རྒྱ་གར་གསང་བའི་ལས་ཁུངས་ནས་བསྟན་འཛིན་བརྩོན་འགྲུས་བཀག་ཉར།

རྒྱ་གར་གྱི་བརྒྱུད་ལམ་དུ་གནས་ཚུལ་སྤེལ་བ་ལྟར་ན། ཟླ་འདིའི་ཚེས་༡༧ ཉིན་རྒྱ་ནག་གི་སྲིད་འཛིན་ཞི་ཅིན་ཕིང་རྒྱ་གར་གྷུ་ཅི་ར་ཐི་མངའ་སྡེའི་ནང་འབྱོར་ཡོད་པ་དང་། བོད་རང་བཙན་འཐབ་རྩོད་པ་བསྟན་འཛིན་བརྩོན་འགྲུས། ཚེས་༡༦ ཉིན་སྲིད་འཛིན་ཞི་ཅིན་ཕིང་ཕེབས་ལམ་གྱི་སཱ་བྷར་མ་ཊི་ ཨ་ཤི་རཱམ་(Sabarmati Ashram) ནང་ལ་འགྲོ་མཁན་གྱི་མགྲོན་པོ་མཉམ་དུ་སོང་ནས། དེར་ཡུབ་ནས་བསྡད་ཡོད་སྐབས། ཚེས་༡༧ གྱི་ཞོགས་པ་རྒྱ་གར་གསང་བའི་ལས་ཁུངས་ཀྱིས་ཤེས་རྟོགས་བྱུང་སྟེ། འཛིན་བཟུང་བཀག་ཉར་བྱས་ཡོད་འདུག

སཱ་བྷལ་མ་ཊི་ ཨ་ཤི་རཱོམ་(Sabarmati Ashram) ཡུལ་སྐོར་སྤྲོ་འཆམ་པ་འགྲོ་གནས་ཤིག་ཡིན་པ་དང་། དེ་ལ་གྷན་དྷི་ཨ་ཤི་རཱོམ་ཡང་ཟེར་གྱི་ཡོད་པ་རེད། གྷན་དྷི་རྗེས་རྒྱ་གར་རང་བཙན་འཐབ་རྩོད་ཆེད། ཚྭ་ལེན་དུ་འགྲོ་བའི་ལས་འགུལ་འགོ་འཛུགས་བྱེད་ས་དེ་ཡིན་པ་དང་། ད་ཐེངས་ཞི་ཅིན་ཕིང་དེར་ལྟ་སྐོར་དུ་འགྲོ་ཡི་ཡོད་པ་རེད།

བརྒྱུད་ལམ་དུ་གནས་ཚུལ་སྤེལ་བ་ལྟར་ན། བསྟན་འཛིན་བརྩོན་འགྲུས་ཞི་ཅིན་ཕིང་རྒྱ་གར་ནས་ཕྱིར་ལོག་པ་དང་གློད་གྲོལ་གཏོང་རྒྱུ་ཡིན་འདུག ཁོང་གིས་དུས་རྒྱུན་བོད་རང་བཙན་ཆེད་རྒྱ་ནག་གི་དཔོན་རིགས་ཚོར་ངོ་རྒོལ་བྱེད་ཀྱི་ཡོད་པས། རྒྱ་ནག་གི་དཔོན་རིགས་ཚོ་རྒྱ་གར་དུ་མ་ཕེབས་སྔོན་ནས་སྔོན་ཁོང་རྒྱ་གར་ཉེན་རྟོག་པས་ས་གནས་གཅིག་ལས་འགྲོ་བསྐྱོད་མི་ཆོག་པ་བཀག་ཉར་ཐེངས་ཁ་ཤས་བྱེད་མྱོང་ཡོད་པ་དང་། རྒྱ་ནག་གི་དཔོན་རིགས་ཚོ་ཕྱིར་ལོག་རྗེས་ཁོང་གློད་གྲོལ་གཏོང་གི་ཡོད་པ་རེད།།
http://www.mid-day.com/articles/tibetan-activist-tenzin-tsundue-detained-by-the-police/15612154