོང་>>ཞེས་པའི་དེབ་འདི་ནི་བོད་ནང་གི་སློབ་དཔོན་ཆེན་མོ་བཙན་ལྷ་ངག་དབང་ཚུལ་ཁྲིམས་ནས། ལོ་ངོ་བཅུ་ཕྲག་གཅིག་ལྷག་གི་རིང་སྐུ་ངལ་འཛེམས་མེད་ཀྱིས་རྩོམ་སྒྲིག་གནང་བ་ཞིག་དང་། ནང་དོན་གྱི་ཆ་ནས་བོད་ཀྱི་བརྡ་སྤྲོད་དང་སྙན་གཞུང་། ཆོས་འབྱུང་དང་རྟོགས་བརྗོད་སོགས་དཔེ་དེབ་སུམ་བརྒྱ་ལྷག་ནས་བརྡ་རྙིང་གཙོ་བོར་བྱས་པའི་ཚིག་དོན་གོ་དཀའ་བ་མང་པོ་ཞིག་གོ་བདེ་ཁུངས་བཙུན་གྱི་ལམ་ནས་གསྲེད་བཀྲོལ་གནང་བ་ཞིག་རེད་འདུག་ལ། ཤོག་གྲངས་༦༤༨ ཀྱི་བདག་ཉིད་ཅན་གྱི་དེབ་འདི་བོད་ཀྱི་དཔེ་མཛོད་ཁང་ནས་སྐད་ཡིག་དེབ་ཕྲེང་༥༣ པར་དཔར་དུ་བསྐྲུན་འདུག ༢)<<ཕྱུར་བ་>>ཞེས་པའི་སྒྲུང་རྩོམ་འདི་ནི་བུད་མེད་རྩོམ་པ་པོ་མཁའ་མོ་རྒྱལ་གྱིས་བརྩམས་ཤིང་། བོད་ཀྱི་དེང་རབས་བུད་མེད་ཀྱིས་བྲིས་པའི་སྒྲུང་རིང་ཐོག་མ་ཡིན་པ་མདུན་ཤོག་ཏུ་འཁོད་འདུག ལེའུ་དྲུག་གི་བདག་ཉིད་ཅན་གྱི་དེབ་འདིའི་བརྗོད་བྱ་ནི་བརྩེ་དུང་གི་སྐོར་ཡིན་པ་དང་། མཚོན་དོན་གྱི་ཆ་ནས་“ང་ཚོས་དུས་རབས་ཉེར་གཅིག་པའི་ནང་བོད་ཀྱི་སྤྱི་ཚོགས་ཀྱི་མེ་ལོང་ཡིན་ཟེར་བ་འདི་འདྲ་ལ་དགོངས་པ་འདྲ་ཞེས་”བོད་ཀྱི་དཔེ་མཛོད་ཁང་གི་རིག་གཞུང་ཉམས་ཞིབ་དང་དཔར་སྐྲུན་འགན་འཛིན་ན་ག་སངས་རྒྱས་བསྟན་དར་ནས་དཔར་སྐྲུན་གསལ་བཤད་དུ་བྲིས་གནང་འདུག་པ་དང་། དེབ་འདི་བོད་ཀྱི་དཔེ་མཛོད་ཁང་ནས་སྐད་ཡིག་དེབ་ཕྲེང་༥༢ པར་དཔར་དུ་བསྐྲུན་འདུག ༣)<<ཨེན་སི་ཊེན་གྱི་ཁམ་གང་>>ཞེས་པའི་བསྒྱུར་རྩོམ་གྱི་དེབ་འདི་ནི་རིག་སྨོན་ཚེ་རིང་བསམ་གྲུབ་ཀྱིས་རྒྱ་ཡིག་ནས་གཙོ་བོར་བསྒྱུར་འདུག་པ་དང་། དེབ་འདིར་བོད་འགྱུར་ལོ་ཙཱ་བའི་ཞུ་མཆིད་མ་བརྩིས་པར་ཨེན་སི་ཊེན་རང་ཉིད་ཀྱི་སྐོར་ནས། འཚོ་བ།...
ཟླ་འདིའི་ཚེས་༢༠ ་ཉིན་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་སྤེལ་གསལ་ལྟར་ན། རྒྱ་ནག་ནང་རྒྱལ་ཞེན་རིང་ལུགས་ཤུགས་ཇེ་ཆེར་འགྲོ་བཞིན་ཡོད་པ་དང་། ཉེ་ལམ་མི་ཞིག་གིས་ལོ་ན་བཅུ་སོན་པའི་ཉི་ཧོང་གི་ཕྲུ་གུ་ཞིག་ལ་གྲི་བཙུགས་ནས་བསད་ཡོད་པའི་གནས་ཚུལ་ཐོན་ཡོད་འདུག ཉེ་ལམ་རྒྱ་ན་གི་(Shenzhen) ་གྲོང་ཁྱེར་ནང་རྟེན་གཞི་བྱས་པའི་ཉི་ཧོང་གི་སློབ་གྲྭ་ཞིག་གི་ཉེ་འགྲམ་དུ། ལོ་ན་༤༤ ཡིན་པའི་རྒྱ་མིའི་སྐྱེས་པ་ཞིག་གིས་ཉི་ཧོང་གི་ཕྲུ་གུ་ཞིག་ལ་གྲི་བཙུགས་ནས་ཉིན་གཅིག་གི་རྗེས་སུ། ཕྲུ་གུ་དེ་འདས་གྲོངས་སུ་ཕྱིན་ཡོད་འདུག ཉི་ཧོང་གི་མི་སེར་ཡིན་པའི་ཕྲུ་གུ་དེའི་མིང་ལ་ལིང(Lin) ་ཟེར་ཞིང་། ཁོང་གི་ཕ་ནི་ཉི་ཧོང་བ་ཞིག་དང་ཨ་མ་རྒྱ་མི་ཡིན་འདུག ས་གནས་ཉེན་རྟོག་པས་གནས་ཚུལ་དེ་བྱུང་བ་དང་སྐྱེས་པ་དེ་འཕྲལ་དུ་འཛིན་བཟུང་བྱས་ཡོད་འདུག་པ་དང་། རེས་གཟའ་ཕུར་བུའི་ཉིན་རྒྱ་ནག་གི་ཕྱི་སྲིད་ལས་ཁུང་གི་མགྲིན་ཚབ་པས་གསར་འགོད་པ་ཚོར་གནས་ཚུལ་དེ་ལྷག་པར་བློ་ཕམ་དང་། དོན་རྐྱེན་དེར་རྟོག་ཞིབ་བྱེད་བཞིན་ཡོད་པ།...
ཟླ་འདིའི་ཚེས་༡༩ ་ཉིན་སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བརྒྱད་པ་དཔལ་ལྡན་ཚོགས་གཙོ་དབུ་བཞུགས་ཐོག་དབུ་འཛུགས་གནང་སོང་། ཚོགས་དུས་བརྒྱད་པའི་ཐོག་སྤྱི་ཟུར་བློ་བཟང་ཡེ་ཤེས་དབུས་འོས་བསྡུ་ལས་ཁང་གི་ཚོགས་གཙོ་དང་ཚུལ་ཁྲིམས་རྡོ་རྗེ་ལས་བྱེད་འདེམས་སྐོར་ལྷན་ཁང་གི་ཚོགས་མིར་བདམས་ཐོན་བྱུང་སོང་ལ། དེ་བཞིན་གཞུང་འབྲེལ་གྲོས་ཆོད་གྲོས་འཆར་གྱི་ལས་རིམ་ཐོག སྤྱི་འཐུས་ཙ་ནེ་ཚང་དོན་འགྲུབ་བཀྲ་ཤིས་ཀྱིས་ཡིག་ཆ་ཨང་། ༤༠ པ། ཨོ་སི་ཁྲུ་ལི་ཡའི་གྲོས་ཚོགས་གོང་མའི་འཐུས་མི་ཟུར་པ་ལྕམ་སྐུ་ཇ་ནི་ཊ་ རཡེ་སེ་ (Former Senator Janet Rice) མཆོག་ལ་ཐུགས་རྗེ་ཆེ་ཞུའི་གྲོས་ཆོད་གྲོས་འཆར་སྙན་སྒྲོན་གནང་བར། སྤྱི་འཐུས་དགེ་བཤེས་རྔ་བ་གངས་རིས་རྒྱབ་སྐྱོར་གནང་རྗེས།...
ཨོ་སི་ཁྲུ་ལི་ཡའི་ནང་གནས་སྡོད་རྒྱ་རིགས་ཁྲེན་ཡོང་ལིན(Chen Yonlin )ཟེར་བ་ཞིག་གིས་རང་ཉིད་ནི་རྒྱ་ནག་གཞུང་གི་སོ་མྱུལ་བ་ཡིན་པ་དང་། མི་ལོ་བཞིའི་རིང་ཨོ་སི་ཁྲུ་ལི་ཡའི་ནང་ཡོད་པའི་རྒྱ་རིགས་རྣམས་ཀྱི་འགྲོ་འདུག་སྤྱོད་གསུམ་ལ་སོ་ལྟ་བྱས་ནས་རྒྱ་ནག་གཞུང་ལ་གནས་ཚུལ་མཁོ་སྤྲོད་བྱེད་མྱོང་ཡོད་པར་བརྗོད་ཡོད་འདུག ཕྱི་ཚེས་༡༧ ཉིན་ཨོ་སི་ཁྲུ་ལི་ཡའི་གསར་ཁང་(60 Minutes Australia)ཟེར་བ་དེ་ཡིས་རྒྱ་རིགས་ཁྲེན་ཡོང་ལིན(Chen Yonlin )་དང་བཅར་འདྲི་བྱས་པའི་ལེ་ཚན་ཞིག་བཏང་འདུག་པ་དང་། ལེ་ཚན་དེའི་ནང་རྒྱ་རིགས་ཁྲེན་ཡོང་ལིན(Chen Yonlin )ཡིས། ཁོས་འདས་པའི་ལོ་བཞིའི་རིང་རྒྱ་ནག་གཞུང་གིས་ལས་འགན་བསྐུལ་བ་ལྟར་སྒོམ་སྒྲུབ་ཉམས་ལེན་པ་(Falun Gong)གཙོས་པའི་རྒྱ་ནག་དང་ལྟ་སྤྱོད་མི་མཐུན་མཁན་གྱི་མི་མང་ཐོག་སོ་ལྟ་བྱས་ཡོད་པ་དང་།...
ཕྱི་ཟླ་༩ ཚེས་༡༩ བོད་མི་མང་སྤྱི་འཐུས་ལྷན་ཚོགས་གྲོས་ཚོགས་ཚོགས་དུས་བརྒྱད་པའི་ལས་ཉིན་༨ པའི་ཚོགས་ཐུན་དང་པོར་གཞུང་འབྲེལ་གྲོས་ཆོད་གྲོས་འཆར་གྱི་ལས་རིམ་གྲུབ་རྗེས། རང་དབང་ཅན་གྱི་སྡེ་ཚན་དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་འོས་འདེམས་བྱས་སོང་། དེ་ཡང་འོས་མི་འདེམས་སྒྲུག་ཚོགས་ཆུང་ནས་དབུས་འོས་བསྡུ་ལྷན་ཁང་གི་འགན་འཛིན་གྱི་འོས་མི་སྤྱི་ཟུར་བློ་བཟང་ཡེ་ཤེས་དང་ལྷ་ལུང་རྒྱལ་གཉིས་ཀྱི་མཚན་བྱང་འཆར་འབུལ་ཞུས་འདུག་པ་ལྟར། གྲོས་ཚོགས་ནང་འོས་བསྡུ་བྱེད་སྐབས་སྤྱི་ཟུར་བློ་བཟང་ཡེ་ཤེས་ལ་འོས་གྲངས་༢༩ དང་ལྷ་ལུང་རྒྱལ་ལ་འོས་གྲངས་༡༢ དང་འོས་༢ རྩིས་མེད་ཀྱིས། སྤྱི་ཟུར་བློ་བཟང་ཡེ་ཤེས་མང་མོས་ཀྱིས་འོས་བསྡུ་ལྷན་ཁང་གི་འགན་འཛིན་དུ་འོས་འདེམས་གནང་སོང་། དེ་བཞིན་འོས་མི་འདེམས་སྒྲུག་ཚོགས་ཆུང་ནས་ལས་བྱེད་འདེམས་ལྷན་གྱི་ཚོགས་མིའི་འོས་མི་རྣམ་གྲྭ་ཐུབ་བསྟན་ཡར་འཕེལ་དང་རྡ་སྟེང་བོད་ཕྲུག་ཁྱིམ་སྡེའི་འགན་འཛིན་ཚུལ་ཁྲིམས་རྡོ་རྗེ་གཉིས་ཀྱི་མཚན་བྱང་འཆར་འབུལ་ཞུས་འདུག་པ་ལྟར། རྣམ་གྲྭ་ཐུབ་བསྟན་ཡར་འཕེལ་ལ་འོས་གྲངས་༡༨ ། ཚུལ་ཁྲིམས་རྡོ་རྗེ་ལ་འོས་གྲངས་༢༤...
ཕྱི་ཚེས་༡༨ ཉིན་གྲོས་ཚོགས་ཚོགས་དུས་བརྒྱད་པའི་ལས་ཉིན་༧ པའི་སྔ་དྲོར་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་ལས་བསྡོམས་དང་འབྲེལ་བའི་སྤྱི་ཡོངས་བགྲོ་གླེང་དང་སྤྱི་འཐུས་རྣམ་པའི་དྲི་བར་ལན་འདེབས་བཅས་གནང་ཞིང་། སྐབས་དེར་ཉེ་ཆར་ཧྥ་རན་སིའི་རྒྱལ་སར་ཡོད་པའི་འགྲེམས་སྟོན་ཁང་གཉིས་ཀྱི་ནང་། བོད་ཀྱི་དངོས་པོ་འགའ་དང་འབྲེལ་བའི་ངོ་སྤྲོད་དུ་བོད་མིང་ཚབ་ཏུ་རྒྱ་ནག་གིས་བཏགས་པའི་ཤིས་ཙང་ཟེར་བ་ཞིག་བྲིས་ཡོད་པས། དེ་ལ་ངེས་པར་དུ་ངོ་རྒོལ་དང་ཞུ་གཏུག་བྱེད་དགོས་པ། དེ་བཞིན་ཉེར་ཆར་བོད་ཀྱི་ཟློས་གར་ཚོགས་པའི་ཚོགས་ཁང་དུ་གཞི་རིམ་མི་མང་རེ་འབོད་ཚོགས་པའི་ལས་འགུལ་དབུ་འབྱེད་སྐབས་སུ་དེར་བོས་པའི་མི་ཞིག་གིས་༧གོང་ས་མཆོག་གི་དབུ་མའི་ལམ་གྱི་དགོངས་པ་འགྲེལ་ལོག་བརྒྱབས་པ་དེ་ནི་ནོར་འཁྲུལ་ཡིན་པ་དང་། བོད་དོན་རྒྱབ་སྐྱོར་བ་རྒན་པ་མང་པོ་ཞིག་ད་ཆར་བགྲེས་སོང་དུ་འགྱུར་བཞིན་ཡོད་པར་བརྟེན། ང་ཚོའི་ངོས་ནས་ཁོང་རྣམས་ལ་མུ་མཐུད་ནས་འབྲེལ་བ་བྱེད་རྒྱུ་དང་ཁོང་ཚོའི་བུ་ཕྲུག་ཚོ་མ་འོངས་པར་བོད་དོན་ཐད་རྒྱབ་སྐྱོར་ཡོང་ཐབས་བྱེད་རྒྱུ་གལ་ཆེན་པོ་ཡིན་སྐོར། ད་ལྟའི་བཀའ་ཤག་གི་ངོས་ནས་ཁོང་རྣམ་པ་འབྲེལ་བ་བྱེད་ཀྱི་ཡོད་མེད། ལྡི་ལིའི་ནང་འདི་ལོར་བོད་ཀྱི་དུས་སྟོན་འཚོགས་ཡོད་པ་དེ་མ་འོངས་པར་ཡང་ལོ་རྟག་པར་འཚོགས་ཐུབ་ན་བོད་དོན་དྲིལ་བསྒྲགས་བྱེད་རྒྱུའི་གོ་སྐབས་ཡག་པོ་ཡིན་པ་དང་། དེ་ཡང་གཟའ་མཇུག་སྐབས་འཚོག་ཐུབ་ན་དེ་ལས་མི་མང་མང་བ་ཡོང་རྒྱུའི་རེ་བ་ཡོད་པ། ཉེ་ཆར་ཨོ་སི་ཁྲུ་ལི་ཡའི་ནང་གནས་སྡོད་སེང་གེ་ཟེར་བ་ཞིག་གིས་༧གོང་ས་མཆོག་ལ་མཚན་སྨད་ཞུས་པ་དང་བོད་མིའི་སྒྲིག་འཛུགས་གཏོར་དགོས་པ་སོགས་བརྗོད་ཡོད་པ་དེར། མ་འོངས་པར་མི་དེ་ལ་ཉེས་ཆད་གཅོད་དགོས་པ་དང་གནས་ཡུལ་གཞུང་གི་ཁྲིམས་ལ་གཏུག་དགོས་པ། ཕྱི་དྲིལ་ཡུལ་གྲུ་ཁག་ཏུ་བོད་རིགས་སྤྱི་མཐུན་ཚོགས་པ་མང་དུ་འགྲོ་བཞིན་ཡོད་པར་བརྟེན། བོད་རིགས་སྤྱི་མཐུན་ཚོགས་པ་ཁག་ལ་དཀའ་ངལ་འཕྲད་པའི་སྐབས།...
