རྒྱལ་ཚོགས་མདུན་དུ་དབང་གྲགས་གློད་གྲོལ་དགོས་པའི་རྒྱ་ནག་ལ་ངོ་རྒོལ།

ཟླ་འདིའི་ཚེས་༡༡ ཉིན་གྱི་མཚན་མོའི་ཆུ་ཚོད་ ༡༢ཙམ་ལ་ཁམས་སེར་ཤུལ་རྫོང་། འདན་མ་ནས་སྡེ་དཔོན་དབང་གྲགས་རྒྱ་གཞུང་གིས་རང་ཁྱིམ་ནས་ལྐོག་ཏུ་འཇུ་བཟུང་བཙན་ཁྲིད་བྱས་པར། ཕྱི་ཚེས་ ༡༢ཉིན་མི་མང་གིས་ཁོང་གློད་གྲོལ་གཏོང་དགོས་པའི་སྐད་འབོད་བྱས་པར།རྒྱ་ནག་གིས་མང་ཚོགས་ཁྲོད་དུག་རྫས་གཏོང་པ་དང་། མེ་མདའ་བརྒྱབ་ནས་བོད་མི་བཅུ་ཡན་མན་ཙམ་རྨས་སྐྱོན་ཚབས་ཆེན་བཟོས་པ་མ་ཟད།སླར་ཡང་བོད་མི་མང་པོ་འཛིན་བཟུང་བྱས་པའི་ཛ་དྲག་གནས་སྟངས་བྱུང་བར་བརྟེན།

རྒྱ་ནག་གི་བྱ་སྤྱོད་དེར་ངོ་རྒོལ་ཆེད།ཨ་རིའི་ནིའུ་ཡོག་བོད་རིགས་དང་བླངས་སྒེར་པ་ཁག་ཅིག་གི་གོ་སྒྲིག་འོག མི་མང་འདུ་འཛོམས་གྱིས་ཕྱི་ཟླ་༨ ཚེས་༡༤ རེས་གཟའ་ཕུར་བུ་ཉིན་རྒྱབ་མཉམ་སྦྲེལ་རྒྱལ་ཚོགས་མདུན་དུ་ཕྱི་དྲོ་ཆུ་ཚོད་༣། པ་ནས་ ༧ པ་བར་”སྡེ་དཔོན་དབང་གྲགས་གློད་གྲོལ་དགོས་”།མཉམ་སྦྲེལ་རྒྱལ་ཚོགས་དྲུང་ཆེས་བོད་དོན་ཆེད་སྐད་ཆ་བཤད་རོགས།བོད་འདན་མར་དམར་གསོད་མཚམས་འཇོག་དགོས་པ་སོགས་ཛ་དྲག་གི་ངོ་རྒོལ་སྐད་འབོད་དང་ཡིག་ཆ་འགྲེམས་སྤེལ་བྱས་ཡོད་པ་དང་།

ཕྱི་ཉིན་ཡང་རྒྱ་གཞུང་ལ་ངོ་རྒོལ་ལས་འགུལ་སྤེལ་གྱི་ཡོད་པ་རེད།

https://bangchen.tibetexpress.net/2014/08/lochung/